സോളി മഡോണ
From Wikipedia, the free encyclopedia
1500 നും 1504 നും ഇടയിൽ ഇറ്റാലിയൻ നവോത്ഥാന കലാകാരൻ റാഫേൽ ചിത്രീകരിച്ച ഒരു എണ്ണഛായാചിത്രമാണ് സോളി മഡോണ. ആദ്യകാല രചനയായ ഈ ചിത്രത്തിൽ, റഫേലിന്റെ അധ്യാപകനായ പെറുഗിനോയുടെ സ്വാധീനം വ്യക്തമായി കാണിക്കുന്നു.[1]ഈ ചിത്രത്തിലെ രണ്ട് സവിശേഷതകൾ പിൽക്കാലത്തെ മഡോണ ചിത്രങ്ങളിൽ റാഫേൽ ആവർത്തിക്കുന്നു. നോർട്ടൺ സൈമൺ മ്യൂസിയത്തിലെ മഡോണ ആൻഡ് ദ ചൈൽഡ് വിത്ത് ദ ബുക്ക്, കോനെസ്റ്റബൈൽ മഡോണ, മഡോണ കൊളോണ, മഡോണ ഡെൽ കാർഡെല്ലിനോ എന്നിവയിലെന്നപോലെ കന്യകാമറിയം ഈ ചിത്രത്തിലും ഒരു പുസ്തകം വായിക്കുന്നു. അവസാനത്തെ ചിത്രത്തിലെന്നപോലെ, ഒരു ചെറിയ പക്ഷി, ഗോൾഡ് ഫിഞ്ച്, ഈ ചിത്രത്തിലും കാണാം.[2]
Madonna Solly | |
---|---|
കലാകാരൻ | Raphael |
വർഷം | 1500–1504 |
Medium | Oil on wood |
അളവുകൾ | 52 cm × 38 cm (20 in × 15 in) |
സ്ഥാനം | Gemäldegalerie, Berlin |
ബെർലിനിലെ ജെമാൽഡെഗലറിയിലാണ് ഈ ചിത്രം സൂക്ഷിച്ചിരിക്കുന്നത്. ബ്രിട്ടീഷ് ബാങ്കറും ആർട്ട് കളക്ടറുമായ എഡ്വേർഡ് സോളിയുടെ (1776–1848) ഉടമസ്ഥതയിലുള്ളതിനാലാണ് ഈ ചിത്രത്തിനെ സോളി മഡോണ എന്ന് വിളിക്കുന്നത്.