From Wikipedia, the free encyclopedia
പെട്ടന്ന് നടുക്കമുളവാക്കുന്ന ഒരു ചിന്ത ഫിലിപ്പ് റൗണ്ടിന്റെ മനസിലൂടെ കടന്നു പോയി. അപൂർവങ്ങളിൽ അപൂർവ്വമെന്നു കരുതുന്ന 'ലാർജ് ബിൽഡ് റീഡ് വാർബ്ലർ' ആണോ തന്റെ കൈയിൽ പെട്ടിരിക്കുന്നത്? 1867-ൽ ഇന്ത്യയിൽ കണ്ട ശേഷം ഈ പക്ഷിയെ തിരിച്ചറിയുന്ന ആദ്യവ്യക്തിയാണോ താൻ. സംശയം ദൂരീകരിക്കാനായി ആ നീർപക്ഷിയുടെ രണ്ട് തൂവലുകൾ അദ്ദേഹം അടർത്തിയെടുത്ത്, ഡി.എൻ.എ.പരിശോധനയ്ക്ക് സ്വീഡനിൽ ലുൻഡ് സർവകലാശാലയിലെ സ്റ്റഫാൻ ബെൻസ്ചിന് അയച്ചുകൊടുത്തു.
ഇന്ത്യയിൽ പണ്ട് കണ്ടെത്തിയ സ്പെസിമെന്റെ ഡി.എൻ.എ. പരിശോധിച്ചിട്ടുള്ള ബെൻസ്ച് സ്ഥിരീകരിച്ചു; തായ്ലൻഡിൽ കണ്ടതും ആ വയൽക്കുരുവി തന്നെ, സംശയം വേണ്ട! വിചിത്രമെന്നേ പറയേണ്ടൂ, ഫിലിപ്പ് റൗണ്ടിന്റെ കണ്ടെത്തലിന് ആറുമാസത്തിന് ശേഷം ഇംഗ്ലണ്ടിൽ നാച്ചുറൽ ഹിസ്റ്ററി മ്യൂസിയത്തിലെ ഒരു ഡ്രോയറിൽ നിന്ന് എന്നോ മറന്നിട്ട സ്റ്റഫ് ചെയ്ത പക്ഷിയെ കണ്ടെത്തി. അതും 'ലാർജ് ബിൽഡ് റീഡ് വാർബ്ലർ' ആയിരുന്നു!
ഈ നിഗൂഢവയൽക്കുരുവിയക്കുറിച്ച് കൂടുതൽ പഠിക്കാൻ ഈ കണ്ടെത്തൽ അവസരമൊരുക്കിയെന്ന്, ബ്രിട്ടനിലെ 'ബേഡ് ലൈഫ് ഇന്റർനാഷണൽ' എന്ന സംഘടന അറിയിക്കുന്നു. പഠനറിപ്പോർട്ട് പുതിയ ലക്കം 'ജേർണൽ ഓഫ് ഏവിയൻ ബയോളജിയിൽ പ്രസിദ്ധീകരിച്ചിട്ടുണ്ട്. "ഇന്ത്യയിൽ മാത്രമുള്ളതെന്നു കരുതിയിരുന്ന, അതും നാമാവശേഷമായെന്നു കരുതിയിരുന്ന, ഈ നീർപക്ഷിയെ തായ്ലൻഡിൽ നിന്നു കണ്ടെത്തിയത് വിചിത്രമാണ്"-ബേഡ് ലൈഫ് ഇന്റർനാഷണലിലെ സ്റ്റുവർട്ട് ബുറ്റ്ചാർട്ട് പ്രസ്താവനയിൽ പറയുന്നു.
തായ്ലൻഡിൽ നിന്നുള്ള കണ്ടെത്തൽ, ഈ വയൽക്കുരുവിയെ ഇന്ത്യയിൽ വീണ്ടും കണ്ടെത്താനുള്ള സാധ്യത വർധിപ്പിച്ചിരിക്കുകയാണെന്ന് ബോംബൈ നാച്ചുറൽ ഹിസ്റ്ററി സൊസൈറ്റി (BNHS) ഡയറക്ടർ ആസാദ് റഹ്മാനി പറയുന്നു. 139 വർഷത്തിന് ശേഷം ഒരു പക്ഷിനിരീക്ഷകന്റെ മുന്നിൽ തന്നെ ഈ വയൽക്കുരുവി വീണ്ടും പ്രത്യക്ഷപ്പെട്ടുവെന്നത് അതിശയകരമാണെന്ന്, സ്റ്റുവർട്ട് ബുറ്റ്ചാർട്ട് അഭിപ്രായപ്പെട്ടു. ശരിക്കുപറഞ്ഞാൽ ഈ പക്ഷിയെക്കുറിച്ച് ഗവേഷകർക്ക് ഒന്നും വ്യക്തമായി അറിയില്ല എന്നതാണ് വാസ്തവം. പക്ഷേ, ഈ വയൽക്കുരുവിയെ ബംഗ്ലാദേശ്, മ്യാൻമർ തുടങ്ങിയ രാജ്യങ്ങളിലും കണ്ടെത്താൻ സാധ്യത തെളിഞ്ഞിരിക്കുകയാണെന്ന് അദ്ദേഹം പറയുന്നു.
വലിയ കൊക്കുള്ള എന്നതിന് മലയാളം എന്തായിരിക്കും?--Vssun 08:00, 16 ഏപ്രിൽ 2007 (UTC)
ഈ ലിങ്കിൽ കാണുന്ന ഫോട്ടോ ലേഖനത്തിൽ ചേർക്കാൻ വല്ല വകുപ്പുമുണ്ടോ. ഈ പക്ഷി വളരെ അപൂർവ്വവും അന്യം നിന്നു പോയി എന്നു കരുതുയിരുന്നതുമാണ്. അതിനിടയ്ക്ക് ഫോട്ടോ എടുക്കുന്നവർ ഇങ്ങനെ കോപ്പിറൈറ്റും വച്ചോണ്ടൊരുന്നാൽ എന്തു ചെയ്യും.--Shiju Alex 08:34, 16 ഏപ്രിൽ 2007 (UTC)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.