രാജ്യഹാൾ
From Wikipedia, the free encyclopedia
യഹോവയുടെ സാക്ഷികൾ അവരുടെ ആരാധനക്കായി കൂടിവരുന്ന മന്ദിരമാണ് രാജ്യഹാൾ (Kingdom Hall). 1935-ൽ യഹോവയുടെ സാക്ഷികളുടെ പ്രസിഡന്റായിരുന്ന ജോസഫ് ഫ്രാങ്ക്ലിൻ റൂതർഫോർഡാണ് ഹാവായിലെ സാക്ഷികളുടെ ഒരു കെട്ടിടത്തെ കുറിക്കാൻ ഈ നാമം ഉപയോഗിച്ച് വിളിച്ചത്.[1] ദൈവരാജ്യത്തെ കുറിച്ചുള്ള സുവാർത്ത പഠിപ്പിക്കുന്ന സ്ഥലം എന്ന നിലയ്ക്കാണ് ഈ നാമം അദ്ദേഹം ഉപയോഗിച്ചത്. യഹോവയുടെ സാക്ഷികൾ ലോകവ്യാപകമായി അവരുടെ ആരാധന നടത്താനും, ബൈബിൾ പഠിക്കാനും രാജ്യഹാളുകളിൽ കൂടിവരുന്നു.[2]
സാക്ഷികൾ പള്ളി എന്ന നാമത്തിനു പകരം രാജ്യഹാൾ എന്നതിനു മുന്തൂക്കം നൽകുന്നു, ബൈബിളിൽ "പള്ളി" എന്ന് സാധാരണ പരിഭാഷപെടുത്താറുള്ള പദം ഒരു കെട്ടിടഘടനെയല്ല മറിച്ച് "ഒരു കൂട്ടം വ്യക്തികളാലുള്ള ഒരു സഭ" എന്നു മാത്രമേ അർത്ഥമാക്കുന്നുള്ളു എന്നതാണ് അതിനു കാരണമായി അവർ ചൂണ്ടികാണിക്കുന്നത്.[3]