![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Mudbath5.jpg/640px-Mudbath5.jpg&w=640&q=50)
വന്യജീവി ടൂറിസം
From Wikipedia, the free encyclopedia
പ്രാദേശിക മൃഗങ്ങൾ സസ്യജാലങ്ങൾ അവയുടെ സ്വാഭാവിക ആവാസ വ്യവസ്ഥ എന്നിവയുടെ നിരീക്ഷണത്തിൽ കേന്ദ്രീകരിക്കുന്ന വിനോദസഞ്ചാരമാണ് വന്യജീവി ടൂറിസം അഥവാ വൈൽഡ്ലൈഫ് ടൂറിസം. പല രാജ്യങ്ങളുടെയും ടൂറിസം വ്യവസായത്തിന്റെ ഒരു പ്രധാന ഘടകമാണ് വൈൽഡ്ലൈഫ് ടൂറിസം. ഇക്കോ - മൃഗ സൌഹൃദ ടൂറിസത്തോടൊപ്പം, സഫാരി ഹണ്ടിങ്ങും സമാനമായ ഉയർന്ന ഇടപെടൽ പ്രവർത്തനങ്ങളും വന്യജീവി ടൂറിസത്തിന്റെ കീഴിൽ വരുന്നു. നിരവധി ആഫ്രിക്കൻ, തെക്കേ അമേരിക്കൻ രാജ്യങ്ങൾ, ഓസ്ട്രേലിയ, ഇന്ത്യ, കാനഡ, ഇന്തോനേഷ്യ, ബംഗ്ലാദേശ്, മലേഷ്യ, ശ്രീലങ്ക, മാലിദ്വീപ് തുടങ്ങി നിരവധി രാജ്യങ്ങളിലെ ടൂറിസം വ്യവസായങ്ങളുടെ ഒരു പ്രധാന ഭാഗമാണ് വന്യജീവി ടൂറിസം.
![Thumb image](http://upload.wikimedia.org/wikipedia/commons/thumb/3/31/Mudbath5.jpg/640px-Mudbath5.jpg)
![Thumb image](http://upload.wikimedia.org/wikipedia/commons/thumb/1/18/Rhinos_leofleck.jpg/320px-Rhinos_leofleck.jpg)
ഐക്യരാഷ്ട്രസഭ വേൾഡ് ടൂറിസം ഓർഗനൈസേഷന്റെ കണക്കനുസരിച്ച്, 3% വാർഷിക വളർച്ചയോടെ, ലോക ടൂറിസം വ്യവസായത്തിന്റെ 7% വന്യജീവി ടൂറിസവുമായി ബന്ധപ്പെട്ടതാണ്.[1] യുനെസ്കോയുടെ ലോക പൈതൃക സൈറ്റുകൾ പോലുള്ള സ്ഥലങ്ങളിൽ ഈ വളർച്ച അതിലും വളരെ ഉയർന്നതാണെന്ന് അവർ കണക്കാക്കുന്നു.[1] വന്യജീവി ടൂറിസം ഇപ്പോൾ ലോകമെമ്പാടുമായി 22 ദശലക്ഷം ആളുകൾക്ക് പ്രത്യക്ഷമായോ പരോക്ഷമായോ ജോലി നൽകുകയും, ആഗോള ജിഡിപിയിലേക്ക് 120 ബില്യൺ ഡോളറിലധികം സംഭാവന നൽകുകയും ചെയ്യുന്നു.[2] ഒരു മൾട്ടിമില്യൺ ഡോളർ അന്തർദ്ദേശീയ വ്യവസായമെന്ന നിലയിൽ, വന്യജീവിസഞ്ചാര ടൂറിസം പാക്കേജുകളും സഫാരികളും വാഗ്ദാനം ചെയ്യുന്നതിലൂടെ വന്യജീവി ടൂറിസം സവിശേഷമാണ്.