![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Sepia_eyelid_shape.theora.ogv/640px--Sepia_eyelid_shape.theora.ogv.jpg&w=640&q=50)
പ്യൂപ്പിലറി ലൈറ്റ് റിഫ്ലെക്സ്
From Wikipedia, the free encyclopedia
കണ്ണിന്റെ പുറകിലുള്ള റെറ്റിനയുടെ റെറ്റിന ഗാംഗ്ലിയോൺ സെല്ലുകളിൽ പതിക്കുന്ന പ്രകാശത്തിന്റെ തീവ്രതയോടുള്ള പ്രതികരണമായി പ്യൂപ്പിൾ വ്യാസം വ്യത്യാസപ്പെടുന്ന ഒരു അനൈച്ഛികചേഷ്ടയാണ് പ്യൂപ്പിലറി ലൈറ്റ് റിഫ്ലെക്സ് (പിഎൽആർ) അല്ലെങ്കിൽ ഫോട്ടോപ്യൂപ്പിലറി റിഫ്ലെക്സ്. പ്രകാശത്തിന്റെ തീവ്രത കൂടുന്നത് പ്യൂപ്പിൾ ചെറുതാവാൻ (മയോസിസ്) കാരണമാകുന്നു; അതുവഴി കണ്ണിലേക്ക് കടക്കുന്ന പ്രകാശത്തിന്റെ അളവ് കുറയുന്നു. അതേസമയം പ്രകാശത്തിന്റെ കുറഞ്ഞ തീവ്രത പ്യൂപ്പിൾ വലുതാവാൻ കാരണമാകുന്നു (മിഡ്രിയാസിസ്); അതുവഴി കൂടുതൽ പ്രകാശം കണ്ണിലേക്ക് കടക്കും. അങ്ങനെ, പ്യൂപ്പിളറി ലൈറ്റ് റിഫ്ലെക്സ് കണ്ണിലേക്ക് പ്രവേശിക്കുന്ന പ്രകാശത്തിന്റെ തീവ്രതയെ നിയന്ത്രിക്കുന്നു.[1] ഒരു കണ്ണിലേക്ക് പ്രകാശം തെളിക്കുന്നത് രണ്ട് പ്യൂപ്പിളിന്റെയും വലുപ്പം കുറയാൻ കാരണമാകും.