![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c6/Fra_bartolomeo_02_Vision_of_St_Bernard_with_Sts_Benedict_and_John_the_Evangelist.jpg/640px-Fra_bartolomeo_02_Vision_of_St_Bernard_with_Sts_Benedict_and_John_the_Evangelist.jpg&w=640&q=50)
മരിയൻ പ്രത്യക്ഷീകരണങ്ങൾ
From Wikipedia, the free encyclopedia
യേശുവിന്റെ അമ്മയായ മറിയത്തിന്റെ സ്വർഗ്ഗാരോപണത്തിന് ശേഷം ചില കാലഘട്ടത്തിൽ സംഭവിച്ചിട്ടുള്ള അമാനുഷികമായി കരുതാവുന്ന പ്രത്യക്ഷപ്പെടലുകളെയാണ് മരിയൻ പ്രത്യക്ഷീകരണം എന്ന് പറയുന്നത്.
![](http://upload.wikimedia.org/wikipedia/commons/thumb/c/c6/Fra_bartolomeo_02_Vision_of_St_Bernard_with_Sts_Benedict_and_John_the_Evangelist.jpg/640px-Fra_bartolomeo_02_Vision_of_St_Bernard_with_Sts_Benedict_and_John_the_Evangelist.jpg)
കത്തോലിക്കാ സഭയിൽ, റിപ്പോർട്ട് ചെയ്യപ്പെടുന്ന മരിയൻ പ്രത്യക്ഷീകരണങ്ങളെ അവയുടെ സ്വഭാവം അനുസരിച്ച് സഭ വർഗ്ഗീകരിക്കുന്നു. മറിയത്തെ കാണുന്നു എന്ന് അവകാശപ്പെടുന്ന വ്യക്തിയോ വ്യക്തികളോ അവരുടെ നഗ്നനേത്രങ്ങൾകൊണ്ട് വ്യക്തമായി കാണുന്നുവെന്ന് അവകാശപ്പെടണം. [1] എന്നാൽ ഒരു വ്യക്തി മറിയത്തിൻ്റെ ശബ്ദം മാത്രമേ കേൾക്കുന്നുള്ളൂ എന്ന് പറയുകയും എന്നാൽ കാണുന്നില്ലെന്നുമുള്ള അവകാശവാദം ഉന്നയിക്കുകയാണെങ്കിൽ, അതിനെ ഒരു പ്രത്യക്ഷീകരണമായി കാണാൻ സാധിക്കില്ല, ഇത് ഇന്റീരിയർ ലൊക്ക്യൂഷൻ എന്നാണ് അറിയപ്പെടുന്നത്. സ്വപ്നങ്ങൾ, ഭാവനയിൽ അനുഭവിച്ചറിഞ്ഞ ദർശനങ്ങൾ, കരയുന്ന പ്രതിമകൾ അല്ലെങ്കിൽ രൂപങ്ങളുമായി ബന്ധപ്പെട്ട അത്ഭുതങ്ങൾ എന്നിവയും പ്രത്യക്ഷീകരണ വിഭാഗത്തിൽ നിന്ന് ഒഴിവാക്കപ്പെട്ടിരിക്കുന്നു.
സംഭവസ്ഥലത്ത് സന്നിഹിതരായ ആളുകളിൽ ചിലർക്ക് മാത്രമേ പ്രത്യക്ഷീകരണം കാണാനാകൂ.
ഓരോ പ്രത്യക്ഷീകരണത്തിലും മറിയം സഭയോടും ജനങ്ങളോടും പറയാൻ ആഗ്രഹിക്കുന്ന സന്ദേശങ്ങളും വെളിപാടുകളും വെളിപ്പെടുത്തും. കൂടാതെ ഇത്തരം സന്ദേശങ്ങളിൽ പ്രത്യേകമായി ചില സമയവും സ്ഥലങ്ങളും പരാമർശിക്ക പെട്ടേക്കാം. കൂടാതെ ഇത്തരം സന്ദർഭങ്ങളിൽ ഒട്ടേറെ അമാനുഷിക കാര്യങ്ങളും രോഗ സൗഖ്യങ്ങളും സംഭവിക്കുന്നതായി റിപ്പോർട്ട് ചെയ്യപ്പെട്ടിട്ടുണ്ട് . [2]