ബൊഹോൾ
From Wikipedia, the free encyclopedia
മദ്ധ്യ ഫിലിപ്പീൻസിലെ വിസയാസ് പ്രദേശത്തെ ദ്വീപുകളിലൊന്നാണ് ബൊഹോൾ. ബൊഹോളും സമീപസ്ഥമായ 75 ചെറുദ്വീപുകളും ചേർന്ന പ്രവിശ്യയും ഇതേ പേരിൽ അറിയപ്പെടുന്നു. താഗ്ബിലാരാൻ നഗരമാണ് ഈ പ്രവിശ്യയുടെ തലസ്ഥാനം. 4117 ചതുരശ്ര കിലോമീറ്റർ ഭൂവിസ്തീർണ്ണവും 261 കിലോമീറ്റർ തീരദൈർഘ്യവുമുള്ള ബൊഹോൾ, ഫിലിപ്പീൻ ദ്വീപുകൾക്കിടയിൽ വലിപ്പത്തിൽ പത്താമത്തേതാണ്.[1] പടിഞ്ഞാറ് സെബൂ, വടക്കു-കിഴക്ക് ലെയ്റ്റെ, തെക്ക് മിന്ദനാവോ എന്നിവ ബൊഹോളിന്റെ അയൽദ്വീപുകളാണ്.[2]