![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a4/IPad_3.png/640px-IPad_3.png&w=640&q=50)
ഐപാഡ് (നാലാം തലമുറ)
From Wikipedia, the free encyclopedia
ആപ്പിൾ കമ്പനി പുറത്തിറക്കിയ ടാബ്ലെറ്റ് കമ്പ്യൂട്ടറായ ഐപാഡിന്റെ നാലാം തലമുറയിലെ പതിപ്പാണ് ഐപാഡ് (നാലാം തലമുറ). ഐപാഡ് 4 എന്ന പേരിലാണ് സാധാരണയായി അറിയപ്പെടുന്നത്.[1][2] മുൻപ് പുറത്തിറങ്ങിയ ഐപാഡ് മൂന്നാം തലമുറയ്ക്കുണ്ടായിരുന്ന റെറ്റിന ഡിസ്പ്ലേ ഐപാഡ് 4ലും നിലനിർത്തിയിരുന്നു. കൂടാതെ ആപ്പിൾ A6X എന്ന ചിപ്പും ലൈറ്റിങ് കണക്ടറും ഐപാഡ് 4 ൽ ഉൾപ്പെടുത്തിയിരുന്നു. ഓഡിയോ-വിഷ്വൽ മീഡിയ, ഇ-ബുക്ക് സംഗീതം, ചലച്ചിത്രങ്ങൾ, കമ്പ്യൂട്ടർ ഗെയിമുകൾ, പ്രസന്റേഷനുകൾ തുടങ്ങിയവ ഉപയോഗിക്കാൻ സാധിക്കുന്ന ഐഓഎസ് 6.0ലാണ് ഐപാഡ് 4 ആദ്യമായി പുറത്തിറക്കിയത്. മുൻ പതിപ്പുകളായ ഐപാഡ് 2, ഐപാഡ് (മൂന്നാം തലമുറ), എന്നിവയെപ്പോലെ ഐപാഡ് 4ഉം ഐഓഎസ് 6, 7, 8, 9, 10 എന്നീ ഓപ്പറേറ്റിങ്ങ് സിസ്റ്റങ്ങളെ പിന്തുണയ്ക്കുന്നുണ്ട്. എന്നാൽ 2017 സെപ്റ്റംബർ 17ന് പുറത്തിറങ്ങിയ ഐഓഎസ് 11നെ പിന്തുണയ്ക്കാൻ ഹാർഡ്വെയറിലെ പരിമിതികൾ മൂലം ഐപാഡ് 4ന് കഴിഞ്ഞിരുന്നില്ല.
![]() | |
---|---|
![]() ഐപാഡ് 4 കറുപ്പ് നിറത്തിൽ | |
ഡെവലപ്പർ | Apple Inc. |
Manufacturer | Foxconn |
ഉദ്പന്ന കുടുംബം | iPad |
തരം | Tablet computer |
Generation | 4th |
നിർത്തലാക്കിയത് | ഒക്ടോബർ 16, 2014 (2014-10-16) |
2012 ഒക്ടോബർ 23ന് നടന്ന ഒരു മാധ്യമ ചർച്ചയിൽ ഐപാഡ് പരമ്പരയിലെ നാലാം തലമുറയിലെ പതിപ്പ് ഔദ്യോഗികമായി പ്രഖ്യാപിച്ചു. 2012 നവംബർ 2ന് ഐപാഡ് 4 35 രാജ്യങ്ങളിലായി പുറത്തിറക്കി. തുടർന്ന് ഡിസംബറിൽ ചൈന, ഇന്ത്യ, ബ്രസീൽ ഉൾപ്പെടെ 10 രാജ്യങ്ങളിൽക്കൂടി പുറത്തിറക്കുിയിരുന്നു. പുറത്തിറക്കി 7 മാസം കഴിയുകയും ഐപാഡ് 4 പുറത്തിറക്കുകയും ചെയ്തതോടെ ഐപാഡ് മൂന്നാം തലമുറ എന്ന ടാബ്ലെറ്റ് ആപ്പിൾ നിർത്തലാക്കുകയുണ്ടായി. [3]
കറുപ്പ്, വെള്ള നിറങ്ങളിലുള്ള ഫ്രണ്ട് ഗ്ലാസ് പാനലുകളുള്ളതും വിവിധ കണക്ടിവിറ്റി, സംഭരണ രീതികളുള്ളതുമായ ടാബ്ലെറ്റുകൾ ആപ്പിൾ പുറത്തിറക്കിയിട്ടുണ്ട്. 16 ജി.ബി, 32 ജി.ബി, 64 ജി.ബി, 128 ജി.ബി എന്നീ വ്യത്യസ്ത സംഭരണ ശേഷിയുള്ളതും വൈ-ഫൈ മാത്രമുള്ളതും വൈ-ഫൈ, സെല്ലുലാർ എന്നിവ ലഭ്യമായതുമായ ടാബ്ലെറ്റുകൾ പുറത്തിറക്കിയിട്ടുണ്ട്.
പൊതുവെ അനുകൂലമായ പ്രതികരണങ്ങളാണ് ഐപാഡ് നാലാം തലമുറയ്ക്ക് ലഭിച്ചത്. ഈ ടാബ്ലെറ്റിനുണ്ടായിരുന്ന റെറ്റിന ഡിസ്പ്ലേ, ഹാർഡ്വെയറിലെ മെച്ചപ്പെടുത്തലുകൾ തുടങ്ങിയവ ശ്രദ്ധിക്കപ്പെട്ടു. പുറത്തിറക്കിയ ആദ്യ ആഴ്ചയിൽ ഏകദേശം 3 മില്യൺ ഐപാഡ് നാലാം തലമുറ ടാബ്ലെറ്റുകളും ഐപാഡ് മിനി ടാബ്ലെറ്റുകളും വിറ്റഴിക്കുകയുണ്ടായി.