ഷെയ്ലീൻ വുഡ്ലി
അമേരിക്കൻ ചലചിത്ര നടി / From Wikipedia, the free encyclopedia
ഷെയ്ലീൻ ഡിയാൻ വുഡ്ലി (ജനനം: നവംബർ 15, 1991) ഒരു അമേരിക്കൻ അഭിനേത്രിയും ആക്റ്റിവിസ്റ്റുമാണ്. ദി ഡൈവേർജന്റ് ചലച്ചിത്രപരമ്പരയിലെ റ്റിസ് പ്രിയർ[1], ദി സീക്രട്ട് ലൈഫ് ഓഫ് ദി അമേരിക്കൻ ടീനേജർ എന്ന ചിത്രത്തിലെ ആമി എന്നീ വേഷങ്ങളിലൂടെ ജനശ്രദ്ധ നേടി. കാലിഫോർണിയയിലെ സാൻ ബർണാർഡോനോ കൗണ്ടിയിൽ ജനിച്ച വുഡ്ലി സിമി വാലിയിൽ ആണ് വളർന്നത്. ആന്റണി മെയിൻഡൽനോടൊപ്പം അഭിനയ ക്ലാസ്സുകളിൽ പങ്കെടുത്ത അവർ റീപ്ലേസിങ് ഡാഡ് (1999) എന്ന ടെലിവിഷൻ സിനിമയിലൂടെ അരങ്ങേറ്റം നടത്തി. തുടർന്ന് ടെലിവിഷനിൽ ധാരാളം അതിഥി വേഷങ്ങൾ അവതരിപ്പിച്ചു. എ പ്ലേസ് കോൾഡ് ഹോം (2004), ഫെലിസിറ്റി: ആൻ അമേരിക്കൻ ഗേൾ അഡ്വെഞ്ചർ എന്നീ വേഷങ്ങൾ ശ്രദ്ധേയമായി.
ഷെയ്ലീൻ വുഡ്ലി | |
---|---|
ജനനം | ഷെയ്ലീൻ ഡിയാൻ വുഡ്ലി (1991-11-15) നവംബർ 15, 1991 (32 വയസ്സ്) San Bernardino, California, U.S. |
തൊഴിൽ |
|
സജീവ കാലം | 1999–present |
എച്ച്ബിഒ അവതരിപ്പിച്ച ബിഗ് ലിറ്റിൽ ലൈസ് എന്ന പരമ്പരയിൽ ജെയ്ൻ ചാപ്മാൻ എന്ന വേഷം അഭിനയിച്ചത്. അതിൽ പ്രീമിയം ടൈം അവാർഡിനായി പ്രീമിയം ടൈം അവാർഡിന് നാമനിർദ്ദേശം ചെയ്യപ്പെട്ടു. ദ ഡെസെൻഡന്റ്സ് (2011), ദ സ്പെക്ടാക്കുലർ നൗ (2013) മുതലായ ചിത്രങ്ങളിൽ വൂഡ്ലിയുടെ പ്രകടനം ശ്രദ്ധേയമാണ്. ദ ഡെസെൻഡന്റ്സലെ അഭിനയത്തിന് മികച്ച സഹനടിക്കുള്ള ഗോൾഡൻ ഗ്ലോബ് അവാർഡ് നാമനിർദ്ദേശം ലഭിക്കുകയും[2] മികച്ച സഹനടിക്കുള്ള ഇൻഡിപെൻഡന്റ് സ്പിരിറ്റ് അവാർഡ്[1], കാൻ ട്രോഫീ ഷൊപ്പാർഡ് എന്നിവ വിജയിക്കുകയും ചെയ്തു. ദ സ്പെക്ടാക്കുലർ നൗവിലെ അഭിനയത്തിന് സൺഡാൻസ് ഫിലിം ഫെസ്റ്റിവൽ സ്പെഷ്യൽ ജൂറി പുരസ്കാരം നേടി.
2014-ൽ, വെറോണിക്ക റോത്തിന്റെ പ്രശസ്ത മായ ഡൈവേർജന്റ് നോവൽ പരമ്പരയുടെ അതേ പേര് തന്നെയുള്ള ചലച്ചിത്ര ആവിഷ്കരണത്തിൽ വുഡ്ലി ബിയാട്രിസ് “ട്രിസ്” പ്രിയർ എന്ന കഥാപാത്രത്തെ അവതരിപ്പിച്ചു. പിന്നീട് 2014 ൽ, വുഡ്ലി ദ ഫോൾട്ട് ഇൻ അവർ സ്റ്റാർസ് എന്ന ചിത്രത്തിൽ ഹേസൽ ഗ്രെയ്സ് ലാൻകസ്റ്റർ എന്ന വേഷം അവതരിപ്പിച്ചു[3]. ജോൺ ഗ്രീനിന്റെ അതേ പേര് തന്നെയുള്ള നോവലിന്റെ ചലച്ചിത്രാവിഷ്കാരമായിരുന്നു ഇത്. ഒരു ക്യാൻസർ സപ്പോർട്ട് ഗ്രൂപ്പിൽ നിന്ന് പരിചയപ്പെട്ട സമപ്രായക്കാരനുമായി പ്രണയത്തിലാവുന്ന പതിനാറ് വയസ്സുകാരിയായ ഒരു ക്യാൻസർ രോഗിയുടെ വേഷമായിരുന്നു ഈ ചിത്രത്തിൽ വുഡ്ലി അവതരിപ്പിച്ചത്.