ജപ്പാനിലെ ഒരു ഉയർന്ന സൈനിക വർഗ്ഗമാണ് സാമുറായികൾ. Samurai (侍?). ജാപ്പനീസ് ഭാഷയിൽ ഇവരെ ബുഷി/ബ്യൂക് (bushi (武士?, [bu.ɕi]) or buke (武家?)) എന്നും പറയാറുണ്ട്. വില്യം സ്കോട്ട് വിൽസണിന്റെ[1] അഭിപ്രായത്തിൽ സമൂഹത്തിലെ ഉയർന്ന പദവിയിൽ ഉള്ളവരുടെ ഒപ്പം നിൽക്കുന്നവർ എന്ന് സാമുറായിക്ക് അർഥം നൽകാം. ചൈനയിലും ഇതേ അർഥത്തിൽ തന്നെയാണ് സാമുറായികൾ പരിഗണിക്കപ്പെട്ടത്. 10-ആം നൂറ്റാണ്ടിന്റെ ആദ്യ ഘട്ടങ്ങളിൽ രചിക്കപ്പെട്ടത് എന്ന് കരുതുന്ന കൊക്കിൻ വകാഷു[2] കവിതാ സമാഹാരങ്ങളിൽ ആണ് സാമുറായി എന്ന പദം ആദ്യമായി ഉപയോഗിക്കുന്നത് എന്ന് വില്യം സ്കോട്ട് വിൽസൺ പറയുന്നുണ്ട്. 12-ആം നൂറ്റാണ്ട് ആയപ്പോഴേക്കും ബുഷി എന്ന ജാപനീസ് പദം സാമുറായിക്ക് തുല്യമായി ഉപയോഗിക്കാൻ തുടങ്ങി. സാമുറായി സമൂഹത്തിലെ മധ്യവർഗ്ഗ പടയാളി വിഭാഗമായി മാറിയതും ഇതേ കാലത്ത് തന്നെയാണ്. കൃത്യമായ നിയമസംഹിതകൾ ആചരിച്ചു കൊണ്ടാണ് ബുഷികൾ ജീവിക്കാറുള്ളത്. അവർ പാലിക്കുന്ന നിയമ സംഹിതയെ ബുഷിദോ'[3] എന്നാണ് പറയുന്നത്.ശത്രുവിന്റെ പിടിയിലകപ്പെടുന്നതിനു മുന്പ്‌ സ്വന്തം കറ്റാന ഉപയോഗിച്ച് സ്വന്തം ജീവനെടുക്കുന്ന ആചാരം സാമുറായ്കളുടെയിടയിലുണ്ടായിരുന്നു. ജപ്പാനിലെ ജനസംഖ്യയുടെ 10%-ത്തിൽ താഴെ മാത്രമാണ് സാമുറായി വിഭാഗം ഇന്നുള്ളത്. ജാപ്പനീസ് ആയോധന കലകളിൽ ഇന്നും ഒഴിച്ചുകൂടാനാകാത്ത പാഠങ്ങളാണ് സാമുറായികളുടേത്.
ആധുനിക സിനിമകളിലെ സാമുറായി
ലോക സിനിമകളിൽ പല അർഥങ്ങളിൽ സാമുറായികൾ വിഷയീഭവിച്ചിട്ടുണ്ട്. അവയിൽ ഏറ്റവും എടുത്ത് പറയേണ്ട ഒന്നാണ് 7 സമുറായ്[4]. ലോക ക്ലാസിക്കുകളിൽ ഒന്നാണ് 7 സാമുറായ്. പ്രമുഖ ജാപ്പനീസ് ചലചിത്രകാരൻ അകിര കുറസോവ സംവിധാനം ചെയ്ത ഈ സിനിമ 1954- ൽ ആണ് പുറത്തിറങ്ങിയത്[5].
മറ്റു സാമുറായ് സിനിമകൾ
- 13 അസാസിൻസ്[6] 2010
- ദ ലാസ്റ്റ് സാമുറായ്[7] 2003
- കിൽ[8] 1968
- ഹരാകിരി[9] 1962
- ദ ഹിഡൻ ബ്ലേഡ്[10] 2004
- സാമുറായ് II: ഡുവൽ അറ്റ് ഇചിജോജി ടെമ്പ് ൾ[11] 1955
- സാമുറായ് III: ഡുവൽ അറ്റ് ഗാന്റ്യു ഐലന്റ്[12] 1956
- സാഞ്ചുറോ[13] 1962
- ക്വൈദൻ[14] 1964
- സ്വാർഡ് ഒഫ് ദ ബീസ്റ്റ്[15] 1965
- യാംദാ: ദ സാമുറായ് ഒഫ് അയൊതായ 2010
- ത്രീ ഔട്ട്ലോ സാമുറായ് 1964
- 47 റോനിൻ[16] 2013
- ബാൻഡിറ്റ്സ് v/s സാമുറായ് സ്ക്വാഡ്രൺ 1978
- ലെജൻഡ് ഒഫ് ദ 8 സാമുറായ് 1983
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
