വിദ്യുത് ഋണത
From Wikipedia, the free encyclopedia
ഒരു ആറ്റത്തിനോ അല്ലെങ്കിൽ ഒരു കൂട്ടം ആറ്റങ്ങൾക്കോ സഹസംയോജക രാസബന്ധനത്തിൽ ഇലക്ട്രോണുകളെ ആകർഷിക്കാനുള്ള കഴിവിനെ ആണ് വിദ്യുത് ഋണത (ഇലക്ട്രോനെഗറ്റിവിറ്റി - ചിഹ്നം χ) എന്നു പറയുന്നത്. 1932 ൽ പോളിങ്ങാണ് വിദ്യുത് ഋണത എന്ന സങ്കല്പം മുന്നോട്ട് വെച്ചത്. വാലൻസ് ബോണ്ട് തിയറി രൂപപ്പെടുത്തുന്നതിനു വേണ്ടിയാണ് ഇത് ആദ്യമായി പോളിങ് നിർവചിച്ചത്. പോളിങ്ങ് വിദ്യുത് ഋണതാപട്ടിക പ്രസിദ്ധീകരിക്കപ്പെട്ടതിനുശേഷം മുള്ളിക്കൻ വിദ്യുത് ഋണത, ഗോർഡി വിദ്യുത് ഋണത, ഫിലിപ്സ് വിദ്യുത് ഋണത, അലെഡ്-റോക്കോ വിദ്യുത് ഋണത, ജാഫെ വിദ്യുത് ഋണത, മാർടിനോവ്-ബാട്സാനോവ് വിദ്യുത് ഋണത, സാൻഡേർസൺ വിദ്യുത് ഋണത, പിയേർസൺ നിരപേക്ഷ വിദ്യുത് ഋണത, അലൻ വിദ്യുത് ഋണത, നാച്യുരൽ വിദ്യുത് ഋണത, നൂറിസാദെ-ഷാക്കർസാദെ വിദ്യുത് ഋണത തുടങ്ങീ നൂറുകണക്കിനു വിദ്യുത് ഋണതാപട്ടികകൾ പ്രസിദ്ധീകരിക്കപ്പെട്ടു. പോളിങ്ങ് വിദ്യുത് ഋണതയാണ് ഇവയിൽ ഏറ്റവും കൂടുതലായി ഉപയോഗിക്കപ്പെടുന്നത് എന്നിരിക്കലും അതാണ് ഏറ്റവും ശരിയായത് എന്നൊന്നും പറയാനാവില്ല.