![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/ba/Cataract_in_human_eye.png/640px-Cataract_in_human_eye.png&w=640&q=50)
തിമിര ശസ്ത്രക്രിയ
From Wikipedia, the free encyclopedia
തിമിരം ബാധിച്ച കണ്ണിലെ സ്വാഭാവിക ലെൻസ് ("ക്രിസ്റ്റലിൻ ലെൻസ്" എന്നും വിളിക്കുന്നു) നീക്കം ചെയ്യുന്ന ശസ്ത്രക്രിയ ആണ് തിമിര ശസ്ത്രക്രിയ. പ്രായമാകുന്നതിന് അനുസരിച്ച് സംഭവിക്കുന്ന ലെൻസ് നാരുകളുടെ ഉപാപചയ മാറ്റങ്ങൾ തിമിരത്തിന്റെ വികാസത്തിലേക്ക് നയിക്കുന്നു, ഇത് മൂലം കാഴ്ച ശക്തി കുറയുകയോ കാഴ്ച പൂർണ്ണമായും നഷ്ടപ്പെടുകയോ ചെയ്യുന്നു. ചില ശിശുക്കളിൽ ജനിക്കുമ്പോൾ തന്നെ തിമിരം ഉണ്ടാകാറുണ്ട്. ചില പാരിസ്ഥിതിക ഘടകങ്ങളും തിമിര രൂപീകരണത്തിലേക്ക് നയിച്ചേക്കാം.
തിമിര ശസ്ത്രക്രിയ | |
---|---|
Intervention | |
![]() സ്ലിറ്റ് ലാമ്പ് ഉപയോഗിച്ചുള്ള പരിശോധനയിൽ കാണുന്ന മനുഷ്യന്റെ കണ്ണിലെ തിമിരത്തിന്റെ മാഗ്നിഫൈഡ് കാഴ്ച | |
ICD-9-CM | 13.19 |
MeSH | D002387 |
MedlinePlus | 002957 |
തിമിര ശസ്ത്രക്രിയയ്ക്കിടെ, ഫേക്കോഇമൾസിഫിക്കേഷൻ വഴിയോ അല്ലാതെയോ രോഗിയുടെ തിമിര ബാധിത പ്രകൃതിദത്ത ലെൻസ് നീക്കംചെയ്യുന്നു, എന്നിട്ട് സാധാരണയായി ഒരു കൃത്രിമ ഇൻട്രാഒക്യുലർ ലെൻസ് (IOL) അതിന്റെ സ്ഥാനത്ത് സ്ഥാപിക്കും. ചില പ്രത്യേക സാഹചര്യങ്ങളിൽ ഇൻട്രഒകുലർ ലെൻസ് സ്ഥാപിക്കാതെയും തിമിര ശസ്ത്രക്രിയ നടത്താറുണ്ട്. സാധാരണയായി ഒരു നേത്രരോഗവിദഗ്ദ്ധൻ, ഒരു ഇൻപേഷ്യന്റ് ക്രമീകരണത്തേക്കാൾ ഒരു ശസ്ത്രക്രിയാ കേന്ദ്രത്തിലോ ആശുപത്രിയിലോ, ആംബുലേറ്ററി ക്രമീകരണത്തിലാണ് തിമിര ശസ്ത്രക്രിയ നടത്തുന്നത്. ടോപ്പിക്കൽ, പെരിബൾബാർ അല്ലെങ്കിൽ റെട്രോബൾബാർ ലോക്കൽ അനസ്തേഷ്യ ഇതിനായി ഉപയോഗിക്കുന്നു, ഇത് സാധാരണയായി രോഗിക്ക് കാര്യമായ അസ്വസ്ഥത ഉണ്ടാക്കാറില്ല.
ഫേക്കോഇമൾസിഫിക്കേഷൻ പോലുള്ള നൂതന ശസ്ത്രക്രിയ രീതികൾ കാരണം, ഇന്നു നടക്കുന്ന തിമിര ശസ്ത്രക്രിയകൾ, തിമിരം മൂലം കാഴ്ച നഷ്ടപ്പെട്ട 90% ആളുകൾക്കും ഉപയോഗപ്രദമായ കാഴ്ച പുനസ്ഥാപിക്കുന്നതിൽ വിജയിക്കുന്നു.