![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Thomas_Chatterton.jpg/640px-Thomas_Chatterton.jpg&w=640&q=50)
തോമസ് ചാറ്റർട്ടൺ
From Wikipedia, the free encyclopedia
പതിനെട്ടാം നൂറ്റാണ്ടിൽ, വളരെ ഹ്രസ്വമായ ജീവിതകാലത്തിനിടെ(ജനനം: 20 നവംബർ, 1752; മരണം: 24 ഓഗസ്റ്റ്, 1770) ഇംഗ്ലീഷ് സാഹിത്യത്തിന്റെ ചരിത്രത്തെ കാര്യമായി സ്വാധീനിച്ച ഒരു ദുരന്തപ്രതിഭയാണ് തോമസ് ചാറ്റർട്ടൺ. ചാറ്റർട്ടൺ പ്രധാനമായും സ്മരിക്കപ്പെടുന്നത്, സ്വന്തം ഭാവനയുടേയും അനുകരണസാമർഥ്യത്തിന്റേയും ബലത്തിൽ[1] എഴുതിയ കവിതകൾ പതിനഞ്ചാം നൂറ്റാണ്ടിലെ ഒരു കവിയുടേതെന്ന അവകാശവാദത്തോടെ അവതരിപ്പിച്ച് പ്രസാധകരേയും സാഹിത്യാസ്വാദകരേയും കബളിപ്പിച്ചതിന്റെ പേരിലാണ്. അതേസമയം പതിനേഴുവയസ്സുവരെ മാത്രം ജീവിച്ച ചാറ്റർട്ടൻ ഭാവനാസമ്പന്നനായ എഴുത്തുകാരനും ഇംഗ്ലീഷ് ഭാഷയിലെ ആദ്യത്തെ കാല്പനിക കവിയും [2]ആയി കണക്കാക്കപ്പെടുന്നു.