മിഥുബെൻ പെറ്റിറ്റ്
ഇന്ത്യൻ സ്വാതന്ത്ര്യ സമരത്തിൽ പങ്കെടുത്ത വനിത From Wikipedia, the free encyclopedia
ഇന്ത്യൻ സ്വാതന്ത്ര്യ സമരത്തിൽ പങ്കെടുത്ത വനിത From Wikipedia, the free encyclopedia
മിഥുബെൻ ഹോർമുസ്ജി പെറ്റിറ്റ് (11 ഏപ്രിൽ 1892 – 16 ജൂലായ് 1973) ഒരു ഇന്ത്യൻ സ്വാതന്ത്ര്യ സമര സേനാനിയും,[1][2] മഹാത്മാഗാന്ധിയുടെ ഉപ്പുസത്യാഗ്രഹത്തിൽ പങ്കെടുത്ത വനിതയുമായിരുന്നു.[3][4]
1892 ഏപ്രിൽ 11 ന് ബോംബേ (ഇപ്പോൾ മുംബൈയിൽ) വളരെ സമ്പന്നമായ പാഴ്സി കുടുംബത്തിൽ ജനിച്ചു. അച്ഛൻ സർ ഡിൻഷാ മാനേക്ജി പെറ്റിറ്റ്, പ്രശസ്ത വ്യവസായിയും ബറോണെയും ആയിരുന്നു.[5][6]
ഗാന്ധിജിയുടെ അനുയായിയും രാഷ്ട്രീയ സ്ത്രീ സഭ സെക്രട്ടറിയും ആയിരുന്ന അമ്മയുടെ അമ്മായി പെറ്റിറ്റിനെ വളരെയധികം സ്വാധീനിച്ചു.[7] കസ്തൂർബാ ഗാന്ധി, സരോജിനി നായിഡു എന്നിവർക്കൊപ്പം പെറ്റിറ്റും 1930 മാർച്ച് 12 ന് സബർമതി ആശ്രമത്തിൽ നിന്നും ആരംഭിച്ച ഉപ്പുസത്യാഗ്രഹത്തിൽ ഒരു പ്രധാന പങ്കുവഹിച്ചു.[8] ഇന്ത്യൻ സ്വാതന്ത്ര്യ സമരത്തിലെ ഏറ്റവും പ്രധാനപ്പെട്ട സംഭവമായിരുന്നു ഇത്.[1]
1928 ലെ ബർദൊളി സത്യാഗ്രഹത്തിൽ പെറ്റിറ്റ് പങ്കെടുത്തത് ബ്രിട്ടീഷ് രാജിനെതിരായ ഒരു നിതാന്ത നികുതി പ്രചരണമായിരുന്നു. അവിടെ സർദാർ പട്ടേലിന്റെ നേതൃത്വത്തിലാണ് പ്രവർത്തിച്ചിരുന്നത്.[9] പെറ്റിറ്റ് ഇന്ത്യയിലെ മദ്യ വിരുദ്ധ പ്രസ്ഥാനത്തിൽ പ്രധാന പങ്കു വഹിച്ചു. മഹാത്മാഗാന്ധിയുടെ കൂടെ സമയം ചെലവഴിക്കുകയും, ഗുജറാത്തിലെ പട്ടികവർഗ വിഭാഗക്കാർക്ക് മദ്യത്തിന്റെ പ്രശ്നം വിശദീകരിക്കുകയും ചെയ്തു.[10]
മാരൊലിയിൽ കസ്തൂർബ വാനത്ത് ശാല എന്നു പേരുള്ള ഒരു ആശ്രമം സ്ഥാപിച്ചത് പെറ്റിറ്റ് ആയിരുന്നു.[11] മാനസിക രോഗികളുടെ ചികിത്സയ്ക്കായി അതേ പേരിൽ തന്നെ ഒരു ആശുപത്രി ആരംഭിച്ചു.[12]
1961 ൽ തന്റെ സാമൂഹ്യപ്രവർത്തനത്തിനായി പെറ്റിറ്റിന് പത്മശ്രീ ലഭിച്ചു.[13][14]
1973 ജൂലായ് 16 നാണ് പെറ്റിറ്റ് അന്തരിച്ചത്.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
