![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6d/Jan_Brueghel_de_Oude_en_Peter_Paul_Rubens_-_Het_aards_paradijs_met_de_zondeval_van_Adam_en_Eva.jpg/640px-Jan_Brueghel_de_Oude_en_Peter_Paul_Rubens_-_Het_aards_paradijs_met_de_zondeval_van_Adam_en_Eva.jpg&w=640&q=50)
ആദിപാപം
From Wikipedia, the free encyclopedia
ഒരു ക്രിസ്ത്യൻ സിദ്ധാന്തമാണ് ആദിപാപം. ബൈബിളിലെ ഉല്പത്തി 3 ആദാമിന്റെയും ഹവ്വയുടെയും ഭാഗത്തെ അടിസ്ഥാനമാക്കിയാണ് ആദിപാപം കണക്കാക്കപ്പെടുന്നത്. ആദത്തിന്റെ പാപം മൂലം പറുദീസാ നഷ്ടം ആയെന്നും അതിന്റെ ഫലമായി ആദത്തിന്റെ മക്കൾ എല്ലാം പറുദീസാ നഷ്ടമായ അവസ്ഥയിൽ ജനിക്കുന്നു എന്നുമാണ് ആ പഠനം പറയുന്നത്. മൂന്നാം നൂറ്റാണ്ടിൽ ഈ വിശ്വാസം ഉയർന്നുവരാൻ തുടങ്ങി. എന്നാൽ "ആദിപാപം" (ലാറ്റിൻ: peccatum originale) എന്ന പദപ്രയോഗം ആദ്യമായി ഉപയോഗിച്ച എഴുത്തുകാരനായ അഗസ്റ്റിൻ ഓഫ് ഹിപ്പോയുടെ (354-430) രചനകളോടെ ഇത് പൂർണ്ണമായും രൂപപ്പെട്ടത്.
ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
![](http://upload.wikimedia.org/wikipedia/commons/thumb/6/6d/Jan_Brueghel_de_Oude_en_Peter_Paul_Rubens_-_Het_aards_paradijs_met_de_zondeval_van_Adam_en_Eva.jpg/640px-Jan_Brueghel_de_Oude_en_Peter_Paul_Rubens_-_Het_aards_paradijs_met_de_zondeval_van_Adam_en_Eva.jpg)
ഉൽപത്തി 3-ന്റെ അടിസ്ഥാനത്തിൽ ദൈവം അവർക്കായി ഒരു നിയമം മാത്രമേ ഉണ്ടാക്കിയിട്ടുള്ളൂ. നന്മതിന്മകളെക്കുറിച്ചുള്ള അറിവിന്റെ വൃക്ഷത്തിൽ നിന്ന് അവർ ഫലം തിന്നരുത്. എന്നാൽ പാമ്പ് ഹവ്വയോട് പറഞ്ഞു, പഴം കഴിക്കുന്നത് ഹവ്വയെ ദൈവത്തെപ്പോലെയാക്കുമെന്ന്. അപ്പോൾ ഹവ്വാ ആദാമിനെ പഴം തിന്നാൻ പ്രേരിപ്പിച്ചു. അവർ ദൈവത്തിന്റെ ഏക ഭരണം ലംഘിച്ചതിന് ശേഷം അവരെ ഏദൻ തോട്ടത്തിൽ നിന്ന് അവരെ നീക്കം ചെയ്തു.
ജനനം മുതൽ ഓരോ വ്യക്തിക്കും ബാധകമാകുന്ന അവസ്ഥയാണ് ഇത്. ആദം ചെയ്ത പാപകർമത്തിന്റെ ഫലമായാണ് മരണം ലോകത്തിലേക്ക് കടന്നു വന്നത് എന്ന് ക്രിസ്തുമതം സിദ്ധാന്തിക്കുന്നു. ഇതനുസരിച്ച് ഭൂമിയിൽ മനുഷ്യൻ അനുഭവിക്കുന്ന ദുരിതങ്ങൾക്കും ക്ലേശങ്ങൾക്കും മരണത്തിനും കാരണം ആദിപാപമാണ്. ആദം പാപം ചെയ്തില്ലായിരുന്നു എങ്കിൽ പിന്നീട് ജനിക്കുന്ന ഓരോ മനുഷ്യനും പറുദീസയിൽ സൌജന്യമായി തന്നെ ജനിക്കുമായിരുന്നു. മരണം എന്ന അവസ്ഥ മനുഷ്യരിലേക്ക് വരുമായിരുന്നില്ല, പറുദീസ എന്ന പ്രസാദവരം നഷ്ടപ്പെട്ടു എന്ന ഓർമ്മിപ്പിക്കൽ ആണ് ആദിപാപം. അതിനെ വീണ്ടെടുക്കന്നത് എങ്ങനെയെന്നു ഓർമ്മിപ്പിക്കൽ കൂടി ആ പഠനത്തിന്റെ ഭാഗമാണ്.