ആനയിറങ്കൽ അണക്കെട്ട്

കേരളത്തിലെ ഇടുക്കി ജില്ലയിലെ മൂന്നാറിൽ നിന്നും 22 കിലോമീറ്റർ അകലെ ചിന്നക്കനാൽ, ശാന്തമ്പാറ പഞ്ചായത്തുകളിലായി പന്നിയാർ പുഴയിൽ നിർമിച്ച ഒരു അണക്കെട്ടാണ് ആനയിറങ്കൽ അണക്കെട്ട്. ^[1] ഒരു വശം വനമേഖലയാലും മറ്റു വശങ്ങൾ ടാറ്റയുടെ ടീ പ്ലാന്റേഷനാലും അണക്കെട്ട് ചുറ്റപ്പെട്ടിരിക്കുന്നു. കുമളി - മൂന്നാർ പാതയ്ക്കു സമീപമാണ് അണക്കെട്ടിന്റെ സ്ഥാനം ^[2]. അണക്കെട്ടിൽ നിന്നും ഒഴുകിയെത്തുന്ന ജലം പന്നിയാർ പുഴയിലൂടെ കുത്തുങ്കലിലും പൊന്മുടി അണക്കെട്ടിലും എത്തുന്നു. കുത്തുങ്കൽ, പന്നിയാർ പവർഹൗസുകളിൽ വെച്ച് വൈദ്യുതി ഉത്പാദിപ്പിക്കുന്നു. ^{[3] [4] [5]} ബിയൽറാം എന്നിവിടങ്ങളിൽനിന്നും ഒഴുകിയെത്തുന്ന ചെറുതോടുകളിലെ ജലവും തമിഴ്‌നാട് അതിർത്തിയിലെ മലകളിൽനിന്നും ഒഴുകിയെത്തുന്ന മഴവെള്ളവുമാണ് ഈ അണക്കെട്ടിൽ സംഭരിക്കുന്നത്. സാധാരണയായി ജൂൺ, ജൂലൈ മാസങ്ങളിൽ സംഭരണി നിറഞ്ഞുകവിയാറുണ്ട്.

ആനയിറങ്കൽ അണക്കെട്ട്
ആനയിറങ്കൽ അണക്കെട്ട് മുകളിൽ നിന്നുള്ള വീക്ഷണം
സ്ഥലം	ചിന്നക്കനാൽ, മൂന്നാർ, ഇടുക്കി ജില്ല,കേരളം,ഇന്ത്യ
നിർദ്ദേശാങ്കം	10°00′35″N 77°12′25″E
പ്രയോജനം	വൈദ്യുതി നിർമ്മാണം
നിർമ്മാണം പൂർത്തിയായത്	1965
പ്രവർത്തിപ്പിക്കുന്നത്	KSEB,കേരള സർക്കാർ
അണക്കെട്ടും സ്പിൽവേയും
തടഞ്ഞുനിർത്തിയിരിക്കുന്ന നദി	പന്നിയാർ
ഉയരം	34.13 മീ (112 അടി)
നീളം	261.69 മീ (859 അടി)
സ്പിൽവേ ശേഷി	348 M3/Sec
റിസർവോയർ
Creates	ആനയിറങ്കൽ റിസർവോയർ
ആകെ സംഭരണശേഷി	49,840,000 ഘന മീറ്റർ (1.760×109 cu ft)
ഉപയോഗക്ഷമമായ ശേഷി	48,990,000 ഘന മീറ്റർ (1.730×109 cu ft)
Power station
Operator(s)	KSEB
Commission date	1964
Turbines	2 x 16.2 Megawatt (Francis-type)
Installed capacity	32.4 MW
Annual generation	158 MU
പന്നിയാർ പവർ ഹൗസ്

മതികെട്ടാൻ ചോല ദേശീയോദ്യാനം

മതികെട്ടാൻ ചോല ദേശീയോദ്യാനം ^[6] ഇതിനടുത്താണ്.

വൈദ്യുതി ഉത്പാദനം

വെള്ളത്തൂവലിൽ മുതിരപ്പുഴയ്ക്ക് ഇടതുവശം കൊന്നത്തടി ഗ്രാമപഞ്ചായത്തിൽ ഉൾപ്പെടുന്ന പ്രദേശത്തു ഉള്ള പന്നിയാർ പവർ ഹൗസിൽ 15 മെഗാവാട്ടിന്റെ   2 ടർബൈനുകൾ ഉപയോഗിച്ച് 30 മെഗാവാട്ട് വൈദ്യുതി ഉത്പാദിപ്പിക്കുന്നു .1964 ജനുവരി 26-ന് കെ.എസ്.ഇ.ബി.യുടെ ഹൈഡ്രോ ഇലക്ട്രിക് പദ്ധതി നിലവിൽ വന്നു. വാർഷിക ഉൽപ്പാദനം 158 MU ആണ്. 2003-ൽ പദ്ധതി നവീകരിച്ചു 30 മെഗാവാട്ടിൽ നിന്ന് 32.4 മെഗാവാട്ടായി ഉയർത്തി.

കൂടുതൽ കാണുക

• കേരളത്തിലെ ജലവൈദ്യുതപദ്ധതികളുടെ പട്ടിക
• കേരളത്തിലെ അണക്കെട്ടുകളുടെ പട്ടിക

അവലംബം

1. "Anayirangal Dam D06055-". www.indiawris.gov.in.^{[പ്രവർത്തിക്കാത്ത കണ്ണി]}
2. "Anayirankal Dam -". www.keralatourism.org.
3. "Panniyar Hydroelectric Project JH01234-". www.indiawris.gov.in.^{[പ്രവർത്തിക്കാത്ത കണ്ണി]}
4. "Panniyar Power House PH01241-". www.indiawris.gov.in.^{[പ്രവർത്തിക്കാത്ത കണ്ണി]}
5. "PANNIYAR POWER STATION-". www.kseb.in.
6. "Mathikettan Shola Nnational Park -". www.forest.kerala.gov.in. Archived from the original on 2019-12-20. Retrieved 2018-10-24.

പുറത്തേക്കുള്ള കണ്ണികൾ