ടെക്ക്
പ്രോഗ്രാമിങ് ഭാഷ / From Wikipedia, the free encyclopedia
കംപ്യൂട്ടർ നിയന്ത്രിത ടൈപ്പ്സെറ്റിങ് സംവിധാനം. ഇതിന്റെ ഉപജ്ഞാതാവ് ഡൊണാൾഡ് ഇ. കുൻത് (Donald E. Kunth) ആണ്. സാധാരണ ഉപയോഗിച്ചുവരാറുള്ള ഡിജിറ്റൽ ടൈപ്പ്സെറ്റിങ്ങിൽ ഗ്രിഡ്ഡുപയോഗിച്ചാണ് പേജിലെ അക്ഷരങ്ങളും ചിഹ്നങ്ങളും രൂപപ്പെടുത്തുന്നത്. ഇതേ രീതിയിൽ മഷിപ്പൊട്ടുകൾ (ink dots) അനുരൂപമായി പേജിൽ ക്രമീകരിക്കാൻ വേണ്ടി കുൻത് തയ്യാറാക്കിയ ഒരു കംപ്യൂട്ടർ പ്രോഗ്രാമാണ് ടെക്. അച്ചടി രീതിയിൽ കണ്ടിരുന്ന മേന്മകളെല്ലാം 'ടെക്കിൽ' ഉൾപ്പെട്ടിട്ടുണ്ട്. ഗണിത സംബന്ധിയായ ടൈപ്പ്സെറ്റിങ്ങിന് ഇത് തികച്ചും അനുയോജ്യമാണ്. ചെറിയ പേഴ്സണൽ കംപ്യൂട്ടറുകൾ മുതൽ മെയിൻ ഫ്രെയിം കംപ്യൂട്ടറുകളിൽ വരെ ഇതിനെ ഉപയോഗപ്പെടുത്താം. വീഡിയൊ സ്ക്രീൻ, ഇംപാക്റ്റ്/ലേസർ പ്രിന്റർ, ഫോട്ടോടൈപ്സെറ്ററുകൾ എന്നിങ്ങനെ വിവിധതരം ഉപകരണങ്ങളിലൂടെ ടെക് ഔട്ട്പുട്ട് ലഭ്യമാക്കാനാവുകയും ചെയ്യും. ഏതു സിസ്റ്റത്തിലൂടെ തയ്യാറാക്കിയാലും ടെക് ഔട്ട്പുട്ടിന് രൂപവ്യത്യാസമുണ്ടാകുന്നില്ല. ഒന്നിലധികം പ്രാവശ്യം ആവർത്തിക്കപ്പെടുന്ന നിർദ്ദേശങ്ങളെ ഒന്നിച്ച് സൂചിപ്പിക്കാവുന്ന മാക്രോസ് (macros) സൗകര്യവും ടെക്കിൽ ലഭ്യമാണ്.
വികസിപ്പിച്ചത് | Donald Knuth |
---|---|
Stable release | 3.14159265
/ ജനുവരി 2014; 10 years ago (2014-01) |
റെപോസിറ്ററി | |
ഭാഷ | WEB/Pascal |
ഓപ്പറേറ്റിങ് സിസ്റ്റം | Cross-platform |
തരം | Typesetting |
അനുമതിപത്രം | Permissive free software |
വെബ്സൈറ്റ് | tug |