മുഹമ്മദ് ഹിദായത്തുള്ള (17 ഡിസംബർ 1905 - 18 സെപ്റ്റംബർ 1992)[1]) സ്വതന്ത്ര ഇന്ത്യയുടെ ആക്ടിംഗ് രാഷ്ട്രപതിയായി രണ്ടു തവണ സേവനം അനുഷ്ടിച്ച വ്യക്തിയാണ്‌. സുപ്രീംകോടതിയിലെ പതിനൊന്നാമത്തെ മുഖ്യന്യായാധിപൻ കൂടിയായിരുന്നു ഹിദായത്തുള്ള.[2] ഒരു മുസ്ലീം കുടുംബത്തിൽ നിന്നും വന്ന ഇന്ത്യയുടെ ആദ്യത്തെ ചീഫ് ജസ്റ്റിസും ആയിരുന്നു ഹിദായത്തുള്ള. ഇന്ത്യയുടെ ഉപരാഷ്ട്രപതിയായും ഇദ്ദേഹം സേവനമനുഷ്ടിച്ചിട്ടുണ്ട്.[3] സുപ്രീംകോടതി മുഖ്യന്യായാധിപനായിരിക്കേ തന്നെ ഇടക്കാലത്തേക്ക് ഇന്ത്യയുടെ രാഷ്ട്രപതി പദവും ഇദ്ദേഹം അലങ്കരിച്ചിട്ടുണ്ട്.[4]
മുഹമ്മദ് ഹിദായത്തുള്ള | |
|---|---|
 | |
| രാഷ്ട്രപതി ഇടക്കാലം | |
| ഓഫീസിൽ 20 ജൂലൈ 1969 – 24 ഓഗസ്റ്റ് 1969 | |
| പ്രധാനമന്ത്രി | ഇന്ദിരാ ഗാന്ധി |
| മുൻഗാമി | വി.വി. ഗിരി ഇടക്കാലം |
| പിൻഗാമി | വി.വി. ഗിരി |
| ഉപരാഷ്ട്രപതി | |
| ഓഫീസിൽ 20 ഓഗസ്റ്റ് 1977 – 20 ഓഗസ്റ്റ് 1982 | |
| രാഷ്ട്രപതി | നീലം സഞ്ജീവ റെഡ്ഡി |
| മുൻഗാമി | ബാസപ്പ ദാനപ്പ ജട്ടി |
| പിൻഗാമി | ആർ. വെങ്കട്ടരാമൻ |
| സുപ്രീംകോടതി - മുഖ്യന്യായാധിപൻ | |
| ഓഫീസിൽ 25 ഫെബ്രുവരി 1968 – 16 ഡിസംബർ 1970 | |
| മുൻഗാമി | കൈലാസ് നാഥ് വാഞ്ചൂ |
| പിൻഗാമി | ജയന്തിലാൽ ഛോട്ടാലാൽ ഷാ |
| വ്യക്തിഗത വിവരങ്ങൾ | |
| ജനനം | 17 ഡിസംബർ 1905 ലക്നൗ, ബ്രിട്ടീഷ് രാജ് (ഇപ്പോൾ ഇന്ത്യയുടെ ഭാഗം) |
| മരണം | 18 സെപ്റ്റംബർ 1992 (പ്രായം 86) മുംബൈ, ഇന്ത്യ |
| രാഷ്ട്രീയ കക്ഷി | സ്വതന്ത്രൻ |
| പങ്കാളി | പുഷ്പാ ഷാ |
| അൽമ മേറ്റർ | നാഗ്പൂർ സർവ്വകലാശാല ട്രിനിറ്റി കോളേജ്, കേംബ്രിഡ്ജ് ലിങ്കൺസ് ഇൻ |
ആദ്യകാലജീവിതം, വിദ്യാഭ്യാസം
1905 ഡിസംബർ 17 ന് ഒരു ഉന്നത കുടുംബത്തിലാണ് ഹിദായത്തുള്ള ജനിച്ചത്.[5] അദ്ദേഹത്തിന്റെ പിതാവ് വിലായത്തുള്ള അറിയപ്പെടുന്ന ഒരു കവിയായിരുന്നു. പിതാവിന്റെ കലാസ്വാദനമാവാം ഹിദായത്തുള്ളയുടെ സാഹിത്യത്തോടും. ഭാഷയോടുമുള്ള താൽപര്യത്തിനു കാരണം. ഹിദായത്തുള്ളയുടെ ബന്ധുക്കളെല്ലാം മികച്ച വിദ്യാഭ്യാസം നേടിയവരും,സർക്കാർ സേവന മേഖലയിൽ പ്രവർത്തിക്കുന്നവരുമായിരുന്നു. ഉറുദു ഭാഷയിലുള്ള കവിതകളിൽ ഹിദായത്തുള്ളക്ക് ഒരു പ്രത്യേക അഭിരുചി ഉണ്ടായിരുന്നു.[6]
റായ്പൂർ സർക്കാർ സ്കൂളിൽ നിന്നും ഹിദായത്തുള്ള പ്രാഥമിക വിദ്യാഭ്യാസം പൂർത്തിയാക്കി. ബിരുദ പഠനത്തിനായി നാഗ്പൂരിലുള്ള മോറിസ് കോളേജിൽ ചേർന്നു. പിന്നീട് നിയമത്തിൽ ബിരുദം സമ്പാദിക്കാനായി കേംബ്രിഡ്ജ് സർവ്വകലാശാലയിലെ ട്രിനിറ്റി കോളേജിൽ പ്രവേശനം നേടി.[7] അവിടെ നിന്നും സ്വർണ്ണമെഡലോടെയാണ് ഹിദായത്തുള്ള പഠനം പൂർത്തിയാക്കിയത്.[8] തന്റെ 25 ആമത്തെ വയസ്സിൽ ലണ്ടനിലെ പ്രശസ്തമായ ലിങ്കൺ ഇൻ എന്ന കോടതിയിൽ അഭിഭാഷകനായി ജോലിയിൽ പ്രവേശിച്ചു.
ഔദ്യോഗിക ജീവിതം
ലണ്ടനിൽ നിന്നും മടങ്ങിയെത്തിയ ഹിദായത്തുള്ള നാഗ്പൂർ ഹൈക്കോടതിയിൽ അഭിഭാഷകനായി ജോലിയിൽ പ്രവേശിച്ചു. 1943 ഓഗസ്റ്റ് 2 ന് ഇപ്പോഴത്തെ മദ്ധ്യപ്രദേശ് സംസ്ഥാനത്തിന്റെ അഡ്വക്കേറ്റ് ജനറലായി സ്ഥാനമേറ്റെടുത്തു. 1946 ജൂൺ മാസത്തിൽ ഹൈക്കോടതി ജഡ്ജിയായി ഉദ്യോഗക്കയറ്റം ലഭിച്ചു.
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
