![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/81/St.james_b.jpg/640px-St.james_b.jpg&w=640&q=50)
സെയിന്റ് ജെയിംസ് പള്ളി, ഡെൽഹി
ഡൽഹിയിൽ സ്ഥിതി ചെയ്യുന്ന ക്രിസ്ത്യൻ പള്ളി / From Wikipedia, the free encyclopedia
28.665637°N 77.230784°E / 28.665637; 77.230784
![Thumb image](http://upload.wikimedia.org/wikipedia/commons/thumb/8/81/St.james_b.jpg/640px-St.james_b.jpg)
ഡെൽഹിയിലെ പുരാതനമായ[൧] ക്രിസ്ത്യൻ പള്ളിയാണ് കശ്മീരി ഗേറ്റിനടുത്ത് സ്ഥിതിചെയ്യുന്ന സെയിന്റ് ജെയിംസ് പള്ളി. 1836-ൽ ബ്രിട്ടീഷ് സൈനികനായിരുന്ന ജെയിംസ് സ്കിന്നർ ആണ് ഇത് നിർമ്മിച്ചത്.[1][2] അതുകൊണ്ട് സ്കിന്നേഴ്സ് ചർച്ച് എന്ന പേരിലും അറിയപ്പെടുന്നു.
ഡെൽഹിയിലെ ബ്രിട്ടീഷ് ആധിപത്യത്തിന്റെ തുടക്കത്തിൽ, പഴയ നഗരമായ ഷാജഹാനാബാദിനകത്ത് (പുരാന ദില്ലി) ചെങ്കോട്ടക്ക് വടക്കുഭാഗത്തായി ഡെൽഹിയിലെ ബ്രിട്ടീഷ് റെസിഡന്റിന്റെ കാര്യാലയത്തിന് തൊട്ടടുത്തായാണ് ഈ പള്ളി പണിതത്.[2] 1826-ൽ പണിയാരംഭിച്ച് 1836-ൽ പൂർത്തിയായ ഈ പള്ളിയുടെ പണിക്ക് 95,000 രൂപ ചെലവായി. മേജർ റോബർട്ട് സ്മിത്താണ് ഇതിന്റെ രൂപകൽപ്പന നിർവഹിച്ചത്.