മൃഗവൈദ്യം
From Wikipedia, the free encyclopedia
മൃഗങ്ങളുടെ ആരോഗ്യം കൈകാര്യം ചെയ്യുന്ന ഒരു വൈദ്യ ശാഖയാണ് മൃഗവൈദ്യം അഥവാ വെറ്ററിനറി മെഡിസിൻ. മൃഗങ്ങളിലെ രോഗങ്ങളും പരിക്കുകളും തടയുന്നതിനും രോഗനിർണയം നടത്തുന്നതിനും ചികിത്സിക്കുന്നതിനുമുള്ള പഠനവും പരിശീലനവും വെറ്ററിനറി മെഡിസിനിൽ ഉൾപ്പെടുന്നു. സൂനോട്ടിക് രോഗങ്ങൾ (മൃഗങ്ങളിൽ നിന്ന് മനുഷ്യരിലേക്ക് പകരുന്ന പകർച്ചവ്യാധികൾ) നിരീക്ഷിക്കുകയും നിയന്ത്രിക്കുകയും ചെയ്തുകൊണ്ട് വെറ്റിനറി സയൻസ് മനുഷ്യന്റെ ആരോഗ്യത്തെ സഹായിക്കാൻ ശ്രമിക്കുന്നു. വെറ്ററിനറി ശാസ്ത്രം എന്ന ശാസ്ത്രശാഖ വന്യമൃഗങ്ങൾ വളർത്തുമൃഗങ്ങൾ (List of domesticated animals) എന്നിവയുൾപ്പെടുന്ന എല്ലാ മനുഷ്യേതര മൃഗങ്ങളുടെയും രോഗങ്ങളെയും രോഗനിർണ്ണയത്തെയും മരുന്നും ശസ്ത്രക്രിയയും ഉപയോഗിച്ചുള്ള ചികിത്സയേയും രോഗപ്രധിരോധത്തെയും പൊതുജനാരോഗ്യത്തെയും കുറിച്ച് പഠിക്കുന്നു. മൃഗഡോക്ടർമാർ വളരെയധികം സാങ്കേതിക പരിജ്ഞാനമുള്ള പ്രഫഷണലുകളാണ്.