From Wikipedia, the free encyclopedia
തമിഴ്നാട്ടിലെ ഒരു പട്ടണമാണ് സേലം (തമിഴ്: சேலம; ആംഗലേയം: Salem) (ⓘ) നാലുവശങ്ങളും വന്മലകളാൽ ചുറ്റപ്പെട്ടുകിടക്കുന്നതു എന്നർത്ഥമുള്ള ശൈലം എന്നതിൽ നിന്നാണ് ഈ പേരുണ്ടായതെന്നു കരുതുന്നു. സേലം മാങ്ങ, സേലം സ്റ്റീൽ എന്നിവ ഈ സ്ഥലപ്പേരിൽ അറിയപ്പെടുന്ന വസ്തുക്കളാണ്. സേലം ജില്ലയുടെ ആസ്ഥാനമാണ് സേലം. വലിപ്പം കൊണ്ട് തമിഴ്നാട്ടിലെ അഞ്ചാം സ്ഥാനത്താണ് സേലം.
സേലം | |
11.6698°N 78.113°E | |
ഭൂമിശാസ്ത്ര പ്രാധാന്യം | പട്ടണം |
രാജ്യം | ഇന്ത്യ |
സംസ്ഥാനം | തമിഴ്നാട് |
ജില്ല | സേലം |
ഭരണസ്ഥാപനങ്ങൾ | കോർപ്പറേഷൻ |
മേയർ | രേഖ പ്രിയദർശിനി |
വിസ്തീർണ്ണം | 94ചതുരശ്ര കിലോമീറ്റർ |
ജനസംഖ്യ | 693,236 (2001) |
ജനസാന്ദ്രത | 7060/ച.കി.മീ |
കോഡുകൾ • തപാൽ • ടെലിഫോൺ |
636 xxx +91 427 |
സമയമേഖല | UTC +5:30 |
പ്രധാന ആകർഷണങ്ങൾ |
നാലു ചുറ്റും വലിയ മലകൾ സ്ഥിതി ചെയ്യുന്നു. വടക്കു നാഗർമല, തെക്കു ജെരഗമല, പടിഞ്ഞാറു കാഞ്ചന മല, കിഴക്കു ഗൊടുമല. പിന്നെ ഇവയെ ബന്ധിപ്പിക്കുന്ന ചെറുതും വലുതുമായ മറ്റു മലകൾ. ഇവയാണ് സേലത്തിന്റെ അതിർത്തികൾ. നടുക്കുക്കൂടെ ഒഴുകുന്ന തിരുമണി മുത്താർ സേലം നഗരത്തെ രണ്ടായി വിഭജിക്കുന്നു.
തമിഴ്നാട്ടിലെ 5-മത്തെ വലിയ നഗരമാണു്. അഗ്രഹാരം എന്നറിയപ്പെടുന്ന പഴയ ആവാസകേന്ദ്രത്തിന് ചുറ്റുമാണ് ഇവിടത്തെ നഗരം ആദ്യകാലത്തിൽ സ്ഥിതി ചെയ്തിരുന്നത്. ഇതിനടുത്താണ് പഴയ ബസ് സ്റ്റാൻഡുകൾ. അഗ്രഹാരവീഥികൾക്ക് വീതി കുറവായിരുന്നതും ജനപ്പെരുപ്പം കൂടിയതും നഗരത്തെ മറ്റു ഭാഗത്തേയ്ക്ക് പറിച്ചു നടാൻ നിർബന്ധിതമാക്കി. പിന്നീട് ഒരു പുതിയ ബസ് സ്റ്റാൻഡ് 1992- ല് നിലവിൽ വന്ന ശേഷം ഇപ്പോൾ നഗരം കൂടുതലും ഈ പുതിയ ബസ് സ്റ്റാൻഡിനെ കേന്ദ്രീകരിച്ചാണ്. നഗരത്തിന്റെ മധ്യത്തിലൂടെ മദ്രാസിലേയ്ക്കുള്ള ദേശീയപാതയും ബ്രോഡ്ഗേജ് റെയിൽ, മീറ്റർ ഗേജ് പാതകളും കടന്നു പോകുന്നു.
