![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Howland_island_nasa.jpg/640px-Howland_island_nasa.jpg&w=640&q=50)
ഹൗലാന്റ് ദ്വീപ്
From Wikipedia, the free encyclopedia
പസഫിക് മഹാസമുദ്രത്തിലെ മനുഷ്യവാസമില്ലാത്ത ഒരു പവിഴദ്വീപാണ് ഹൗലാന്റ് ദ്വീപ് (/[invalid input: 'icon']ˈhaʊlənd/) ഭൂമദ്ധ്യരേഖയ്ക്ക് വടക്ക് പസഫിക് മഹാസമുദ്രത്തിന്റെ മദ്ധ്യഭാഗത്തായാണ് ദ്വീപിന്റെ സ്ഥാനം. ഹൊണോലുലുവിൽ നിന്ന് 3100 കിലോമീറ്റർ ദൂരെയാണീ ദ്വീപ്. ഹവായിക്കും ഓസ്ട്രേലിയയ്ക്കും ഏകദേശം മദ്ധ്യത്തിലാണിത്. ഇത് അമേരിക്കൻ ഐക്യനാടുകളുടെ ഇൻകോർപ്പറേറ്റ് ചെയ്യാത്തതും ഓർഗനൈസ് ചെയ്യപ്പെടാത്തതുമായ ഒരു ഭൂപ്രദേശമാണ്. ഭൂമിശാസ്ത്രമനുസരിച്ച് ഇത് ഫീനിക്സ് ദ്വീപുകളുടെ ഭാഗമാണ്.
![Thumb image](http://upload.wikimedia.org/wikipedia/commons/thumb/4/4a/Howland_island_nasa.jpg/320px-Howland_island_nasa.jpg)
![Thumb image](http://upload.wikimedia.org/wikipedia/commons/thumb/0/0e/Howland_Island_Locator1.png/320px-Howland_Island_Locator1.png)
0°48′24″N 176°36′59″W എന്നതാണ് ഈ ദ്വീപിന്റെ കോ-ഓർഡിനേറ്റുകൾ.[1] 1.8 ചതുരശ്രകിലോമീറ്റർ വിസ്തീർണ്ണമുള്ള ഈ ദ്വീപിന്റെ തീരപ്രദേശത്തിന്റെ നീളം 6.4 കിലോമീറ്ററാണ്. തെക്കുവടക്കായി നീളത്തിലാണ് ദ്വീപിന്റെ കിടപ്പ്. ദ്വീപിനുള്ളിൽ ലഗൂണില്ല.
ഇവിടെ സാമ്പത്തികപ്രവർത്തനങ്ങളൊന്നും നടക്കുന്നില്ല. അമീലിയ എയർഹാർട്ടിന് എത്തിപ്പെടാൻ സാധിക്കാഞ്ഞ ദ്വീപ് എന്നതാണ് ഈ ദ്വീപിന്റെ ഏറ്റവും വലിയ പ്രശസ്തി. 1930-കളിൽ അമീലിയയ്ക്ക് എത്തിപ്പെടാൻ വേണ്ടി തയ്യാറാക്കിയ റൺവേകൾ ഒരിക്കലും ഉപയോഗിക്കപ്പെടാതെ നശിച്ചുപോവുകയാണുണ്ടായത്. ഇവിടെ ഹാർബറുകളില്ല. ദ്വീപിനുചുറ്റുമുള്ള പവിഴപ്പുറ്റുകൾ നൗകകൾക്ക് അപകടമുണ്ടാക്കാൻ സാദ്ധ്യതയുണ്ട്. ഇവിടെ ഒരു ഡേ ബീക്കണുമുണ്ട്. എല്ലാ രണ്ടു വർഷം കൂടുമ്പോഴും ഈ ദ്വീപ് ഉദ്യോഗസ്ഥർ സന്ദർശിക്കാറുണ്ട്. [2]
ദ്വീപുൾപ്പെട്ട നാഷണൽ പാർക്കിൽ 1.84 ചതുരശ്രകിലോമീറ്റർ കരയും 129.80 ചതുരശ്രകിലോമീറ്റർ കടൽത്തട്ടുമാണുള്ളത്. യു.എസ്. ഫിഷ് ആൻഡ് വൈൽഡ് ലൈഫ് സർവീസാണ് ഈ ദ്വീപിന്റെ മേൽനോട്ടം നടത്തുന്നത്. ഇത് പസഫിക് റിമോട്ട് ഐലന്റ് മറൈൻ നാഷണൽ മോണ്യുമെന്റിന്റെ ഭാഗമാണ്.