വെള്ള വടി
കാഴ്ചയില്ലാത്തവർ സഞ്ചാര സഹായി ആയി ഉപയോക്കുന്ന വടി / From Wikipedia, the free encyclopedia
അന്ധരോ കാഴ്ചയില്ലാത്തവരോ ആയ പലരും യാത്ര ചെയ്യുമ്പോൾ ഉപയോഗിക്കുന്ന ഒരു ഉപകരണമാണ് വൈറ്റ് കെയിൻ അഥവാ വെള്ള വടി. ഒപ്പം ഇത് അന്ധതയുടെ സൂചകവുമാണ്. വെള്ള വടി പ്രാഥമികമായി കാഴ്ചയില്ലാത്തവരെ വഴിയിലെ തടസ്സങ്ങൾ തിരിച്ചറിഞ്ഞ് പരാശ്രയമില്ലാതെ നടക്കാൻ അനുവദിക്കുന്നു. അതുപോലെ തന്നെ ഈ വടി കയ്യിലുള്ളയാൾ അന്ധരോ കാഴ്ചയില്ലാത്തവരോ ആണെന്ന് മറ്റുള്ളവർ തിരിച്ചറിയുന്നതിനും ഉചിതമായ പരിചരണം ലഭിക്കുന്നതിനും സഹായിക്കും. ചില രാജ്യങ്ങളിൽ വൈറ്റ് കെയിൻ നിയമമനുസരിച്ച് ട്രാഫിക്ക് നിർത്താൻ പോലും കഴിയും.[1]
![Thumb image](http://upload.wikimedia.org/wikipedia/commons/thumb/c/ce/Long_cane.jpg/320px-Long_cane.jpg)
വൈറ്റ് കെയിൻ ഉപയോഗരീതികളെക്കുറിച്ചും അതിൻ്റെ ഗുണങ്ങളെ കുറിച്ചും ശരിയായ ബോധവത്കരണം ഇല്ലാത്തതിനാൽ, ലോകത്ത് എല്ലായിടത്തും കാഴ്ചയില്ലാത്തവർ കൊണ്ടുനടക്കുന്ന വൈറ്റ് കെയ്ൻ കേരളത്തിൽ പ്രചാരത്തിലേക്ക് എത്തുന്നതേയുള്ളൂ. കേരളത്തിൽ അന്ധരായവരിൽ 60 ശതമാനം പേരും ഇപ്പോഴും വൈറ്റ് കെയിൻ ഉപയോഗിക്കുന്നില്ല എന്ന് കണക്കുകൾ സൂചിപ്പിക്കുന്നു.[2]