പാർക്കിൻസൺസ് ദിനം
From Wikipedia, the free encyclopedia
എല്ലാ വർഷവും ഏപ്രിൽ 11 ന്, ലോക പാർക്കിൻസൺസ് ദിനമായി ആചരിക്കുന്നു. പാർക്കിൻസൺസ് ഒരു മെഡിക്കൽ അവസ്ഥയാണെന്ന് കണ്ടെത്തിയ ജെയിംസ് പാർക്കിൻസന്റെ ജന്മദിനമാണ് ഇത്. നാഡീവ്യവസ്ഥയുടെ തകരാറിനെക്കുറിച്ച് അവബോധം വളർത്തുന്നതിനും അതിന്റെ യാഥാർത്ഥ്യം മനസ്സിലാക്കാൻ പൊതുജനങ്ങളെ സഹായിക്കാനുമുള്ള ദിനം കൂടിയാണിത്. യൂറോപ്യൻ പാർക്കിൻസൺസ് ഡിസീസ് അസോസിയേഷനും (ഇപിഡിഎ) ലോകാരോഗ്യ സംഘടനയും ചേർന്നാണ് 1997 ഏപ്രിൽ 11-ന് ലോക പാർക്കിൻസൺസ് ദിനം സ്ഥാപിച്ചത്.[1][2]
പല ആരോഗ്യ സംഘടനകളും ഈ ദിവസം വിവിധ പരിപാടികൾ നടത്തുന്നു. പാർക്കിൻസൺസ് രോഗ ഗവേഷണം, വെബിനാറുകൾ, ഇൻഫർമേഷൻ ഡിസ്പ്ലേകൾ എന്നിവയ്ക്കായുള്ള ധനസമാഹരണം ഇവയിൽ ഉൾപ്പെടുന്നു. പാർക്കിൻസൺസ് രോഗമുള്ള ഒരാൾക്കോ അവരുടെ പരിചാരകനോ വേണ്ടി എന്തെങ്കിലും പ്രത്യേകമായി ചെയ്യുക, പാർക്കിൻസൺസ് ബാധിച്ച പ്രശസ്തരായ ആളുകളെക്കുറിച്ച് അറിയുക, പാർക്കിൻസൺസിനെക്കുറിച്ചുള്ള നെവർ സ്റ്റെഡി നെവർ സ്റ്റിൽ, കൈനറ്റിക്സ്, റൈഡ് വിത്ത് ലാറി എന്നിവ പോലുള്ള ഒരു സിനിമ കാണുക, പാർക്കിൻസൺസ് രോഗത്തിന്റെ ആദ്യ ലക്ഷണങ്ങൾ കാണിക്കുന്ന ഒരാളെ അറിയാമെങ്കിൽ, അവരെ ചികിസിക്കുന്നതിന് ശ്രമം നടത്തുക #WorldParkinsonsDay എന്ന ഹാഷ്ടാഗിനൊപ്പം ചുവന്ന റ്റുലിപ്പിന്റെ ഒരു ചിത്രം പോസ്റ്റ് ചെയ്ത് സോഷ്യൽ മീഡിയയിൽ ഈ ദിനത്തിനായുള്ള അവബോധം പ്രചരിപ്പിക്കുക തുടങ്ങിയ പ്രവത്തനങ്ങളും അനുബന്ധമായി നടത്തുന്നു.[3][4]