![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ae/Tessa_Sanderson-2.jpg/640px-Tessa_Sanderson-2.jpg&w=640&q=50)
തെരേസ സാൻഡേഴ്സൺ
From Wikipedia, the free encyclopedia
ഒരു ബ്രിട്ടീഷ് മുൻ ജാവലിൻ ത്രോ താരമാണ് തെരേസ അയോൺ സാൻഡേഴ്സൺ CBE OLY (ജനനം 14 മാർച്ച് 1956). 1976 മുതൽ 1996 വരെയുള്ള എല്ലാ സമ്മർ ഒളിമ്പിക്സുകളിലും അവർ പങ്കെടുത്തു. 1984 ലെ ഒളിമ്പിക്സിൽ ജാവലിൻ ത്രോയിൽ സ്വർണ്ണ മെഡൽ നേടി. ആറ് ഒളിമ്പിക്സുകളിൽ മത്സരിക്കുന്ന രണ്ടാമത്തെ ട്രാക്ക് ആൻഡ് ഫീൽഡ് അത്ലറ്റായി. ഒളിമ്പിക് സ്വർണ്ണ മെഡൽ നേടിയ ആദ്യത്തെ കറുത്തവർഗക്കാരിയായ ബ്രിട്ടീഷ് വനിതയായിരുന്നു അവർ.
![]() Sanderson in 2008 | |||||||||||||||||||||||||||||||||||
വ്യക്തിവിവരങ്ങൾ | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
മുഴുവൻ പേര് | Theresa Ione Sanderson | ||||||||||||||||||||||||||||||||||
ദേശീയത | British | ||||||||||||||||||||||||||||||||||
ജനനം | (1956-03-14) 14 മാർച്ച് 1956 (68 വയസ്സ്) St Elizabeth, Colony of Jamaica | ||||||||||||||||||||||||||||||||||
സജീവമായ വർഷങ്ങൾ | 1973–1997 | ||||||||||||||||||||||||||||||||||
Sport | |||||||||||||||||||||||||||||||||||
കായികയിനം | Athletics | ||||||||||||||||||||||||||||||||||
Event(s) | Javelin throw | ||||||||||||||||||||||||||||||||||
നേട്ടങ്ങൾ | |||||||||||||||||||||||||||||||||||
Personal best(s) | 73.58 m (241.4 ft) (1983) | ||||||||||||||||||||||||||||||||||
Medal record
|
മൂന്ന് കോമൺവെൽത്ത് ഗെയിംസുകളിലും (1978, 1986, 1990), 1992 IAAF ലോകകപ്പിലും ജാവലിൻ ത്രോയിൽ സാൻഡേഴ്സൺ സ്വർണം നേടിയിട്ടുണ്ട്. 1978 യൂറോപ്യൻ അത്ലറ്റിക്സ് ചാമ്പ്യൻഷിപ്പിൽ റണ്ണർ അപ്പ് ആയ അവർ മൂന്ന് ലോക ചാമ്പ്യൻഷിപ്പുകളിൽ (1983, 1987, 1997) മത്സരിച്ചു. സാൻഡേഴ്സൺ മൂന്ന് തവണ യുകെ ദേശീയ ചാമ്പ്യനും പത്ത് തവണ അമച്വർ അത്ലറ്റിക്സിൽ AAA ദേശീയ ചാമ്പ്യനുമാണ്. ജാവലിനിൽ അഞ്ച് കോമൺവെൽത്ത് റെക്കോർഡുകളും പത്ത് ബ്രിട്ടീഷ് ദേശീയ റെക്കോർഡുകളും ജൂനിയർ, മാസ്റ്റേഴ്സ് തലങ്ങളിലെ റെക്കോർഡുകളും അവർ സ്ഥാപിച്ചു. തന്റെ കരിയറിൽ, 1984 ഒളിമ്പിക്സിൽ വെങ്കലം നേടിയ ബ്രിട്ടീഷുകാരിയായ ഫാത്തിമ വിറ്റ്ബ്രെഡുമായി സാൻഡേഴ്സണിന് മത്സരമുണ്ടായിരുന്നു.
അത്ലറ്റിക്സിന് പുറത്ത്, സാൻഡേഴ്സൺ നിരവധി അതിഥി ടെലിവിഷൻ അവതരണം നടത്തിയിട്ടുണ്ട്. കൂടാതെ 1989-ൽ സ്കൈ ന്യൂസ് സംപ്രേക്ഷണം ആരംഭിച്ചപ്പോൾ സ്പോർട്സ് റിപ്പോർട്ടറായിരുന്നു. 1985-ൽ സാൻഡേഴ്സൺ ഓർഡർ ഓഫ് ദി ബ്രിട്ടീഷ് എംപയർ (എം.ബി.ഇ.) അംഗമായി നിയമിതയായി. കൂടാതെ 2004 ലെ ന്യൂ ഇയർ ഓണേഴ്സിൽ ഓർഡർ ഓഫ് ദി ബ്രിട്ടീഷ് എംപയർ (CBE) കമാൻഡറായി. അവർ 1999 മുതൽ 2005 വരെ സ്പോർട് ഇംഗ്ലണ്ടിന്റെ വൈസ് ചെയർ ആയിരുന്നു. പിന്നീട് ടെസ്സ സാൻഡേഴ്സൺ ഫൗണ്ടേഷനും അക്കാദമിയും സ്ഥാപിച്ചു. ഇത് യുവാക്കളെയും വൈകല്യമുള്ളവരെയും കായികരംഗത്തേക്ക് നയിക്കാൻ പ്രോത്സാഹിപ്പിക്കുന്നതിന് ലക്ഷ്യമിടുന്നു.