സൺ യാറ്റ്-സെൻ വികസിപ്പിച്ചെടുത്ത ഒരു രാഷ്ട്രീയ തത്വശാസ്ത്രം From Wikipedia, the free encyclopedia
റിപ്പബ്ലിക്കൻ കാലഘട്ടത്തിൽ ചൈനയെ മെച്ചപ്പെടുത്തുന്നതിനുള്ള ഒരു തത്വശാസ്ത്രത്തിന്റെ ഭാഗമായി സൺ യാറ്റ്-സെൻ വികസിപ്പിച്ചെടുത്ത ഒരു രാഷ്ട്രീയ തത്വശാസ്ത്രമാണ് ത്രീ പ്രിൻസിപ്പിൾസ് ഓഫ് ദ പീപ്പിൾ (ചൈനീസ്: 三民主義; പിൻയിൻ: Sān Mín Zhǔyì; ത്രീ പീപ്പിൾസ് പ്രിൻസിപ്പിൾസ്, സാൻ-മിൻ ഡോക്ട്രിൻ അല്ലെങ്കിൽ ട്രൈഡെമിസം [1]എന്നും വിവർത്തനം ചെയ്യപ്പെടുന്നു). മൂന്ന് തത്ത്വങ്ങൾ പലപ്പോഴും ദേശീയത, ജനാധിപത്യം, ജനങ്ങളുടെ ഉപജീവനം എന്നിങ്ങനെ വിവർത്തനം ചെയ്യപ്പെടുകയും സംഗ്രഹിക്കുകയും ചെയ്യുന്നു. ഈ തത്ത്വചിന്തയെ കുമിംഗ്താങ് (KMT) നടപ്പിലാക്കിയ രാജ്യത്തിന്റെ നയത്തിന്റെ മൂലക്കല്ലായി അവകാശപ്പെടുന്നു. റിപ്പബ്ലിക് ഓഫ് ചൈനയുടെ ദേശീയ ഗാനത്തിന്റെ ആദ്യ വരിയിലും ഈ തത്ത്വങ്ങൾ പ്രത്യക്ഷപ്പെടുന്നു.
| Three Principles of the People | |||||||||||||||||||||||||||||||
 Sun Yat-sen, who developed the Three Principles of the People | |||||||||||||||||||||||||||||||
| Traditional Chinese | 三民主義 | ||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Simplified Chinese | 三民主义 | ||||||||||||||||||||||||||||||
| |||||||||||||||||||||||||||||||
1894-ൽ റിവൈവ് ചൈന സൊസൈറ്റി രൂപീകൃതമായപ്പോൾ സൺന് ദേശീയതയും ജനാധിപത്യം എന്നീ രണ്ട് തത്വങ്ങൾ മാത്രമാണുണ്ടായിരുന്നത്. 1896 മുതൽ 1898 വരെയുള്ള മൂന്ന് വർഷത്തെ യൂറോപ്പ് യാത്രയിൽ ആയുരാരോഗ്യം എന്ന മൂന്നാമത്തെ ആശയം അദ്ദേഹം തിരഞ്ഞെടുത്തു.[2] 1905 ലെ വസന്തകാലത്ത് യൂറോപ്പിലേക്കുള്ള മറ്റൊരു യാത്രയിൽ അദ്ദേഹം മൂന്ന് ആശയങ്ങളും പ്രഖ്യാപിച്ചു. സൺ തന്റെ ജീവിതത്തിലെ ആദ്യത്തെ പ്രസംഗം "ത്രീ പ്രിൻസിപ്പിൾസ് ഓഫ് ദ പീപ്പിൾ" എന്ന വിഷയത്തിൽ ബ്രസ്സൽസിൽ നടത്തി.[3] പല യൂറോപ്യൻ നഗരങ്ങളിലും റിവൈവ് ചൈന സൊസൈറ്റി സംഘടിപ്പിക്കാൻ അദ്ദേഹത്തിന് കഴിഞ്ഞു. അക്കാലത്ത് ബ്രസ്സൽസ് ബ്രാഞ്ചിൽ ഏകദേശം 30 അംഗങ്ങളും ബെർലിനിൽ 20 പേരും പാരീസിൽ 10 അംഗങ്ങളും ഉണ്ടായിരുന്നു.