From Wikipedia, the free encyclopedia
ചൈനയിലെ ഒരു സമകാലീന ചിത്രകാരനും, ശില്പിയും, വാസ്തുവിദ്യക്കാരനും, ഛായാഗ്രാഹകനു, ചലച്ചിത്ര സംവിധായകനും, രാഷ്ട്രീയ സാമൂഹ്യ നിരീക്ഷകനുമാണ്[1][2] ഐ വേയ്വേയ് (Ai Weiwei (ജനനം മേയ് 18 1957)). ഹെർസോഗ് & ദേ മ്യുറോൺ എന്ന സ്വിസ് കമ്പനിയുമായി സഹകരിച്ച് 2008-ൽ ചൈനയിൽ വെച്ച് നടന്ന ഒളിമ്പിക്സിനു വേണ്ടി നിർമ്മിച്ച് ബീജിങ്ങ് നാഷണൽ സ്റ്റേഡിയത്തിന്റെ (കിളിക്കൂട്സ്റ്റേഡിയം)കലാ വിദഗ്ദോപദേശകനായിരുന്നു ഐ[3]. ബെയ്ജിങ് ഒളിംപിക്സിലെ പക്ഷിക്കൂടിന്റെ ആകൃതിയിലുള്ള സ്റ്റേഡിയത്തിനു രൂപകൽപന നൽകിയത് ഇദ്ദേഹമാണ്. ഒരു രാഷ്ട്രീയ നിരീക്ഷകൻ എന്ന നിലയിൽ ചൈനീസ് സർക്കാരിന്റെ ജനാധിപത്യപരവും മനുഷ്യാവകാശപരവുമായ ധ്വംസനങ്ങൾക്കെതിരെ പരസ്യമായി പ്രതികരിക്കുക കൂടി ചെയ്യുന്ന ആളാണിദ്ദേഹം.
|
ചൈനയിലെ പ്രശസ്ത കവിയായിരുന്ന ഐക്വിങിന്റെ മകനാണ്. സാംസ്കാരിക വിപ്ലവ കാലത്ത് ലേബർ ക്യാംപിലെ മൂത്രപ്പുരകൾ വൃത്തിയാക്കുന്നതിനായാണ് ഐക്വിങിനെ നിയോഗിച്ചിരുന്നത്.[4]
ഒളിമ്പിക്സിന് പിന്നാലെ സിചുവാൻ പ്രവിശ്യയിലുണ്ടായ ഭൂകമ്പത്തിൽ ചൈനീസ് സർക്കാർ വേണ്ട വിധം ഇടപെടാതിരുന്നപ്പോൾ വെയ് വെയ് ദുരിത ബാധിതർക്കു വേണ്ടി സംസാരിക്കുകയും പ്രവർത്തിക്കുകയും ചെയ്തു. ഇതോടെ അദ്ദേഹത്തെ വിമതനായി മുദ്ര കുത്തി ചൈനീസ് സർക്കാർ പ്രതികാര നടപടികൾ സ്വീകരിച്ചു. 2011ൽ നിർമിച്ച ഡോക്യുമെന്ററിയിൽ ആവിഷ്കാര സ്വാതന്ത്ര്യത്തിനു വേണ്ടി സംസാരിച്ച വെയുടെ പാസ്പോർട്ട് അധികൃതർ കണ്ടുകെട്ടി. 2015 ലാണ് പാസ്പോർട്ട് ഇദ്ദേഹത്തിന് തിരികെ നൽകിയത്. തുടർന്ന് രാജ്യം വിട്ട വെയ് വെയ് ജർമനിയിൽ അഭയം തേടി. വെയ് 2006 മുതൽ ഉപയോഗിച്ചു വരുന്ന സ്റ്റുഡിയോ 2018 ൽ ചൈനീസ് അധികൃതർ തകർത്തു. 2011ൽ സമാന രീതിയിൽ അദ്ദേഹത്തിന്റെ ഷാങ്ഹായിലുള്ള സ്റ്റുഡിയോ തകർത്തിരുന്നു.[5]
അയ് വെയ് വെയ്ക്ക് ചൈനീസ് സർക്കാർ കൊച്ചി-മുസിരിസ് ബിനാലെയിൽ പങ്കെടുക്കാനായി കൊച്ചി സന്ദർശിക്കാനുള്ള അനുമതി ചൈനീസ് സർക്കാർ നിഷേധിച്ചു.[6] വേയിക്കെത്താനായില്ലെങ്കിലും, ചൈനയിലെ സമകാലിക ജീവിതത്തിലെ നിരാസവും മടുപ്പും കാണിക്കുന്ന, അദ്ദേഹത്തിന്റെ വിഡിയോ ഇൻസ്റ്റലേഷൻ കൊച്ചി-മുസിരിസ് ബിനാലെയിൽ പ്രദർശിപ്പിച്ചിരുന്നു.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.