ആക്ഷൻസ്ക്രിപ്റ്റ്
പ്രോഗ്രാമിങ് ഭാഷ / From Wikipedia, the free encyclopedia
മാക്രോമീഡിയ ഇങ്ക്. (പിന്നീട് അഡോബി ഏറ്റെടുത്തു) വികസിപ്പിച്ചെടുത്ത ഒരു ഒബ്ജക്റ്റ് ഓറിയന്റഡ് പ്രോഗ്രാമിംഗ് ഭാഷയാണ് ആക്ഷൻസ്ക്രിപ്റ്റ്. ഹൈപ്പർകാർഡിന്റെ സ്ക്രിപ്റ്റിംഗ് ഭാഷയായ ഹൈപ്പർ ടോക്കിന്റെ സ്വാധീനത്തിലാണ് ഇത്.[2]ഇത് ഇപ്പോൾ ഇഗ്മാസ്ക്രിപ്റ്റിന്റെ ഒരു നിർവ്വഹണമാണ് (അതായത്, ജാവാസ്ക്രിപ്റ്റ് എന്നറിയപ്പെടുന്ന ഭാഷയുടെ വാക്യഘടനയുടെയും സിമാന്റിക്സിന്റെയും സൂപ്പർസെറ്റാണ് ഇത്), യഥാർത്ഥത്തിൽ ഇതിന്റെ ഒരു സിബ്ലിംഗാണെങ്കിലും, ഇരുഭാഷകളും ഹൈപ്പർ ടോക്കിന്റെ സ്വാധീനത്തിലാണ്. ആക്ഷൻസ്ക്രിപ്റ്റ് കോഡ് സാധാരണയായി കംപൈലർ ബൈറ്റ്-കോഡ് ഫോർമാറ്റിലേക്ക് പരിവർത്തനം ചെയ്യുന്നു.
ശൈലി: | Multi-paradigm: object-oriented (prototype-based), functional, imperative, scripting |
---|---|
പുറത്തുവന്ന വർഷം: | 1998 |
രൂപകൽപ്പന ചെയ്തത്: | Gary Grossman |
വികസിപ്പിച്ചത്: | Macromedia (now dissolved into Adobe Systems) |
ഏറ്റവും പുതിയ പതിപ്പ്: | 3.0/ ജൂൺ 27, 2006 (2006-06-27) |
ഡാറ്റാടൈപ്പ് ചിട്ട: | strong, static |
പ്രധാന രൂപങ്ങൾ: | Adobe Flash Player, Adobe AIR, Apache Flex, Scaleform GFx |
സ്വാധീനിക്കപ്പെട്ടത്: | JavaScript, Java |
സ്വാധീനിച്ചത്: | Haxe |
വെബ് വിലാസം: | adobe.com/devnet/actionscript/ |
എക്സ്റ്റൻഷൻ | .as |
---|---|
ഇന്റർനെറ്റ് മീഡിയ തരം | application/ecmascript[1] |
അഡോബി ഫ്ലാഷ് പ്ലാറ്റ്ഫോമിനെ ലക്ഷ്യമാക്കിയുള്ള വെബ്സൈറ്റുകളുടെയും സോഫ്റ്റ്വെയറുകളുടെയും വികസനത്തിനാണ് ആക്ഷൻസ്ക്രിപ്റ്റ് പ്രാഥമികമായി ഉപയോഗിക്കുന്നത്, യഥാർത്ഥത്തിൽ എംബഡഡ് എസ്ഡബ്ല്യുഎഫ്(SWF) ഫയലുകളുടെ രൂപത്തിൽ വെബ് പേജുകളിൽ ഉപയോഗിക്കുന്നു.
ഡെസ്ക്ടോപ്പിന്റെയും മൊബൈൽ ആപ്ലിക്കേഷനുകളുടെയും വികസനത്തിനായി അഡോബ് എയർ(Adobe AIR) സിസ്റ്റത്തിനൊപ്പം ആക്ഷൻസ്ക്രിപ്റ്റ് 3 ഉപയോഗിക്കുന്നു. ഈ ഭാഷ തന്നെ ഓപ്പൺ സോഴ്സ് ആണ്, കാരണം അതിന്റെ സ്പെസിഫിക്കേഷൻ സൗജന്യമായി നൽകുന്നു[3]കൂടാതെ ഒരു ഓപ്പൺ സോഴ്സ് കംപൈലറും (അപ്പാച്ചെ ഫ്ലെക്സിന്റെ ഭാഗമായി) ഓപ്പൺ സോഴ്സ് വെർച്വൽ മെഷീനും (ടമറിൻ) ലഭ്യമാണ്.
ത്രിമാന വീഡിയോ-ഗെയിം ഉപയോക്തൃ ഇന്റർഫേസുകളുടെയും ഹെഡ്സ് അപ്പ് ഡിസ്പ്ലേകളുടെയും വികസനത്തിന് സ്കെയിൽഫോം ജിഎഫ്എക്സി(GFx)-നൊപ്പം ആക്ഷൻസ്ക്രിപ്റ്റും ഉപയോഗിച്ചു.