![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8a/Hailee_Steinfeld_by_Gage_Skidmore.jpg/640px-Hailee_Steinfeld_by_Gage_Skidmore.jpg&w=640&q=50)
ഹെയ്ലി സ്റ്റെയ്ൻഫെൽഡ്
അമേരിക്കൻ ചലചിത്ര നടി / From Wikipedia, the free encyclopedia
ഹെയ്ലി സ്റ്റെയ്ൻഫെൽഡ്[1] (ജനനം: ഡിസംബർ 11, 1996) ഒരു അമേരിക്കൻ നടിയും ഗായികയും ഗാനരചയിതാവുമാണ്. ട്രൂ ഗ്രിറ്റ് (2010) എന്ന വെസ്റ്റേൺ നാടകീയ ചലച്ചിത്രത്തിലെ മാറ്റി റോസ് ആയിരുന്നു അവരുടെ മുന്നേറ്റ കഥാപാത്രം. ഈ വേഷത്തിന്റെപേരിൽ മികച്ച സഹനടിക്കുള്ള അക്കാദമി അവാർഡിന് അവർ നാമനിർദ്ദേശം ചെയ്യപ്പെട്ടിരുന്നു. അതിനുശേഷം, എൻഡേഴ്സ് ഗെയിം (2013), റോമിയോ ആൻഡ് ജൂലിയറ്റ് (2013), ബിഗിൻ എഗെയ്ൻ (2013), 3 ഡെയ്സ് ടു കിൽ (2014) എന്നീ ചിത്രങ്ങളിലെ മികച്ച വേഷങ്ങളിലൂടെ സ്റ്റെയ്ൻഫെൽഡ് കൂടുതൽ പ്രാധാന്യം നേടി. പിച്ച് പെർഫെക്റ്റ് സിനിമാ പരമ്പരയിൽ (2015–2017) എമിലി ജങ്ക് ആയി പ്രത്യക്ഷപ്പെടുകയും ദി എഡ്ജ് ഓഫ് സെവന്റീൻ (2016) എന്ന ചിത്രത്തിൽ നാദിൻ ഫ്രാങ്ക്ലിൻ എന്ന കഥാപാത്രത്തെ അവതരിപ്പിച്ചതിന്റെപേരിൽ മോഷൻ പിക്ചർ കോമഡി അല്ലെങ്കിൽ മ്യൂസിക്കൽ വിഭാഗത്തിലെ മികച്ച നടിക്കുള്ള ഗോൾഡൻ ഗ്ലോബ് അവാർഡ് നാമനിർദ്ദേശം ചെയ്യപ്പെട്ടു. 2018 ൽ, ആനിമേറ്റഡ് ചിത്രമായ സ്പൈഡർ-മാൻ: ഇന്റു ദി സ്പൈഡർ-വേഴ്സസിൽ ഗ്വെൻ സ്റ്റേസി / സ്പൈഡർ-വുമൺ എന്ന കഥാപാത്രത്തിനു ശബ്ദം നൽകുകയും, ബംബിൾബീ എന്ന ആക്ഷൻ ചിത്രത്തിൽ അഭിനയിക്കുകയും ശബ്ദട്രാക്കിലേക്ക് സംഭാവന നൽകുകയും ചെയ്തു. ആപ്പിൾ ടിവി + പരമ്പരയായ ഡിക്കിൻസണിൽ എമിലി ഡിക്കിൻസണായി സ്റ്റെയ്ൻഫെൽഡ് അഭിനയിക്കുന്നു.
ഹെയ്ലി സ്റ്റെയ്ൻഫെൽഡ് | |
---|---|
![]() 2018 ലെ സാൻ ഡീഗോ കോമിക്-കോണിൽ സ്റ്റെയ്ൻഫെൽഡ്. | |
ജനനം | (1996-12-11) ഡിസംബർ 11, 1996 (27 വയസ്സ്) Tarzana, California, U.S. |
തൊഴിൽ |
|
സജീവ കാലം | 2007–present |
ബന്ധുക്കൾ |
|
Musical career | |
വിഭാഗങ്ങൾ |
|
ഉപകരണ(ങ്ങൾ) | Vocals |
ലേബലുകൾ | Republic |
വെബ്സൈറ്റ് | haileesteinfeldofficial |
പിച്ച് പെർഫെക്റ്റ് 2 (2015) ൽ "ഫ്ലാഷ്ലൈറ്റ്" എന്ന ഗാനം അവതരിപ്പിച്ചതിന് ശേഷം സ്റ്റെയിൻഫെൽഡ് സംഗീതത്തിൽ മികച്ച മുന്നേറ്റം നടത്തുകയും ഉടൻ തന്നെ റിപ്പബ്ലിക് റെക്കോർഡുകളുമായി ഒപ്പുവെച്ചശേഷം ആദ്യ സിംഗിൾ ആയ "ലവ് മൈസെൽഫ്" പുറത്തിറക്കുകയും, തുടർന്ന് ഹെയ്സ് (2015) എന്ന ഇ.പി. സംഗീത റിക്കാർഡിൽ അരങ്ങേറ്റം കുറിച്ചു. അതിനുശേഷം അവർ സിംഗിൾസിന്റെ ഒരു പരമ്പരതന്നെ പുറത്തിറക്കുകയും ഗ്രേ, സെഡ് എന്നിവരുമായുള്ള സഹകരണത്തോടെ പുറത്തിറക്കിയ "സ്റ്റാർവിംഗ്" അമേരിക്കൻ ഐക്യനാടുകളിലെ ബിൽബോർഡ് ഹോട്ട് 100 ചാർട്ടിൽ 12-ആം സ്ഥാനത്തെത്തുകയും അലസ്സോ, ഫ്ലോറിഡ ജോർജിയ ലൈൻ, വാറ്റ് എന്നിവരുടെ സഹകരണത്തോടെ പുറത്തിറക്കിയ "ലെറ്റ് മി ഗോ", മെയിൻസ്ട്രീം ടോപ്പ് 40 ചാർട്ടിൽ പതിനാലാം സ്ഥാനത്തെത്തുകയും ചെയ്തു.