![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Shani.jpg/640px-Shani.jpg&w=640&q=50)
ശനിശിംഗനാപൂർ ശനീശ്വരക്ഷേത്രം
From Wikipedia, the free encyclopedia
ഇന്ത്യയിൽ മഹാരാഷ്ട്രയിലെ ശനിശിംഗനാപൂർ എന്ന ഗ്രാമത്തിലെ അതിപ്രസിദ്ധമായ ക്ഷേത്രമാണ് ശനീശ്വരക്ഷേത്രം. ശനിദോഷങ്ങളെ അകറ്റാനുള്ള പൂജകൾക്ക് ഇന്ത്യയിൽ പ്രസിദ്ധമാണ് ഈ ക്ഷേത്രം. 5 അടിയോളം ഉയരമുള്ള ഒരു കറുത്ത കല്ലാണ് ശനീശ്വര പ്രതിഷ്ഠ[1]. ഇതിന് മേൽക്കൂരയോ ചുറ്റുമതിലുകളോ ഇല്ല. ഭക്തർ കൊണ്ടു വരുന്ന എണ്ണ ഈ കല്ലിൽ അഭിഷേകം നടത്തുന്നതാണ് ക്ഷേത്രത്തിലെ പ്രധാന വഴിപാട്. ഈ ശനീശ്വര പ്രതിഷ്ഠയുടെ സമീപം ഒരു ശൂലവും തൊട്ടപ്പുറത്ത് ഒരു നന്ദിയുടെ വിഗ്രഹവും സ്ഥാപിച്ചിട്ടുണ്ട്. ക്ഷേത്രത്തിനു മുൻവശത്തായി ശിവന്റെയും ഹനുമാന്റെയും രൂപങ്ങളും സ്ഥിതി ചെയ്യുന്നു. ശനിയാഴ്ചകളിലെ അമാവാസി നാളുകളിലാണ് ഇവിടെ ഏറ്റവും തിരക്ക് അനുഭവപ്പെടുക.
![Thumb image](http://upload.wikimedia.org/wikipedia/commons/thumb/4/4a/Shani.jpg/320px-Shani.jpg)