![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Sri_Mariamman_Temple_Singapore_3_amk.jpg/640px-Sri_Mariamman_Temple_Singapore_3_amk.jpg&w=640&q=50)
ഹിന്ദുമതം സിംഗപ്പൂരിൽ
From Wikipedia, the free encyclopedia
സിംഗപ്പൂരിലെ ഹിന്ദു മതവും സംസ്കാരവും എഡി ഏഴാം നൂറ്റാണ്ടിൽ, ടെമാസെക് ഹിന്ദു-ബുദ്ധ ശ്രീവിജയ സാമ്രാജ്യത്തിന്റെ ഒരു വ്യാപാര കേന്ദ്രമായിരുന്ന കാലം മുതലാണ് തുടങ്ങുന്നത്. [1] ഒരു സഹസ്രാബ്ദത്തിനു ശേഷം, ബ്രിട്ടീഷ് ഈസ്റ്റ് ഇന്ത്യാ കമ്പനിയും കൊളോണിയൽ ബ്രിട്ടീഷ് സാമ്രാജ്യവും ദക്ഷിണേന്ത്യയിൽ നിന്നുള്ള കുടിയേറ്റക്കാരുടെ ഒരു ഒരു വലിയ സംഖ്യയെ കൂലികളും അവിദഗ്ധ തൊഴിലാളികളും ആയി സിംഗപ്പൂരിലേക്ക് കൊണ്ടുവന്നു.[2] മലായ് ഉപദ്വീപിലെന്നപോലെ, ബ്രിട്ടീഷ് ഭരണകൂടം പ്രാദേശിക തോട്ടങ്ങളിലും വ്യാപാര പ്രവർത്തനങ്ങളിലും വിശ്വസനീയമായ തൊഴിലാളികളെ സ്ഥിരപ്പെടുത്താൻ ശ്രമിച്ചു; കുടിയേറ്റത്തിന്റെ കങ്കാണി സമ്പ്രദായത്തിലൂടെ കുടുംബത്തെ കൊണ്ടുവരാനും കുടിയേറാനും ക്ഷേത്രങ്ങൾ പണിയാനും ഹിന്ദുക്കളെ പ്രോത്സാഹിപ്പിക്കുകയും പിന്നീട് ലിറ്റിൽ ഇന്ത്യയായി അറിയപ്പെട്ട ഒരു സമൂഹമായി അതിനെ വേറിട്ട് നിർത്തുകയും ചെയ്തു.[3] [4]
![Thumb image](http://upload.wikimedia.org/wikipedia/commons/thumb/d/db/Sri_Mariamman_Temple_Singapore_3_amk.jpg/640px-Sri_Mariamman_Temple_Singapore_3_amk.jpg)
നിലവിൽ സിംഗപ്പൂരിൽ മുപ്പതോളം പ്രധാന ഹിന്ദു ക്ഷേത്രങ്ങളുണ്ട്. 2020 ലെ സെൻസസ് പ്രകാരം സിംഗപ്പൂരിൽ ആകെ 172,963 ഹിന്ദുക്കൾ ഉണ്ടെന്ന് കണക്കാക്കപ്പെടുന്നു, ഇത് സിംഗപ്പൂരിലെ ജനസംഖ്യയുടെ 5.0% ആണ്. [5] [6] [7] സിംഗപ്പൂരിലെ മിക്കവാറും എല്ലാ ഹിന്ദുക്കളും വംശീയ ഇന്ത്യക്കാരാണ് (99%), ചിലർ ഹിന്ദു കുടുംബങ്ങളെ വിവാഹം കഴിച്ചവരാണ്. 1931 ൽ മൊത്തം ജനസംഖ്യയുടെ 5.5% ഹിന്ദുക്കളായിരുന്നു. [8]
സിംഗപ്പൂരിൽ, ഹിന്ദു ഉത്സവമായ ദീപാവലി ദേശീയ പൊതു അവധിയായി അംഗീകരിക്കപ്പെട്ടിരിക്കുന്നു. ചില ഇന്ത്യക്കാരല്ലാത്തവർ, സാധാരണയായി ബുദ്ധ ചൈനക്കാർ, വിവിധ ഹിന്ദുമത പ്രവർത്തനങ്ങളിൽ പങ്കെടുക്കുന്നു. മലേഷ്യയിലെയും ഇന്തോനേഷ്യയിലെയും വിവിധ സംസ്ഥാനങ്ങളിൽ നിന്ന് വ്യത്യസ്തമായി, സിംഗപ്പൂർ ഹിന്ദുക്കളുടെ മതസ്വാതന്ത്ര്യത്തിന് യാതൊരു നിയന്ത്രണവും ഏർപ്പെടുത്തുന്നില്ല.