![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Nalgonda_District_Montage_1.png/640px-Nalgonda_District_Montage_1.png&w=640&q=50)
നാൽഗോണ്ട ജില്ല
From Wikipedia, the free encyclopedia
ഇന്ത്യൻ സംസ്ഥാനമായ തെലങ്കാനയിലെ ഒരു ജില്ലയാണ് നാൽഗോണ്ട. തെലുഗു ഭാഷയിലുള്ള നല്ല(കറുത്ത), കൊണ്ട(കുന്നുകൾ) എന്നീ വാക്കുകളിൽനിന്നാണ് നൽഗോണ്ട എന്ന പേരിന്റെ ഉദ്ഭവം.[3] ഹൈദരാബാദിന് 88 കി.മീ. തെ. കിഴക്ക് സ്ഥിതിചെയ്യുന്ന ജില്ലയുടെ വിസ്തീർണം: 14,240 ച.കി.മീ.; ജനസംഖ്യ: 32,47,982 (2001); അതിരുകൾ: വടക്ക് മേദക്, വാറങ്ഗൽ ജില്ലകൾ, തെക്ക് ഗുണ്ടൂർ, മെഹ്ബൂബ് നഗർ ജില്ലകൾ, കിഴക്ക് ഖമ്മം, കൃഷ്ണ ജില്ലകൾ, പടിഞ്ഞാറ് രങ്ഗറെഡി, മെഹ്ബൂബ് നഗർ ജില്ലകൾ.
നാൽഗോണ്ട ജില്ല నల్లగొండ Nallagonda | |
---|---|
District of Telangana | |
![]() Nalgonda District Montage. Clockwise from Top Left: Kolanpak Jain Temple Gopuram, Ancient Temples at Arrur Village, Rajapet Fort, Yadagirigutta temple Gopuram, Clock Tower center in Nalgonda Town, Nagarjunasagar Dam | |
![]() Location in Telangana, India | |
Country | India |
State | Telangana |
(2011) | |
• ആകെ | 3,483,648[1] |
• Official | Telugu, Urdu |
സമയമേഖല | UTC+5:30 (IST) |
വാഹന റെജിസ്ട്രേഷൻ | TS-05[2] |
വെബ്സൈറ്റ് | nalgonda |
![Thumb image](http://upload.wikimedia.org/wikipedia/commons/thumb/6/60/Nalgonda-Mandals-AssemblyConstituencies.jpg/320px-Nalgonda-Mandals-AssemblyConstituencies.jpg)
പടിഞ്ഞാറു നിന്നും വ. പടിഞ്ഞാറുനിന്നും തെ. കിഴക്കോട്ടു ചരിഞ്ഞിറങ്ങുന്ന ഭൂപ്രകൃതിയാണ് ജില്ലയുടേത്. ധാരാളം കുന്നിൻ നിരകളും ഒറ്റപ്പെട്ട ചെറുകുന്നുകളും ജില്ലയിലുടനീളം കാണാം. കൃഷ്ണയാണ് പ്രധാന നദി. ജില്ലയിലെ മുഖ്യ ഉപജീവനമാർഗ്ഗം കൃഷിയാണ്; നെല്ല് മുഖ്യവിളയും. ചോളം, നിലക്കടല, ആവണക്ക് തുടങ്ങിയവയും ഇവിടെ വിപുലമായി കൃഷിചെയ്യപ്പെടുന്നുണ്ട്. നാഗാർജുന സാഗർ, മൂസി, ഡിണ്ടി ജലസേചന പദ്ധതികളാണ് കൃഷിക്കാവശ്യമായ ജലം പ്രദാനം ചെയ്യുന്നത്. കന്നുകാലി വളർത്തലും, ക്ഷീര വ്യവസായവുമാണ് തദ്ദേശീയരുടെ മറ്റു ഉപജീവനമാർഗങ്ങൾ. കയോലിൻ കളിമണ്ണാണ് ജില്ലയിലെ ഏക പ്രധാന ധാതു. സിമെന്റ്, ഇഷ്ടിക എന്നിവയുടെ നിർമ്മാണം ജില്ലയിലെ മുഖ്യവ്യവസായമായി വികസിച്ചിരിക്കുന്നു.
തെലുഗു, ഉറുദു എന്നിവയാണ് ഈ ജില്ലയിൽ വ്യാപകമായുപയോഗിക്കപ്പെടുന്ന ഭാഷകൾ. ജനങ്ങളിൽ ഭൂരിഭാഗവും ഹിന്ദു, മുസ്ലിം, ക്രിസ്ത്യൻ മതവിഭാഗങ്ങളിൽപ്പെട്ടവരാകുന്നു. ശ്രീ. വെങ്കടേശ്വര കോളജ്, ശ്രീ. അരബിന്ദോ കോളജ്, നാൽഗോണ്ട കോളജ്, നാഗാർജുന ഗവൺമെന്റ് കോളജ് തുടങ്ങി ഒട്ടനവധി വിദ്യാഭ്യാസ സ്ഥാപനങ്ങൾ ഈ ജില്ലയിൽ പ്രവർത്തിക്കുന്നുണ്ട്.
നാൽഗോണ്ട ജില്ലയുടെ ഗതാഗത മേഖലയിൽ റോഡുകൾക്കാണ് മുൻഗണന. ഹൈദരബാദ്-കാസിപേട്ട് റെയിൽപ്പാത ഈ ജില്ലയിലൂടെ കടന്നുപേകുന്നു. അലെയ്ർ, ഭോങ്ഗിർ, കോലാൻപാക്, ഗുണ്ട്ലപള്ളി, മാട്ടപ്പള്ളി, മോത്കൂർ, വിജയപുരി, വടാപള്ളി തുടങ്ങിയവ ജില്ലയിലെ വിനോദ സഞ്ചാര പ്രധാന്യമുള്ള പ്രദേശങ്ങളാകുന്നു.