രണ്ടാം ഉമ്മൻ ചാണ്ടി മന്ത്രിസഭ
From Wikipedia, the free encyclopedia
ഉമ്മൻചാണ്ടിയുടെ നേതൃത്വത്തിലുള്ള കേരളത്തിലെ യു.ഡി.എഫ് മന്ത്രിസഭ[1] 2011 മെയ് 18 ന് സത്യപ്രതിജ്ഞ ചെയ്ത് അധികാരമേറ്റു. മെയ് 18 ന് മുഖ്യമന്ത്രിയെക്കൂടാതെ ആറ് ഘടകകക്ഷി നേതാക്കളാണ് മന്ത്രിമാരായി ചുമതലയേറ്റത്. ബാക്കിയുള്ള 13 അംഗങ്ങൾ 2011 മേയ് 23-നു് സത്യപ്രതിജ്ഞ ചെയ്ത് അധികാരമേറ്റെടുത്തു.
അഞ്ചുവർഷം തികച്ച് ഉമ്മൻ ചാണ്ടി 2016 മേയ് 20 ന് രാജി വച്ചു. 2016 മേയ് 16 ന് നടന്ന തിരഞ്ഞെടുപ്പിൽ ഐക്യ ജനാധിപത്യ മുന്നണിയ്ക്ക് 47 സീറ്റ് മാത്രമാണ് കിട്ടിയത്. ഇടതു ജനാധിപത്യ മുന്നണിയ്ക്ക് 91 സീറ്റുകൾ ലഭിച്ചു.