സമ്മതപ്രായം
From Wikipedia, the free encyclopedia
പരസ്പരസമ്മതത്തോടെ ലൈംഗികബന്ധത്തിലേർപ്പെടാൻ നിയമം അനുവദിക്കുന്ന കുറഞ്ഞ പ്രായത്തെ സൂചിപ്പിക്കാൻ സമ്മതപ്രായം അഥവാ ഏജ് ഓഫ് കൺസെന്റ് എന്ന സാങ്കേതിക പദം ഉപയോഗിക്കുന്നു. ഈ പ്രായത്തിൽ കുറവുള്ളവരുമായി പരസ്പരസമ്മതത്തോടെയാണെങ്കിൽ പോലും ബന്ധപ്പെടുകയാണെങ്കിൽ അത് നിയമവിരുദ്ധമായ ബലാത്സംഗമായി കണക്കാക്കുകയും പ്രായപൂർത്തിയായ ആളെ കുറ്റവാളിയായും പ്രായമെത്താത്ത കുട്ടിയെ ഇരയായും കാണുകയും ചെയ്യും[1]. വിവാഹം എന്നത് ലൈംഗികവേഴ്ചകൾക്ക് നിർബന്ധമല്ലാത്ത സമൂഹങ്ങളിലോ നിയമങ്ങളിലോ കുട്ടികളെ മുതിർന്നവർ ചൂഷണം ചെയ്യുന്നതൊഴിവാക്കാൻ ഈ പ്രായനിബന്ധന സഹായിക്കുന്നു. വിവാഹത്തിനുള്ള സമ്മതപ്രായമായും ഈ പദം ഉപയോഗിക്കപ്പെടാറുണ്ട്[2]. പല പ്രദേശങ്ങളിലും സമ്മതപ്രായം 14 മുതൽ 18 വരെയുള്ള പരിധിയിലായി കാണപ്പെടുന്നു[1]. ചിലയിടങ്ങളിൽ വയസ്സ് പരിഗണിക്കാതെ പ്രായപൂർത്തി എന്നതിനെ അവലംബിക്കുന്നതായി കാണുന്നു. തെറ്റിന്റെ ഗൗരവവും പലയിടങ്ങളിലും വ്യത്യസ്തമാണ്.