[3] ടോങ്‌മെൻഗൂയി രൂപീകരിച്ചതിനുശേഷം, സൺ മിൻ ബാവോയിൽ (民報) ഒരു എഡിറ്റോറിയൽ പ്രസിദ്ധീകരിച്ചു.[2] ആദ്യമായാണ് ആശയങ്ങൾ രേഖാമൂലം പ്രകടിപ്പിക്കുന്നത്. പിന്നീട്, മിൻ ബാവോയുടെ വാർഷിക ലക്കത്തിൽ, മൂന്ന് തത്വങ്ങളെക്കുറിച്ചുള്ള അദ്ദേഹത്തിന്റെ ദീർഘമായ പ്രസംഗം അച്ചടിച്ചു. പത്രത്തിന്റെ എഡിറ്റർമാർ ജനങ്ങളുടെ ഉപജീവന പ്രശ്നത്തെക്കുറിച്ച് ചർച്ച ചെയ്തു.[2]
അമേരിക്കൻ പുരോഗമന പ്രസ്ഥാനത്തിന്റെ ഘടകങ്ങളും എബ്രഹാം ലിങ്കൺ ഉയർത്തിയ ചിന്തയും ഉൾക്കൊള്ളുന്ന ഈ പ്രത്യയശാസ്ത്രം യുണൈറ്റഡ് സ്റ്റേറ്റ്സിലെ സൺന്റെ അനുഭവങ്ങളാൽ വളരെയധികം സ്വാധീനിക്കപ്പെട്ടതായി പറയപ്പെടുന്നു. സൺ ലിങ്കന്റെ ഗെറ്റിസ്ബർഗ് അഡ്രെസ്സിൽ നിന്നുള്ള ഒരു വരി, "ജനങ്ങളുടെ സർക്കാർ, ജനങ്ങളാൽ, ജനങ്ങൾക്ക് വേണ്ടി", എന്നിവ മൂന്ന് തത്വങ്ങൾക്ക് പ്രചോദനമായി.[3] ഹു ഹാൻമിൻ വികസിപ്പിച്ച ചൈനയുടെ ആധുനികവൽക്കരണ വികസനത്തിനുള്ള മാർഗ്ഗനിർദ്ദേശമായി ഡോ. സണിന്റെ ത്രീ പ്രിൻസിപ്പിൾസ് ഓഫ് ദ പീപ്പിൾ പരസ്പരം ബന്ധപ്പെട്ടിരിക്കുന്നു.[4]
മിൻസുവിന്റെ തത്വം (民族主義, Mínzú Zhǔyì) സാധാരണയായി "ദേശീയത" എന്നാണ് വിവർത്തനം ചെയ്യപ്പെടുന്നത്. "Mínzú" അല്ലെങ്കിൽ "People" എന്നത് ഒരു ലക്ഷ്യത്താൽ ഏകീകരിക്കപ്പെട്ട ഒരു കൂട്ടം വ്യക്തികളേക്കാൾ ഒരു രാഷ്ട്രത്തെ വിവരിക്കുന്നു. അതിനാൽ സാധാരണയായി ഉപയോഗിക്കുന്നതും ഉചിതമായതുമായ വിവർത്തനം "ദേശീയത" എന്നാണ്.
സാമ്രാജ്യത്വ ശക്തികളുടെ ഉന്മൂലനാശ ഭീഷണിയിലാണ് ചൈനീസ് രാഷ്ട്രത്തെ സൺ കണ്ടത്.[5] അത്തരം തകർച്ചയുടെ പാത മാറ്റാൻ, ചൈനയ്ക്ക് ബാഹ്യമായും ആന്തരികമായും ദേശീയമായി സ്വതന്ത്രമാകേണ്ടതുണ്ട്.
ആഭ്യന്തരമായി, ദേശീയ സ്വാതന്ത്ര്യം എന്നാൽ നൂറ്റാണ്ടുകളായി ചൈന ഭരിച്ചിരുന്ന ക്വിംഗ് മഞ്ചസിൽ നിന്നുള്ള സ്വാതന്ത്ര്യത്തെ അർത്ഥമാക്കുന്നു.[6]ഹാൻ ചൈനീസ് ജനത സ്വന്തം രാഷ്ട്രമില്ലാത്ത ആളുകളാണെന്ന് സൺ കരുതി. അങ്ങനെ ക്വിംഗ് അധികാരികൾക്കെതിരെ ദേശീയ വിപ്ലവത്തിന് ശ്രമിച്ചു.[6][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
