മെൽവിൻ ഡഗ്ലസ്
അമേരിക്കൻ ചലചിത്ര നടൻ / From Wikipedia, the free encyclopedia
അമേരിക്കൻ ചലച്ചിത്ര നടനാണ് മെൽവിൻ ഡഗ്ലസ്. 1901 ഏപ്രിൽ 5-ന് റഷ്യാക്കാരനായ ഒരു പിയാനിസ്റ്റിന്റെ മകനായി ജനിച്ചു. വിദ്യാഭ്യാസകാലത്തു തന്നെ അഭിനയ രംഗത്തേക്കു കടന്ന ഡഗ്ളസ് ഒന്നാം ലോകയുദ്ധകാലത്തെ സൈനിക സേവനത്തിനുശേഷം 1919-ൽ നടൻ എന്ന നിലയിൽ നാടകരംഗത്ത് അരങ്ങേറ്റം നടത്തി. തുടർന്ന് പല കമ്പനികളുടെയും നാടകങ്ങളിൽ അഭിനയിച്ച് ശ്രദ്ധേയനായി. 1928-ലാണ് ബ്രോഡ്വേ നാടകമായ എഫ്രീസോളിൽ അഭിനയിച്ച് പ്രേക്ഷകരുടെ പ്രത്യേകപ്രശംസ നേടിയത്. ടു നൈറ്റ് ഓർ നെവർ എന്ന നാടകത്തിന്റെ വൻവിജയത്തെത്തുടർന്ന് ഡഗ്ളസ് ഹോളിവുഡിലേക്ക് ക്ഷണിക്കപ്പെടുകയും ഇതേ നാടകത്തിന്റെ ചലച്ചിത്രാവിഷ്കരണത്തിൽ അഭിനയിക്കുകയും ചെയ്തു.
വസ്തുതകൾ മെൽവിൻ ഡഗ്ലസ്, ജനനം ...
അടയ്ക്കുക