![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a1/FoodSourcesOfMagnesium.jpg/640px-FoodSourcesOfMagnesium.jpg&w=640&q=50)
ഭക്ഷണക്രമം
From Wikipedia, the free encyclopedia
ഒരു വ്യക്തി അല്ലെങ്കിൽ ജീവി ആകെ കഴിക്കുന്ന ഭക്ഷണത്തിന്റെ അളവ് ആണ് ഡയറ്റ് അല്ലെങ്കിൽ ഭക്ഷണക്രമം എന്ന് അറിയപ്പെടുന്നത്. [1] ഡയറ്റ് എന്ന വാക്ക് പലപ്പോഴും ആരോഗ്യപരമായ കാരണങ്ങളാൽ അല്ലെങ്കിൽ ശരീരഭാരം നിയന്ത്രിക്കുന്ന കാരണങ്ങളാൽ (രണ്ടും പലപ്പോഴും ബന്ധപ്പെട്ടിരിക്കുന്നു) പോഷകാഹാരത്തിന്റെ പ്രത്യേക ഉപയോഗം സൂചിപ്പിക്കുന്നു. മനുഷ്യർ മിശഭോജികൾ ആണെങ്കിലും, ഓരോ സംസ്കാരവും ഓരോ വ്യക്തിയും ചില ഭക്ഷണ മുൻഗണനകളോ ചില ഭക്ഷണ വിലക്കുകളോ പാലിക്കുന്നു. ഇത് വ്യക്തിപരമായ അഭിരുചികളാലോ നൈതിക കാരണങ്ങളാലോ ആകാം. വ്യക്തിഗത ഭക്ഷണക്രമം ആരോഗ്യകരമാകുകയോ അല്ലാതായിരിക്കുകയോ ചെയ്യാം.
![Thumb image](http://upload.wikimedia.org/wikipedia/commons/thumb/a/a1/FoodSourcesOfMagnesium.jpg/640px-FoodSourcesOfMagnesium.jpg)
സമ്പൂർണ്ണ പോഷണത്തിന് ഭക്ഷണത്തിൽ നിന്നും ശരീരത്തിന് വിറ്റാമിനുകൾ, ധാതുക്കൾ, പ്രോട്ടീനിൽ നിന്നുള്ള അവശ്യ അമിനോ ആസിഡുകൾ, കൊഴുപ്പ് അടങ്ങിയ ഭക്ഷണത്തിൽ നിന്നുള്ള അവശ്യ ഫാറ്റി ആസിഡുകൾ, കാർബോഹൈഡ്രേറ്റ്, പ്രോട്ടീൻ, കൊഴുപ്പ് എന്നിവ ലഭിക്കണം. ജീവിത നിലവാരത്തിലും ആരോഗ്യത്തിലും ദീർഘായുസ്സിലും ഭക്ഷണ ശീലങ്ങൾ ഒരു പ്രധാന പങ്ക് വഹിക്കുന്നു.