വജൈനൽ ഡിസ്ചാർജ്
From Wikipedia, the free encyclopedia
യോനിയിലെ ദ്രാവകങ്ങൾ, കോശങ്ങൾ, ബാക്ടീരിയകൾ എന്നിവയുടെ ഒരു മിശ്രിതമാണ് യോനി ഡിസ്ചാർജ്അഥവാ വജൈനൽ ഡിസ്ചാർജ്: . [1] [2] യോനിയെ വഴുവഴുപ്പുള്ളതാക്കുക എന്നതാണ് ഇതിൻ്റ കർത്തവ്യം. ഈ മിശ്രിതംയോനിയിലെയും സെർവിക്സിലെയും കോശങ്ങളിൽ നിരന്തരം ഉത്പാദിപ്പിക്കപ്പെടുന്നു. യോനി തുറക്കപെടുമ്പോളാണ് ഇവ ശരീരത്തിൽ നിന്ന് പുറത്തുകടക്കുന്നത്. ആർത്തവചക്രം മുഴുവനിലും ലൈംഗിക ബന്ധത്തിൽ ഏർപ്പെടുമ്പോഴും, പ്രത്യുൽപാദന വികസനത്തിന്റെ ഘട്ടങ്ങളിലെല്ലാം ഡിസ്ചാർജിന്റെ ഘടന, അളവ്, നിലവാരം എന്നിവ പലപ്പോഴും വ്യത്യാസപ്പെട്ടിരിക്കും. [3] സാധാരണ ഗതിയിൽ യോനിയിൽ നിന്നുള്ള ഈ ഡിസ്ചാർജ് നേർത്തതും കട്ടിയുള്ളതും ഒട്ടിപ്പിടിക്കുന്നതുമായ ജലാംശമുള്ള വെള്ള നിറത്തിലുള്ള ആയിരിക്കും. [1] [2] യോനിയിൽ നിന്നുള്ള ഈ ഡിസ്ചാർജിന്റെ അളവിൽ പലപ്പോഴും ഏറ്റകുറച്ചിൽ ഉണ്ടകാമെങ്കിലും ശക്തമായ ദുർഗന്ധം ഉണ്ടാകാറില്ല. ഇങ്ങനെ സംഭവിക്കുന്നത് കൊണ്ട് ചൊറിച്ചിലോ വേദനയോ ഉണ്ടാകാറില്ല.. [3] ഇങ്ങനെയുള്ള ഈ ഡിസ്ചാർജ് ശരീത്തിന്റെ ഒരു സാധാരണ പ്രവർത്തനം മാത്രമാണ്. എന്നാൽ ഡിസ്ചാർജിലെ ചില മാറ്റങ്ങൾ അണുബാധ മൂലം ആയിരിക്കാം. [4] [5] യോനിയിൽ നിന്നുള്ള യീസ്റ്റ് അണുബാധകൾ, ബാക്ടീരിയൽ വാഗിനോസിസ്, ലൈംഗികമായി പകരുന്ന അണുബാധകൾ എന്നിവ യോനിയിൽ നിന്നുള്ള ഡിസ്ചാർജിൽ മാറ്റങ്ങൾക്ക് കാരണമാകുന്നു . [6] [2] അസാധാരണമായ യോനി ഡിസ്ചാർജിന്റെ സ്വഭാവസവിശേഷതകൾ അതിന്റെ കാരണത്തെ ആശ്രയിച്ച് വ്യത്യാസപ്പെടുന്നു. എന്നാൽ അണുബാധയുടെ പൊതുവായ ലക്ഷണങ്ങളായി കണക്കാക്കുന്നത് ഡിസ്ചാർജിന്റെ നിറവ്യത്യാസം, ദുർഗന്ധം, ചൊറിച്ചിൽ, നീറ്റൽ, പെൽവിക്കിന് ഉണ്ടാകുന്ന വേദന അല്ലെങ്കിൽ ലൈംഗിക ബന്ധത്തിന്റെ സമയത്ത് വരുന്ന കഠിനമായ വേദന തുടങ്ങിയവയാണ് . [7]