![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Gardasil_vaccine_and_box_new.jpg/640px-Gardasil_vaccine_and_box_new.jpg&w=640&q=50)
ഹ്യൂമൻ പാപ്പില്ലോമ വൈറസ് വാക്സിൻ
From Wikipedia, the free encyclopedia
ഹ്യൂമൻ പാപ്പില്ലോമ വൈറസ് (എച് പി വി) വാക്സിൻ (Human papilloma virus (HPV) vaccin), ചില തരത്തിലുള്ള ഹ്യൂമൻ പാപ്പില്ലോമ വൈറസുകളുടെ അണുബാധ പ്രതിരോധിക്കുന്ന വാക്സിനാണ്[1]. ലഭ്യമായ വാക്സിനുകൾ രണ്ടോ നാലോ ഒൻപതോ തരത്തിലുള്ള എച് പി വി യിൽ നിന്ന് പ്രതിരോധം നൽകുന്നു[1][2]. എല്ലാ വാക്സിനുകളും ചുരുങ്ങിയപക്ഷം ഗർഭാശയഗള അർബുദം (സെർവൈക്കൽ കാൻസർ) ത്തിന് ഇടവരുത്തുന്ന എച് പി വി 16 നും 18 നും എതിരെ പ്രതിരോധം നൽകുന്നു. ഏകദേശം 70% ഗർഭാശയഗള അർബുദം (സെർവൈക്കൽ കാൻസർ), 80% ഗുദാർബുദം (അനൽ കാൻസർ), 60% യോനീ അർബുദം (വാജൈനൽ കാൻസർ), 40% വൾവാർ കാൻസർ അതുപോലെ ചില വായിലെ അർബുദങ്ങൾ (മൗത് കാൻസർ) എന്നിവയെ പ്രതിരോധിക്കാൻ കഴിവുള്ളതായി കണക്കാക്കപ്പെട്ടിരിക്കുന്നു[3][4][5]. ഇതിനൊപ്പം തന്നെ ചില ജനനേന്ദ്രിയ മുഴകളെയും (ജെനിറ്റൽ വാർട്സ്), 4 ഉം 9 ഉം തരത്തിലുള്ള എച് പി വി ക്കെതിരെയുള്ള വാസ്കിൻ പ്രതിരോധിക്കുന്നു.[1]
![]() | |
Vaccine description | |
---|---|
Target disease | human papillomavirus |
Type | Protein subunit |
Clinical data | |
Trade names | Gardasil, Cervarix |
Pregnancy category |
|
Routes of administration | injection |
Legal status | |
Legal status |
|
Identifiers | |
ATC code | J07BM01 (WHO) J07BM02 |
ChemSpider | none |
![]() ![]() |
ലോകാരോഗ്യ സഘടന (ഡബ്ല്യു എച്ച് ഒ), മറ്റു നിവാരണമാർഗ്ഗങ്ങളുടെ കൂടെ ചെലവു വഹിക്കാൻ കഴിയുന്ന രാജ്യങ്ങളിൽ പതിവു പ്രതിരോധ കുത്തിവെയ്പുകളുടെ കൂടെ എച് പി വി വാക്സിനുകളും ഉൾപ്പെടുത്താൻ ശുപാർശ ചെയ്യുന്നു. ഒരു വ്യക്തിയുടെ പ്രായമനുസരിച്ച് ചിലപ്പോൾ വാകസിന്റെ രണ്ടോ മൂന്നോ മാത്ര ആവശ്യമായിരിക്കും. വാക്സിൻ 9 മുതൽ 13 വരെ വയസ്സ് പ്രായമുള്ള പെൺകുട്ടികൾക്ക് പ്രത്യേകം ശുപാർശ ചെയ്യുന്നു. ചുരുങ്ങിയത് എട്ട് വർഷത്തേക്ക് ഈ കുത്തിവെയ്പ് പരിരക്ഷ നൽകുന്നു. ഗർഭാശയഗള അർബുദം സ്ഥിരീകരിക്കേണ്ടത് ഈ പറയുന്ന വാക്സിൻ നൽകിയ ശേഷവും ആവശ്യമാണ്[1]. ഭൂരിപക്ഷം ആളുകൾക്കും വാക്സിൻ നൽകുന്ന പക്ഷം വാക്സിൻ ചെയ്യത്തവർക്കും കൂടി ഉപകാര പ്രദമായിരിക്കും[6]. അണുബാധ സംഭവിച്ച ശേഷം വാക്സിൻ ഉപയോഗം ഫലപ്രദമല്ല[1].
വളരെ സുരക്ഷിതമാണ് എച് പി വി വാക്സിൻ. 80% ആളുകളിലും കുത്തിവെയ്ക്കപ്പെടുന്ന ഭാഗത്ത് വേദന അനുഭവപ്പെടാറുണ്ട്. കൂടാതെ, കുത്തിവെയ്ക്കപ്പെടുത്ത ഭാഗത്ത് ചിലപ്പോൾ ചുകപ്പു നിറവും വീക്കവും ഉണ്ടാവാം. ഗില്ലൈൻ-ബാരെ സിൻഡ്രോമുമായി യാതൊരു ബന്ധവും കണ്ടെത്തിയിട്ടില്ല[1].
2006 ൽ ആണ് ആദ്യ എച് പി വി വാക്സിൻ ലഭ്യമായത്. 2014 ഓടെ ചുരുങ്ങിയത് പെൺകുട്ടികൾക്കായി 58 രാജ്യങ്ങളിൽ ഇത് പതിവ് കുത്തിവെയ്പുകളുടെ ഭാഗമാക്കിയിട്ടുണ്ട്[1]. ലോകാരോഗ്യ സംഘടനയുടെ ഏറ്റവും പ്രധാനപ്പെട്ട മരുന്നായി ഇതിനെ ശുപാർശ ചെയ്യപ്പെട്ടിട്ടുണ്ട്[7]. 2014 ൽ വികസ്വര രാജ്യങ്ങളിൽ ഏകദേശം 47 യു എസ് ഡോളർ ഒരു മാത്രക്ക് മൊത്തവിലയായി ചെലവ് വരും[8]. അമേരിക്കയിൽ 200 യു എസ് ഡോളർ നും മേലെ ഇതിന് വില വരും[9]. ഈ കുത്തിവെയ്പ് വികസ്വര രാജ്യങ്ങളിൽ ചുരുങ്ങിയ ചിലവിലാണ് ലഭ്യമാകുന്നത്[10].