From Wikipedia, the free encyclopedia
ഭ്രൂണവളർച്ചയുടെ ഘട്ടത്തിലുള്ള പക്ഷികളെ പുഴുങ്ങിയുണ്ടാക്കുന്ന ഒരു ഭക്ഷണ വിഭവമാണ് ബെലൂട്ട് അല്ലെങ്കിൽ ബെലോട്ട് (Balut) (/bəˈluː/ bə-LOOT, /ˈbɑːluː/ BAH-loot;[1] ഭ്രൂണം തോട് തുറന്ന് പുറത്തു വരുന്നതിന് തൊട്ടുമുൻപുള്ള മുട്ടയാണ് പുഴുങ്ങുന്നത്. താറാവിനത്തിൽപ്പെട്ട പക്ഷികളുടെ മുട്ടയാണ് പൊതുവേ ഇങ്ങനെ ഉപയോഗിക്കപ്പെടുന്നത്.മല്ലാർഡ് താറാവ് മുട്ടകൾ വ്യാപകമായി ഉപയോഗിക്കപ്പെടുന്നു[2]. ഫിലിപ്പീൻസിൽ നിന്ന് രൂപം കൊണ്ട ഒരു ഭക്ഷണരീതിയാണിത്. ബലൂട്ടിനുള്ള മുട്ട വിരിയിക്കാനെടുക്കുന്ന സമയത്തിൽ ഓരോ രാജ്യത്തും വ്യത്യാസമുണ്ട്. 14 മുതൽ 21 ദിവസം വരെയുള്ള ഇൻകുബേഷൻ നടന്ന മുട്ടയാണ് ഉപയോഗിക്കുക.
14-21 ദിവസം പ്രായമായ ഭ്രൂണം പുഴുങ്ങി അതു പോലെ ഭക്ഷിക്കുകയാണ് ചെയ്യുന്നത്. ഫിലിപ്പൈൻസിൽ, തെരുവ് ഭക്ഷണശാലകളിലെ ഒരു മുഖ്യ ഇനമാണ് ബെലൂട്ട്. അതോടൊപ്പം വലിയ മാളുകളിലും കച്ചവടശാലകളിലും വിൽക്കപ്പെടുന്നുമുണ്ട്.[3]
തെക്കുകിഴക്കേ ഏഷ്യയിൽപ്പെട്ട ലാവോസ്, കമ്പോഡിയ, വിയറ്റ്നാം, തായ്ലാന്റ്, ഫിലിപ്പീൻസ്, ചൈന എന്നിവിടങ്ങളിൽ ബെലൂട്ട് വ്യാപകമായി ഉപയോഗിക്കപ്പെടുന്നു.[4] വടക്കൻ അമേരിക്കയുടെ ചില ഭാഗങ്ങളിലും ബെലൂട്ടിന് പ്രചാരമുണ്ട്.[5]
ഫിലിപ്പിൻസിൽ ഇത് ഉപ്പ്, മുളക്, വെളുത്തുള്ളി, വിനാഗിരി എന്നിവ ചേർത്ത് ഭക്ഷിക്കുന്നു.[6]
പല രാജ്യങ്ങളിലും ബെലൂട്ടിനെതിരെ പ്രതികരണമുണ്ട്. ഭാഗികമായി ജീവനുള്ള പക്ഷിയെ ആവിയിൽ വെച്ച് പുഴുങ്ങുന്നത് ക്രൂരതയാണെന്ന് കാട്ടി പ്രകൃതിസ്നേഹികളും ചില മതങ്ങളും പ്രതിഷേധിക്കാറുണ്ട്. അതുകൊണ്ടു തന്നെ ബെലൂട്ട് നിരോധിക്കണമെന്ന് വാദിക്കുന്നവരുമുണ്ട്.[7] [7][8][9][10][11] [12][13][14]
സാൽമൊണെല്ല പോലുള്ള രോഗകാരികൾ ബലൂട്ട് വഴി പകരാനുള്ള സാധ്യതയുണ്ട്. അതിനാൽ, അപകടകാരിയായ ഭക്ഷണമായിട്ടാണ് കാനഡയിൽ ബെലൂട്ട് പരിഗണിക്കുന്നത്.[15][15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.