2018 ഇന്ത്യൻ പ്രീമിയർ ലീഗ്
From Wikipedia, the free encyclopedia
2007-ൽ ബി.സി.സി.ഐ ആരംഭിച്ച പ്രൊഫഷണൽ ട്വന്റി 20 ക്രിക്കറ്റ് ലീഗായ ഇന്ത്യൻ പ്രീമിയർ ലീഗിന്റെ 11-ാമത്തെ സീസണാണ് 2018 ഇന്ത്യൻ പ്രീമിയർ ലീഗ് അഥവാ ഐ.പി.എൽ 11. 2018 ഏപ്രിൽ 7 മുതൽ മേയ് 27 വരെയാണ് ഈ സീസണിലെ കളികൾ നടന്നത്. 2013-ലെ ഐ.പി.എൽ വാതുവെപ്പ് കേസിലെ പങ്കിനെത്തുടർന്ന് ചെന്നൈ സൂപ്പർ കിങ്സ്, രാജസ്ഥാൻ റോയൽസ് എന്നീ ടീമുകൾ തിരിച്ചെത്തിയത് 11-ാം സീസണിലാണ്. 2018 മുതൽ 5 വർഷത്തേക്കുള്ള പ്രക്ഷേപണ അവകാശങ്ങൾ സ്റ്റാർ സ്പോർട്സ്, ₹16,347.5 കോടി ($2.55 ബില്യൺ) രൂപയ്ക്ക് സ്വന്തമാക്കി. [1]
തീയതി | 7 April–27 May 2018 |
---|---|
സംഘാടക(ർ) | ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യ (ബി.സി.സി.ഐ) |
ക്രിക്കറ്റ് ശൈലി | ട്വന്റി20 |
ടൂർണമെന്റ് ശൈലി(കൾ) | ഡബിൾ റൗണ്ട് റോബിൻ, പ്ലേ ഓഫ് നോക്ക്ഔട്ട് |
ആതിഥേയർ | ഇന്ത്യ |
പങ്കെടുത്തവർ | 8 |
ആകെ മത്സരങ്ങൾ | 60 |
ഔദ്യോഗിക വെബ്സൈറ്റ് | www |
← 2017 2019 → |
ഫൈനൽ മത്സരത്തിൽ സൺറൈസേഴ്സ് ഹൈദരാബാദിനെ എട്ടു വിക്കറ്റുകൾക്ക് പരാജയപ്പെടുത്തിക്കൊണ്ട് ചെന്നൈ സൂപ്പർ കിംഗ്സ് 11-ാമത്തെ സീസണിലെ ജേതാക്കളായി. ഇത് മൂന്നാം തവണയാണ് ചെന്നൈ ഇന്ത്യൻ പ്രീമിയർ ലീഗിൽ കിരീടം നേടുന്നത്. സൺറൈസേഴ്സ് ഹൈദരാബാദിന്റെ ക്യാപ്റ്റൻ കെയ്ൻ വില്യംസൺ, 735 റണ്ണുകൾ നേടി കൂടുതൽ റണ്ണുകൾ നേടിയതിനുള്ള ഓറഞ്ച് ക്യാപ് സ്വന്തമാക്കി. കിങ്സ് ഇലവൻ പഞ്ചാബിന്റെ ആൻഡ്രൂ ടൈ, 24 വിക്കറ്റുകൾ നേടി കൂടുതൽ വിക്കറ്റ് നേടിയതിനുള്ള പർപ്പിൾ ക്യാപ്പ് സ്വന്തമാക്കി. ഈ സീസണിലെ മാൻ ഓഫ് ദി സീരിസായി തിരഞ്ഞെടുക്കപ്പെട്ടത് കൊൽക്കത്ത നൈറ്റ് റൈഡേഴ്സിന്റെ സുനിൽ നരെയ്ൻ ആയിരുന്നു. ടൂർണമെന്റിലെ എമേർജിങ് പ്ലെയറായി ഡെൽഹി ഡെയർഡെവിൾസിന്റെ കളിക്കാരനായ ഋഷഭ് പന്തും തിരഞ്ഞെടുക്കപ്പെട്ടു.