രണ്ടുവ്യക്തികൾ പ്രണയത്തിലായതിനു ശേഷം വിവാഹം കഴിക്കുന്നത്. From Wikipedia, the free encyclopedia
രണ്ട് വ്യക്തികൾ പരസ്പരം പ്രണയത്തിലായതിനു ശേഷം വിവാഹം ചെയ്യുന്നതിനെയാണ് പ്രണയവിവാഹം എന്ന പദം കൊണ്ട് വിവക്ഷിക്കുന്നത്. ദക്ഷിണേഷ്യയിൽ പ്രധാനമായും ഇന്ത്യ, പാകിസ്താൻ, ബംഗ്ലാദേശ്, ശ്രീലങ്ക എന്നിവിടങ്ങളിൽ മാതാപിതാക്കളുടെ അനുവാദത്തോടെയോ അല്ലാതെയോ പ്രണയവിവാഹം നടക്കാറുണ്ട്. എന്നാൽ പ്രണയവിവാഹത്തിന് വ്യക്തമായ ഒരു നിർവചനം ഇല്ല. ദമ്പതികളുടെ മാത്രം തീരുമാനത്തിൽ ഒരു വിവാഹം വിവരിക്കാൻ ഈ പദം സാധാരണയായി ഉപയോഗിക്കാറുണ്ട്[1][2][3][1]
ഇന്ത്യയിൽ മാതാപിതാക്കൾ, കുടുംബാംഗങ്ങൾ എന്നിവരുമായി കൂടിയാലോചിക്കാതെ നടക്കുന്ന വിവാഹത്തെ വിശേഷിപ്പിക്കാൻ സാധാരണയായി പ്രണയവിവാഹം എന്ന പദം ഉപയോഗിച്ചുവരാറുണ്ട്. 1970-കളിൽ നഗരപ്രദേശങ്ങളിലാണ് പ്രണയവിവാഹങ്ങൾ കൂടുതലായി സംഭവിച്ചുതുടങ്ങിയത്. തുടക്കത്തിൽ, പ്രണയവിവാഹങ്ങൾ സംഭവിച്ചത് സ്വീകാര്യമായ സമൂഹങ്ങൾക്കിടയിലായിരുന്നു. ലവ് - അറേഞ്ച്ഡ് വിവാഹങ്ങളാണ് ഇക്കാലഘട്ടങ്ങളിൽ കണ്ടുവരുന്നത്. ഇതിൽ രണ്ടിന്റെയും ഘടകങ്ങൾ അടങ്ങിയിരിക്കുന്നു. 2012 ൽ ടെലിവിഷൻ ചാനലായ എൻഡിടിവി നടത്തിയ ഇപ്സോസ് സർവ്വേയിൽ പങ്കെടുത്ത 74 ശതമാനം ആളുകളും മുൻഗണന നൽകിയിരുന്നത് അറേഞ്ച്ഡ് വിവാഹങ്ങൾക്കായിരുന്നു. 2010 ൽ ദേശീയ വനിതാ കമ്മീഷൻ പുറത്തിറക്കിയ റിപ്പോർട്ടിൽ പ്രണയവിവാഹത്തിനുശേഷം നടന്ന ദുരഭിമാനകൊലയുമായി ബന്ധപ്പെട്ട് 326 കേസുകൾ ഉണ്ടായിരുന്നു[1][4][5].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.