ത്കിബുലി
From Wikipedia, the free encyclopedia
പടിഞ്ഞാറൻ-മധ്യ ജോർജിയയിലെ ഒരു പട്ടണമാണ് ത്കിബുലി - Tkibuli / Tqibuli (Georgian: ტყიბული). ഇമെറെതി പ്രവിശ്യയിലെ വടക്കേ അറ്റത്ത് ആയാണ് ഈ പട്ടണം സ്ഥിതിചെയ്യുന്നത്. റച്ച പ്രവിശ്യയോട് അടുത്ത് കിടക്കുന്ന പ്രദേശമാണിത്. നകേരള പർവ്വതത്തിന്റെ താഴ്വരയിലാണ് ഈ പട്ടണം.കൽക്കരി ഖനനം നടക്കുന്ന പ്രദേശമാണിത്. മനുഷ്യ നിർമ്മിതമായ രണ്ടു തടാകങ്ങളുടെ -കൃത്രിമ ജലാശയങ്ങളുടെ ഇടയിലായി ഒരു പർവ്വത മേഖലയിലാണ് ത്കിബുലി പട്ടണം സ്ഥിതിചെയ്യുന്നത്. ഇവിടെ ഒൻപത് കൽക്കരി ഖനികൾ ഉണ്ടായിരുന്നു. എന്നാൽ, നിലവിൽ ഒരു ഖനി മാത്രമാണ് പ്രവർത്തിക്കുന്നത്. ത്കിബുലിയിലെ തേയില വളരെ പ്രസിദ്ധമാണ്. ഈ പ്രദേശത്ത് വളരുന്ന തേയിലകളാണ് ജോർജിയയിൽ വ്യാപകമായി വിൽപ്പന നടക്കുന്നത്.