![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Metro_Dubai_001.jpg/640px-Metro_Dubai_001.jpg&w=640&q=50)
ദുബൈ മെട്രോ
From Wikipedia, the free encyclopedia
ദുബൈ പട്ടണത്തിലെ അതിവേഗ റയിൽ ഗതാഗത ശൃംഖലയാണ് ദുബൈ മെട്രോ (അറബിക്:مترو دبي).ഡ്രൈവർ ഇല്ലാതെ തികച്ചും യാന്ത്രികമായി പ്രവർത്തിക്കുന്ന മെട്രോ ട്രെയിൻ ആണ് ഇത്. ഗൾഫ് രാജ്യങ്ങളിലെ ആദ്യത്തെ മെട്രോ എന്ന ബഹുമതിയും ദുബൈ മെട്രോക്ക് തന്നെ. റെഡ് ലൈൻ,ഗ്രീൻ ലൈൻ,ബ്ലൂലൈൻ,യെല്ലോ ലൈൻ എന്നിങ്ങനെ നാലു പ്രധാന പാതകളാണ് ദുബൈ മെട്രോയുടെ നിർമ്മാണ പദ്ധതിയിലുള്ളത്.
ദുബൈ മെട്രോ مترو دبي | |
---|---|
![]() | |
പശ്ചാത്തലം | |
സ്ഥലം | ദുബൈ, ഐക്യ അറബ് എമിറേറ്റ്സ് |
ഗതാഗത വിഭാഗം | റാപ്പിഡ് ട്രാൻസിറ്റ് |
പാതകളുടെ എണ്ണം | 2 എണ്ണം നിർമ്മാണത്തിലിരിക്കുന്നു 3 എണ്ണം നിർദ്ദേശിക്കപ്പെട്ടു |
സ്റ്റേഷനുകൾ | 57 |
പ്രവർത്തനം | |
തുടങ്ങിയത് | 9/9/2009 |
പ്രവർത്തിപ്പിക്കുന്നവർ | സെർകൊ/റോഡ്സ് & ട്രാൻസ്പോർട്ട് അഥോരിറ്റി |
സാങ്കേതികം | |
System length | 75 കിലോമീറ്ററുകൾ |
Track gauge | 1435 മി.മീ |
ഇതിൽ റെഡ് ലൈൻ 2009 സെപ്റ്റംബർ 9 ന് രാത്രി ഒമ്പത് മണിക്ക് ഭാഗികമായി പ്രവർത്തനം തുടങ്ങി[1]. റെഡ് ലൈനിലെ ശേഷിച്ച ഭാഗം ഏപ്രിൽ 2010 നും പ്രവർത്തനം തുടങ്ങി.
ദുബൈ മെട്രോ പട്ടണത്തിലൂടെ നിർമ്മിക്കപ്പെട്ടിട്ടുള്ള ഭൂഗർഭപാതയിലൂടെയും ഉയർത്തപ്പെട്ട പാലങ്ങളിലൂടെയുമുള്ള പ്രത്യേക പാതയിലൂടെയുമാണ് ഓടുക[2]. എല്ലാ ട്രെയിനുകളും സ്റ്റേഷനുകളും ശീതീകരിച്ചതാണ്. 2011 സെപ്റ്റംബർ 9 ന് 20 കി.മീ. വരുന്ന ഗ്രീൻ ലൈൻ പ്രവർത്തനക്ഷമമായി. ഇതോടേ ദുബൈ മെട്രോ കാനഡയിലെ സ്കൈലൈൻ വാങ്കോവറിനെ മറികടന്നുകൊണ്ട് ലോകത്തിലെ ഏറ്റവും നീളം കൂടിയ മെട്രോ എന്ന പദവി കരസ്ഥമാക്കി[3] [4]. ഇതോട് കൂടി സ്കൈലൈനിനേക്കാൾ 3 കിലോമീറ്റർ കൂടുതൽ നീളം ദുബൈ മെട്രോക്കുണ്ടാവും.
29 സ്റ്റേഷനുകൾ ഉൾക്കൊള്ളുന്ന റെഡ്ലൈനിന്റെ ഉദ്ഘാടനം 2009 സെപ്റ്റംബർ 9ന് നിർവ്വഹിക്കപ്പെടുകയും സെപ്റ്റംബർ 10, വൈകീട്ട് 6 മണിമുതൽ യാത്രക്കാർക്കായി സേവനം ആരംഭിക്കുകയും ചെയ്തു.[5]. 52.1 കിലോമീറ്റർ ദൂരമാണ് റെഡ്ലൈനിനുള്ളത്.