![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f0/Venus_Consoling_Love%252C_Fran%25C3%25A7ois_Boucher%252C_1751.jpg/640px-Venus_Consoling_Love%252C_Fran%25C3%25A7ois_Boucher%252C_1751.jpg&w=640&q=50)
വീനസ് കൺസോലിങ് ലൗവ്
ബൗച്ചർ വരച്ച ഛായാചിത്രം / From Wikipedia, the free encyclopedia
1751-ൽ ഫ്രാൻകോയിസ് ബൗച്ചർ വരച്ച ഒരു ചായാചിത്രമാണ് വീനസ് കൺസോലിങ് ലൗവ്.[1][2][3][4] ഈ ചായാചിത്രത്തിൽ ചിത്രീകരിച്ചിരിക്കുന്നത് കാല്പനികമായ ദൃശ്യങ്ങളാണ്. റോമൻ സൗന്ദര്യ ദേവതയായ വീനസിനെ ഈ ചിത്രത്തിൽ ചരിഞ്ഞിരിക്കുന്ന രീതിയിൽ സുന്ദരിയായ ഒരു യുവതിയായി ചിത്രീകരിച്ചിരിക്കുന്നു. ഫ്രാൻകോയിസ് ബൗച്ചറിന്റെ സൗന്ദര്യ സങ്കല്പത്തിലെ ഒരു കഥാപാത്രമായിട്ടാണ് വീനസിനെ ഈ ചായാചിത്രത്തിൽ ചിത്രീകരിച്ചിരിക്കുന്നത്. ആഗ്രഹങ്ങളുടെ ദേവനായ കുപിഡ് ജനങ്ങളുടെ നേർക്ക് പ്രേമത്തിലകപ്പെടാൻ വേണ്ടി അയയ്ക്കുന്ന അസ്ത്രങ്ങളുടെ ശക്തിയെ വീനസ് ദേവത ഇല്ലാതാക്കുന്നു.
"ജ്ഞാനോദയ ഫ്രാൻസിൽ, സത്യത്തെ നിർവചിക്കാനുള്ള സമർപ്പിത തിരയലിൽ സ്വാഭാവികതയെ വീണ്ടും വിലയിരുത്താൻ കാരണമായി. പ്രകൃതിയെ പിന്തുടരുന്നത് ശരിയാണെന്നും ആനന്ദം തേടുന്നത് സ്വാഭാവികമാണെന്നും ഉള്ള വിശ്വാസം നഗ്നതയെക്കുറിച്ചുള്ള നിലവിലുള്ള സങ്കൽപ്പത്തെ സ്വാധീനിച്ചു.[5]
Venus Consoling Love | |
---|---|
![]() | |
കലാകാരൻ | François Boucher |
വർഷം | 1751 |
Medium | Oil on canvas |
അളവുകൾ | 107 cm × 84.8 cm (42 in × 33.4 in) |
സ്ഥാനം | National Gallery of Art, Washington, D.C. |
ദേവതയുടെ പ്രതീകമായി വീനസ് പ്രാവുകളോടൊപ്പം കുളത്തിനരികിൽ ഇരിക്കുന്നു. വെള്ളപ്രാവുകൾ അവരുടെ കാൽചുവട്ടിലുണ്ട്. ഭംഗിയുള്ള മുഖം, തലമുടിയിൽ മുത്തുകൾ പിടിപ്പിച്ചിരിക്കുന്നു. ശരീരത്തിനുചുറ്റുമായി ആഡംബരത്വമുള്ള സിൽക്ക് തുണി ചുറ്റിയിരുന്നത് ഇപ്പോൾ നിലത്തു കിടക്കുന്നു. ഉയർന്ന സാങ്കേതിക കഴിവ് ഉപയോഗിച്ചാണ് ഈ ചായാചിത്രം നിർമ്മിച്ചിരിക്കുന്നത്. റോക്കോകോ കലയുടെ പ്രധാന ആകർഷണം അതിന്റെ വിഷയാസക്തിയും വശീകരണവുമാണ്..[6]