യഹോവയുടെ സാക്ഷികളുടെ ആരാധനാരീതി അവർക്ക് മേൽനോട്ടം നടത്തുന്ന ഭരണസംഘത്തിന്റെ ബൈബിൾ അടിസ്ഥാനമാക്കിയുള്ള ആശയങ്ങളെ കേന്ദ്രീകരിച്ചുള്ളവയാണ്. അവരുടെ ആരാധന നടത്തപെടുന്നത് രാജ്യഹാളുകളിലാണ്. ആരാധന നടത്ത്പെടുന്നത് ലോകവ്യപകമായി ഒരുപോലെയാണ്. വാർഷികമായി പല കൺവൻഷനിലുടെയും, അവരുടെ പ്രസിദ്ധീകരണങ്ങലിലൂടെയും അവരെ പഠിപ്പിക്കുന്നത് ആരാധനയുടെ ഭാഗമാണ്.[1][2]
ആരാധന
യഹോവയുടെ സാക്ഷികൾ ആരാധനക്കായി കൂടിവരുന്ന സ്ഥലങ്ങളെ രാജ്യഹാൾ എന്നാണ് വിളിക്കുന്നത്, രാജ്യഹാളിൽ പൊതുജനങ്ങളെയും അവർ സ്വാഗതം ചെയ്യുന്നു. ഒരോ രാജ്യഹാളുകളും അവർക്ക് വീതിച്ച് കൊടുത്തിട്ടുല്ല പ്രദേശത്തിൽ പ്രവർത്തിക്കുന്നു. ലോകവ്യാപകമായി യഹോവയുടെ സാക്ഷികൾക്ക് ഒരുലക്ഷത്തിൽ പരം രാജ്യഹാളുകൾ ഉണ്ട്. ആരാധനയുടെ ഭുരിഭാഗവും ബൈബിളും ബൈബിൾ അധിഷ്ഠിത പ്രസിദ്ധീകരണങ്ങളുടെയും പഠനത്തിനുള്ളതാണ്. പരമ്പരാഗത ആരാധനാസമ്പ്രദായങ്ങളോ, പ്രത്യേക സംസാരവിധമോ, ഉപവാസമോ ഒന്നും അവർ നടത്തുന്നില്ല.[3] സാക്ഷികൾ തങ്ങളുടെ സഹവിശ്വാസികളെ "സഹോദരൻ" അല്ലെങ്കിൽ "സഹോദരി" എന്ന് അഭിസംബോധന ചെയ്യുകയും, വിശ്വാസികളെ ഒരു കുടുംബത്തിന്റെ ഭാഗമായി കണക്കാക്കുകയും ചെയ്യുന്നു.യേശു ദൈവമല്ല എന്ന് അടിയുറച്ചു വിശ്വസിക്കുന്ന മതവിഭാഗമാണ്‌ യഹോവയുടെ സാക്ഷികൾ. മറ്റു ക്രൈസ്തവ സഭകളിൽ നിന്നും വ്യത്യസ്തമായി ഇവർ ത്രിയേകദൈവത്തിൽ വിശ്വസിക്കുന്നില്ല. യഹോവ മാത്രമാണ് ഏകദൈവം എന്ന് ഇവർ വിശ്വസിക്കുന്നു. യേശു ദൈവമല്ലാത്ത, ദൈവ പുത്രൻ മാത്രമാണെന്നും ഏക സത്യ ദൈവം യഹോവയാണെന്നും ഉള്ള ഇവരുടെ പഠിപ്പിക്കലിനോട് ആരിയൻ വിശ്വാസധാരയിലെ ബൈബിൾ പണ്ഡിതൻമാരും, അവരുടെ പുരാതന ബൈബിൾ കൈയ്യെഴുത്തു പ്രതികളും യോജിക്കുന്നു. [4] സാമുഹിക പ്രവർത്തകനായ അൻഡ്രു ഹോൾഡന്റെ വീക്ഷണത്തിൽ സാക്ഷികളൂടെ ആരാധനരീതി അവരുടെ ഐക്യത്തിന്റെയും, കെട്ടുറപ്പിന്റെയും, വിശ്വാസത്തിന്റെയും രഹസ്യമാണെന്നാണ്. പുതിയതായി സാക്ഷികളാകുന്നവർക്ക് ഇവരുടെ ആരാധനാരീതിയിൽ മതിപ്പുളവാക്കാനും അവ സഹായിക്കുന്നെന്ന് അദ്ദേഹം പറയുന്നു.[3] "ലോകത്തിന്റെ മോശമായ സ്വാധീനങ്ങൾക്ക്" വഴിപെട്ടുപോകാതിരിക്കാൻ ആരാധനക്കായി കൂടിവരേണ്ടത് വളരെ പ്രധാനമാണെന്ന് യഹോവയുടെ സാക്ഷികൾ കരുതുന്നു.[5][6]
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
