![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/28/Nishi_tribal_lightened.jpg/640px-Nishi_tribal_lightened.jpg&w=640&q=50)
നിഷി
From Wikipedia, the free encyclopedia
പ്രധാനമായും ഇന്ത്യയിലെ അരുണാചൽ പ്രദേശ് സംസ്ഥാനത്ത് വസിക്കുന്ന ഒരു ആദിവാസിവംശമാണ് നിഷി. ഇവർ ബ്രിട്ടീഷുകാരുടെ കാലത്ത് ഡഫ്ലകൾ എന്നാണ് അറിയപ്പെട്ടിരുന്നത്. 2008-ലെ ഒരു നിയമം മൂലം ഇന്ത്യാ ഗവണ്മെന്റ് എല്ലാ രേഖകളിലും ഇവരുടെ സമുദായനാമം നിഷി എന്നാക്കി മാറ്റി. ഡഫ്ല എന്നത് കളിയാക്കിവിളിച്ചിരുന്ന പേരാണെന്നതിനാലാണിത്[2].
![]() A Nyishi man with a hornbill headdress | |
Total population | |
---|---|
249,824[1] (2011 census) | |
Regions with significant populations | |
![]() | |
Languages | |
Nyishi | |
Religion | |
Christianity, Animism |
അരുണാചലിലെ പാപും പരെ, പടിഞ്ഞാറൻ കാമെങ്, ലോവർ സുബാൻസിരി, കുറുങ് കുമെ, അപ്പർ സുബാൻസിരി എന്നീ ജില്ലകളിലാണ് ഇവർ കൂടുതലായും വസിക്കുന്നത്. അസമിലെ ദരങ്, വടക്കൻ ലാഖിപ്പൂർ എന്നീ ജില്ലകളിലും ഇവരെ കണ്ടുവരുന്നു. 1,20,000 അംഗസംഖ്യയുള്ള ഇവരാണ് അരുണാചല്പ്രദേശിലെ ഏറ്റവുമധികം ജനസംഖ്യയുള്ള ആദിവാസിവംശങ്ങളിലൊന്നാണ്.
ഇവർ പോരാളികളായ വംശമാണ്. കന്നുകാലികളെ തട്ടിക്കൊണ്ടു പോകൽ, മറ്റുള്ളവരുടെ പ്രദേശങ്ങൾ പിടിച്ചെടുക്കൽ, ആളുകളെ തട്ടിക്കൊണ്ടുപോകൽ, കൊലപാതകം തുടങ്ങിയ പരാക്രമങ്ങൾ മൂലം അടുത്തുള്ള ഗിരിവർഗ്ഗക്കാർക്കിടയിൽ ഭീകരത വിതച്ചിരുന്നു[3].