From Wikipedia, the free encyclopedia
മലയാളത്തിലെ ആദ്യത്തെ നിയോ റിയലിസ്റ്റിക് സിനിമയായ ന്യൂസ്പേപ്പർ ബോയിയുടെ സംവിധായകനാണ് പി. രാംദാസ് (English: P. Ramdas) (മരണം : 27 മാർച്ച് 2014).
തൃശൂർ തെക്കേക്കുറുപ്പത്ത് കൃഷ്ണൻ കുട്ടി മേനൊന്റെയും എറണാകുളം പൂരമ്പിള്ളി തറവാട്ടിൽ മാധവിയമ്മയുടേയും മകനായി ജനിച്ചു. എറണാകുളം ലോ കോളേജിൽ നിന്നും നിയമ ബിരുദം നേടിയശേഷം തൃശൂരിൽ അഭിഭാഷകനായി. വിദ്യാർഥി രചനകൾ വിദ്യാർഥിതന്നെ അച്ചടിച്ച് പ്രസിദ്ധീകരിച്ച 'മഹാത്മാ' മാസിക നടത്തിയിരുന്നു. 1983 മുതൽ 2000 വരെ 'വിജ്ഞാനഭാരതി' എന്ന മാസികയും 1994 മുതൽ 2000 വരെ 'സംഹിത' എന്ന ഇംഗ്ലീഷ് ക്യാപ്സ്യൂൾ മാസികയും അദ്ദേഹം നടത്തിയിരുന്നു.[1]
22-ആം വയസ്സിൽ ന്യൂസ്പേപ്പർ ബോയ് എന്ന ചിത്രം ഒരുക്കി, ലോകത്തിലെ ഏറ്റവും പ്രായം കുറഞ്ഞ സംവിധായകനായി[2]. ന്യൂസ്പേപ്പർ ബോയ് എന്ന സിനിമയ്ക്കു മൂന്നു നിർമ്മാതാക്കൾ ഉണ്ടായിരുന്നു. അതിലൊരാൾ രാമദാസ് തന്നെ ആയിരുന്നു. 1954-ൽ തിരുവനന്തപുരം എം. ജി. കോളേജിൽ പഠിക്കുമ്പോൾ എസ്. പരമേശ്വരൻ, എൻ. സുബ്രഹ്മണ്യൻ എന്നിവരോടു ചേർന്നാണീ സിനിമ രൂപം കൊണ്ടത്. 1.75 ലക്ഷം രൂപ മുടക്കി മൂന്നുപേരും ചേർന്നു നിർമ്മിച്ച് 1955 മേയ് 15-നു തിയേറ്ററുകളിൽ എത്തിയ ഈ ചിത്രം സാമ്പത്തികമായി പരാജയപ്പെട്ടു.
പാഥേർ പാഞ്ചാലിക്കും മുൻപാണു അത്തരത്തിൽ തന്നെയുള്ള ഒരു സിനിമ രാംദാസ് ഒരുക്കിയത്. ഈ രണ്ടു ചിത്രങ്ങൾക്കും പൊതുവായി ഉള്ള ചില കാര്യങ്ങൾ, ഇവ രണ്ടിലും ലൊക്കഷൻ വച്ചാണു ചിത്രമെടുത്തിരുന്നത്. ഇവയിലെ നടന്മാർ സാധാരണക്കാക്കാരുമായിരുന്നു. അതുപോലെ തന്നെ രണ്ടിന്റെയും പ്രമേയം ലോകത്തെപ്പറ്റിയുള്ള ഒരു കുഞ്ഞിന്റെ കാഴ്ചപ്പാടാണ്. രാംദാസും സത്യജിത് റായിയും ആദ്യമെടുത്ത പടങ്ങളായിരുന്നു ഇവ. പുതുയാഥാർഥ്യവാദത്തിൽ വിശ്വസിച്ചിരുന്നയാളായിരുന്നു അദ്ദേഹം[3].
1975ൽ പുറത്തിറങ്ങിയ ഈ ചിത്രത്തിന്റെ കഥക്ക് ശ്രീമതി കെ ബി ശ്രീദേവിആ വർഷത്തെ സംസ്ഥാനചലച്ചിത്ര അവാർഡ് നേടി.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.