ജാവാസ്ക്രിപ്റ്റ് എഞ്ചിൻ
From Wikipedia, the free encyclopedia
ജാവാസ്ക്രിപ്റ്റ് (JS) കോഡ് എക്സിക്യൂട്ട് ചെയ്യുന്ന ഒരു കമ്പ്യൂട്ടർ പ്രോഗ്രാമാണ് ജാവാസ്ക്രിപ്റ്റ് എഞ്ചിൻ. ആദ്യത്തെ ജാവാസ്ക്രിപ്റ്റ് എഞ്ചിനുകൾ കേവലം ഇന്റർപ്രെട്ടറുകളായിരുന്നു, എന്നാൽ പ്രസക്തമായ എല്ലാ ആധുനിക എഞ്ചിനുകളും മെച്ചപ്പെട്ട പ്രകടനത്തിനായി തത്സമയ കംപൈലേഷൻ ഉപയോഗിക്കുന്നു.[1]
ജാവാസ്ക്രിപ്റ്റ് എഞ്ചിനുകൾ സാധാരണയായി വെബ് ബ്രൗസർ വെണ്ടർമാർ വികസിപ്പിച്ചെടുക്കുന്നു, മാത്രമല്ല എല്ലാ പ്രധാന ബ്രൗസറുകൾക്കും ഒരെണ്ണം ഉണ്ട്. ഒരു ബ്രൗസറിൽ, ഡോക്യുമെന്റ് ഒബ്ജക്റ്റ് മോഡൽ വഴി റെൻഡറിംഗ് എഞ്ചിനുമായി ചേർന്ന് ജാവാസ്ക്രിപ്റ്റ് എഞ്ചിൻ പ്രവർത്തിക്കുന്നു.
ജാവാസ്ക്രിപ്റ്റ് എഞ്ചിനുകളുടെ ഉപയോഗം ബ്രൗസറുകളിൽ മാത്രമായി പരിമിതപ്പെടുത്തിയിട്ടില്ല. ഉദാഹരണത്തിന്, ജനപ്രിതീയുള്ള നോഡ്.ജെഎസ്, ഡെനോ റൺടൈം സിസ്റ്റങ്ങൾ മുതലായവയുടെ ഒരു പ്രധാന ഘടകമാണ് ക്രോം വി8 (Chrome V8) എഞ്ചിൻ.
ജാവാസ്ക്രിപ്റ്റിന്റെ സ്റ്റാൻഡേർഡ് സ്പെസിഫിക്കേഷനാണ് ഇഗ്മാസ്ക്രിപ്റ്റ് (ഇഎസ്) എന്നതിനാൽ, ഈ എഞ്ചിനുകളുടെ മറ്റൊരു പേരാണ് ഇഗ്മാസ്ക്രിപ്റ്റ് എഞ്ചിൻ.