ശിലായുഗത്തിലെ വരെ ഇവിടെ മനുഷ്യർ ജീവിച്ചിരുന്നതിനു തെളിവുകളുണ്ട്. ചരിത്രമെഴുതുന്നതിനു മുൻപെയുള്ള സംസ്കാര രീതികളും പാലിയൊലിതിക്(ശിലാരേഖകൾ) കാലത്തെയും നിയൊലിത്തിക് കാലത്തെയും അവശിഷ്ടങ്ങളും ചാരക്കൂമ്പാരവും ഇന്നും ചരിത്രവിദ്യാർത്ഥികൾക്ക് അമൂല്യമായ ദൃശ്യമാണ്.
ചാലൂക്യരുമായി പാണ്ട്യർ വൈവാഹിക ബന്ധം സ്ഥാപിച്ചപ്പോൾ അവരുടെ ശക്തി വർദ്ധിക്കുകയും ചാലുക്യരുമായി ചേർന്നു സേലം പിടിച്കെടുക്കുകയും ചെയ്തു. ചലൂക്യരാണു പിന്നിട്(15 നൂറ്റാണ്ടു) ഇവിടം ഭരിച്ചിരുന്നത്.
അന്നു മുതൽ സ്വാതന്ത്രലബ്ധി വരെ ബ്രിട്ടിഷുകാർ ഇതു സ്വന്തമാക്കി വച്ചു. ബ്രിട്ടിഷുകാരുടെ ഭരണത്തിന്റെ ഭാഗമായി നിരവധി വിദ്യാലയങ്ങളും പള്ളികളും വീഥികളും പണികഴിപ്പിച്ചു. അടുത്തുള്ള ഒരു മലയായ യേർകാട്ഒരു വേനൽക്കാല വിശ്രമസ്ഥലമാക്കി മാറ്റിയതവരാണു. ബ്രിട്ടിഷുദ്യോഗസ്ഥരുടെ മക്കൾ പഠിച്ചിരുന്ന മോണ്ട്ഫോർട്ട് വിദ്യാലയം ലോകപ്രശസ്തമാണു. ഇന്നും പല ആംഗലേയരുടെ മക്കളും ഇവിടെ പഠിക്കുന്നുണ്ട്.
സ്വാതന്ത്ര്യത്തിനു ശേഷം സേലം ഒരു പ്രത്യേക സംസ്ഥാനമായിരുന്നു. എന്നാൽ 1951 ൽ അന്നത്തെ മൈസ്സൂർ സംസ്ഥാനവും(ഇന്നത്തെ കർണാടക) മദ്രാസ്(തമിഴ്നാട്) സംസ്ഥാനവും തമ്മിൽ വാളപ്പാടിടന്ന ഗ്രാമ കൈമാറ്റത്തിൽ സേലത്തെ രണ്ടിലേക്കുമായി ലയിപ്പിക്കുകയായിരുന്നു.
സേലം ഒരു കോർപ്പറേഷൻ ആണ്. 1770 ൽ തന്നെ നികുതി(റവന്യു) സംവിധാനം കാര്യക്ഷമമായി പ്രവർത്തിച്ചിരുന്നു. 1772 ൽ സേലം ജില്ലക്കു ആദ്യമായി ജില്ലാ കളക്ടർ ഉണ്ടായി. ആംഗലേയനായിരുന്ന കിൻഡെർസ്ലി ആണ് ആദ്യത്തെ സേലം കളക്റ്റർ (Kindersley)
എൻ. മതിവാണൻ. ഐ. എ. എസ്. ആണിപ്പോഴത്തെ കളക്ടർ.
ആധുനിക വിദ്യാഭ്യാസ മേഖലയിൽ ഉണ്ടായ വളർച്ചയും സേലം സ്റ്റീൽ പ്ലാന്ന്റ് മറ്റനവധി വ്യവസായ സ്ഥാപനങ്ങളും സ്ഥാപിതാായതിനോടനുബന്ധിച്ച് അടുത്തകാലത്തായി സേലത്തെ ജനസാന്ദ്രത വളരെയധികം വർദ്ധിച്ചിട്ടുണ്ട്. ഹിന്ദുക്കളാണ് ഏറിയ പങ്ക് എങ്കിലും ക്രിസ്ത്യാനികളും മുസ്ലീങ്ങളും നല്ല പങ്കുണ്ട്. വ്യാപാരവശ്യങ്ങൾക്കായി വന്നു ചേർന്നിട്ടുള്ള ഗുജറത്തി, സിഖ്, ജൈന സമൂഹങ്ങളും ഇവിടെയുണ്ട്.
