ഫുട്ബോൾ ലോകകപ്പ് 1998
പതിനാറാമത് ഫുട്ബോൾ ലോകകപ്പ് 1998 / From Wikipedia, the free encyclopedia
പതിനാറാമത് ഫുട്ബോൾ ലോകകപ്പ് 1998 ജൂൺ 10 മുതൽ ജുലൈ 12 വരെ ഫ്രാൻസിൽ അരങ്ങേറി. ലോകകപ്പിന് രണ്ടു തവണ ആതിഥേയത്വം വഹിച്ച മൂന്നാമത്തെ രാജ്യമാണ് ഫ്രാൻസ്. മുൻപ് മെക്സിക്കോയ്ക്കും ഇറ്റലിക്കുമാണ് ഈ ഭാഗ്യം സിദ്ധിച്ചത്. അതുവരെ നടന്ന ലോകകപ്പുകളിൽ നിന്നും ടീമുകളുടെ എണ്ണംകൊണ്ട് ഫ്രാൻസ് ലോകകപ്പ് വ്യത്യസ്തമായിരുന്നു. 32 ടീമുകളാണ് 62 മത്സരങ്ങളിലായി കഴിവിന്റെയും ഭാഗ്യത്തിന്റെയും മാറ്റുരച്ചത്.
ഫുട്ബോൾ ലോകകപ്പ് 1998 | |
ഫ്രാൻസ് ‘98 | |
ഔദ്യോഗിക മുദ്ര | |
ആകെ ടീമുകൾ | 172(യോഗ്യതാ ഘട്ടമുൾപ്പടെ) ഫൈനൽ റൌണ്ട്: 32 |
ആതിഥേയർ | ഫ്രാൻസ് |
ജേതാക്കൾ | ഫ്രാൻസ് |
മൊത്തം കളികൾ | 64 |
ആകെ ഗോളുകൾ | 171 (ശരാശരി2.67) |
ആകെ കാണികൾ | 2,785,100 (ശരാശരി43,517 ) |
ടോപ്സ്കോറർ | ഡാവർ സൂക്കർ (6 ഗോളുകൾ) |
മികച്ച താരം | റൊണാൾഡോ |
‘94ലെ ജേതാക്കളായ ബ്രസീലിനെ എതിരില്ലാത്ത മൂന്നു ഗോളുകൾക്കു തകർത്ത് ആതിഥേയരായ ഫ്രാൻസ് നടാടെ ലോകകപ്പ് കിരീടം ചൂടി. ഉറുഗ്വേ, ബ്രസീൽ, അർജന്റീന, ഇറ്റലി, ഇംഗ്ലണ്ട്, ജർമ്മനി എന്നിവർക്കൊപ്പം ഫ്രാൻസും അങ്ങനെ ലോകകപ്പ് ജേതാക്കളുടെ പട്ടികയിൽ ഇടം നേടി. ഏവരേയും അമ്പരിപ്പിച്ചുകൊണ്ട് ക്രൊയേഷ്യ മൂന്നാം സ്ഥാനത്ത് കുതിച്ചെത്തി. അവരുടെ ഡാവർ സൂക്കർ ഏറ്റവും കൂടുതൽ ഗോൾ നേടി(6) സുവർണ്ണ പാദുകവും കരസ്ഥമാക്കി. 1994 ലെ ലോകകപ്പിൽ മൂന്നാംസ്ഥാനക്കാരായ സ്വീഡന് യോഗ്യതാ മത്സരത്തിൽപോലും വിജയം കണ്ടെത്താനായിരുന്നില്ല.
സർഗ്ഗാത്മകതയ്ക്കാണ് ഈ ലോകകപ്പിന്റെ കളിക്കളങ്ങളിൽ പ്രാമുഖ്യം കണ്ടത്. പരുക്കൻകളിയുടെ ആശാന്മാരായ ജർമ്മനി പോലും കളിക്കളത്തിൽ സംയമനം പാലിച്ച് അസൂയയുളവാക്കുന്ന ചാരുത വിരിയിക്കുകയായിരുന്നു. ഏതാനും താരോദയങ്ങൾക്കും ഫ്രാൻസ് വേദിയായി ഏരിയൽ ഒർട്ടേഗ (അർജന്റീന), തിയറി ഹെൻറി (ഫ്രാൻസ്), മൈക്കേൽ ഓവൻ (ഇംഗ്ലണ്ട്) എന്നിവരായിരുന്നു ശ്രദ്ധനേടിയ താരങ്ങൾ.
64 മത്സരങ്ങളിലായി 171 ഗോളുകളാണ് വല കുലുക്കിയത്. കാണികളുടെ ഹൃദയമിടിപ്പ് പരീക്ഷിച്ച ഗോളുകളിലൊന്ന് അർജന്റീനക്കെതിരെ ഇംഗ്ലണ്ടിന്റെ യുവതാരമായ മൈക്കേൽ ഓവന്റേതായിരുന്നു.