Year | Pop. | ±% |
---|---|---|
1871 | 50,012 | — |
1881 | 50,667 | +1.3% |
1891 | 67,710 | +33.6% |
1901 | 70,621 | +4.3% |
1911 | 59,153 | −16.2% |
1921 | 52,244 | −11.7% |
1931 | 1,02,179 | +95.6% |
1941 | 1,29,702 | +26.9% |
1951 | 2,03,052 | +56.6% |
1961 | 2,49,145 | +22.7% |
1971 | — | |
1981 | — | |
1991 | 3,66,712 | — |
2001 | 6,96,760 | +90.0% |
2011 | 8,29,267 | +19.0% |
മതപരമായ സെൻസസ് | ||||
---|---|---|---|---|
മതം | ശതമാനം(%) | |||
ഹിന്ദു | 89.79% | |||
മുസ്ലിം | 7.48% | |||
ക്രിസ്താനി | 2.36% | |||
സിഖ് | 0.02% | |||
ബുദ്ധിസ്റ്റ് | 0.01% | |||
ജൈനർ | 0.11% | |||
മറ്റുള്ളവർ | 0.2% | |||
മതമില്ല | 0.02% |
കൃഷിയാണു ഈ ജില്ലയുടെ നിലനിൽപ്പിനാധാരം. 70% ആൾക്കാരും കൃഷിയിലേർപ്പെട്ടിരിക്കുന്നു. വിത്തിന്റെ ഗുണനിലവാരം നിജപ്പെടുന്ന വിഭാഗങ്ങളും മണ്ണിന്റെ പഠന വിഭാഗവും ഇവിടെ പ്രവർത്തിക്കുന്നുണ്ട്.
ജലത്തിന്റെ ദൗർലഭ്യം മൂലം അധികം വെള്ളം ആവശ്യമില്ലാത്ത കൃഷിയാണിവിടത്തുകാർ അവലംബിച്ചു വരുന്നത്. പരിപ്പ്, എള്ള്, പരുത്തി, തെങ്ങ് എന്നിവയാണു കൂടുതലായി കണ്ടുവരുന്നത്. ഇടവിളകൾ ചെയ്യുന്ന രീതിയും കണ്ടുവരുന്നു. ലെയ് ബസാർ എന്ന സ്ഥലത്താണു കാർഷിക ഉൽപന്നങ്ങളുടെ വ്യപാരം നടക്കുന്നതു. കന്നുകാലി വളർത്തലും വളരെയധികം കർഷകർ ചെയ്യുന്നുണ്ട്. പ്രശസ്തമായ ഒരു പാൽ സംസ്കരണശാല (ആവിൻ) ഇവിടെയടുത്ത് . ഇതു പാൽക്കാരുടെ സഹകരണ സ്ഥാപനമാണു.
വ്യവസായ മേഖല വളരെ സമ്പന്നമാണു.
വ്യവസായ സ്ഥാപനങ്ങളുടെ കണക്ക്.
Tourist attractions
ചെന്നൈ, കോയമ്പത്തൂർ, തിരുവനന്തപുരം എന്നീ സ്ഥലങ്ങളിലേക്കുള്ള പ്രധാന മാർഗ്ഗമാണ് സേലം.
എൻഎച്ച് 7, എൻഎച്ച് 47, എൻഎച്ച് 68 എന്നീ മൂന്ന് പ്രധാന ദേശീയ പാതകൾ സേലത്ത് വെച്ച് കൂട്ടിമുട്ടുന്നു.
രണ്ട് പ്രധാന ബസ് സ്റ്റാൻഡുകൾ സേലത്തുണ്ട്.
ഇന്ത്യൻ റയില്വേയുടേ ഒരു പ്രധാന ഡിവിഷനായ സേലം റെയിൽവേ ഡിവിഷനിൽ 842 കി.മീ. പാതയുണ്ട്. ആറ് റെയിൽവേ പാതകൾ ഒന്നിക്കുന്ന ജംങ്ഷൻ കൂടിയാണ് സേലം.
സേലം ഒരിക്കൽ വിദ്യാഭ്യാസപരമായി ഏറ്റവും പിന്നോക്കം നിൽക്കുന്ന ജില്ലയായിരുന്നു. എന്നാൽ ഇന്ന് മറ്റേതൊരു ജില്ലയോടും കിടപിടിക്കാവുന്നത്ര വിദ്യാഭ്യാസ സ്ഥാപനങ്ങൾ ഇവിടെയുണ്ട്. സംസ്ഥാനത്തിലെ ആദ്യത്തെ സ്വകാര്യ ദന്ത വൈദ്യശാസ്ത്ര കോളേജ് തുടങ്ങിയത് ഇവിടെയാണ്. വിനായക മിഷൻ റിസർച്ച് ഫൌണ്ടേഷൻ എന്ന സമൂഹം 1984 ലാണ് അത് തുടങ്ങിയത്. പിന്നീട് അതേ സ്ഥാപകർ തന്നെ വിവിധ മേഖലകളിൽ വിദ്യാഭ്യാസ കേന്ദ്രങ്ങൾ തുടങ്ങുകയുണ്ടായി. ഇന്ന് സേലത്ത് 2മെഡിക്കൽ കോളേജ്, 20+എഞ്ചിനീയറിങ്ങ് കോളേജുകൾ 8 നഴ്സിങ് കോളേജുകൾ, ഹോമിയോ മെഡിക്കൽ കോളേജ്, മലേഷ്യൻ വിദ്യാർത്ഥികൾക്കായി ഒരു ഡെൻറൽ കോളേജ്, നിരവധി പോളി ടെക്നിക്കുകൾ, അദ്ധ്യാപക പരിശീലന കേന്ദ്രങ്ങൾ എന്നിവ പ്രവർത്തിക്കുന്നു.
സ്കൂളുകളുടെ എണ്ണം ധാരാളം വർദ്ധിച്ചിരിക്കുന്നു. പേരു കേട്ട മോണ്ട്ഫോർട്ട് റസിഡൻഷ്യൽ സ്കൂൾ ഇവിടത്തെ ഏർക്കാട് മലകളിലാണ്. ഇത് ബ്രിട്ടീഷുകാർ അവരുടെ കുട്ടികൾക്ക് പഠിക്കാനായി സ്ഥാപിച്ചതാണ്. മറ്റൊരു റസിഡൻഷ്യൽ സ്കൂൾ ആയ സേക്രഡ് ഹാർട്ട് വിദ്യാർത്ഥിനികൾക്ക് മാത്രമായാണ് പ്രവർത്തിക്കുന്നത്. സേലത്തെ ഗവ. ആർട്സ് കലാലയം രാജ്യത്തെ തന്നെ ഏറ്റവും പഴക്കമുള്ള കോളേജുകളിൽ ഒന്നാണ്. പെരിയാർ സർവ്വകലാശാല സേലം ജില്ലയിലാണ് പ്രവർത്തിക്കുന്നത്. സർക്കാർ മേഖലയിൽ വൈദ്യശാസ്ത്ര കലാലയവും എഞ്ചിനീയറിങ്ങ് കലാലയവും സേലത്തുണ്ട്. സ്വകാര്യമേഖലയിൽ നിരവധി എഞ്ചിനീയറിങ്ങ്, നഴ്സിങ്ങ് കലാലയങ്ങളും സേലത്തിനുള്ളിലും പരിസരപ്രദേശങ്ങളിലുമായി പ്രവർത്തിക്കുന്നുണ്ട്. വിവിധമേഖലകളിൽ ഗവേഷണങ്ങൾ നടത്തുന്ന ഗവേഷണകേന്ദ്രങ്ങളും ഇന്ന് സേലത്ത് നിലവിലുണ്ട്.
ഗവൺമെൻറ് കോളേജ് ഓഫ് എൻജിനീയറിംഗ് സോന എഞ്ചിനീയറിങ്ങ് കോളേജ് വിനായക മിഷൻ ക്രിപാനന്ദവാര്യർ എഞ്ചിനീയറിങ്ങ് കോളേജ് കെ.എസ്.ആർ. എഞ്ചിനീയറിങ്ങ് കോളേജ്
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.