![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/50/Taman_map.png/640px-Taman_map.png&w=640&q=50)
തമൻ ഉപദ്വീപ്
From Wikipedia, the free encyclopedia
റഷ്യയിലെ ക്രാസ്നോഡർ ക്രായിയിൽ സ്ഥിതിചെയ്യുന്ന ഒരു ഉപദ്വീപാണ് തമൻ ഉപദ്വീപ് - Taman Peninsula (Russian: Тама́нский полуо́стров, Tamanskiy poluostrov). തമൻ ഉപദ്വീപിന്റെ അതിർത്തികൾ, വടക്ക് അസോവ് കടലും പടിഞ്ഞാറ് കെർഷ് കടലിടുക്കും തെക്ക് ഭാഗത്ത് കരിങ്കടലുമാണ്.[1]
![Thumb image](http://upload.wikimedia.org/wikipedia/commons/thumb/5/50/Taman_map.png/320px-Taman_map.png)
കഴിഞ്ഞ രണ്ട് സഹസ്രാബ്ദങ്ങളായി ഒരു കൂട്ടം ചെറു ദ്വീപുകൾ ക്രമാനുഗതമായി ഇന്നത്തെ ഉപദ്വീപായി മാറുകയായിരുന്നു. ഗ്രീക്ക് ഭാഷയായ പോന്റിക് ഗ്രീക്ക് സംസാരിക്കുന്ന ഹെർമോനസ്സ, ഫനഗോറിയ എന്നീ പുരാതന ഗ്രീക്ക് നഗരങ്ങൾ തമൻ ഉപദ്വീപിൽ നിലനിന്നിരുന്നു. അവ പിന്നീട് ട്മുതരകൻ(Tmutarakan) എന്ന നഗരമായി. പുരാതന കാലത്ത് അസോവ കടൽ തീരത്ത് വസിച്ചിരുന്ന മയിയോത്തിയൻ ജനങ്ങളും കരിങ്കടൽ തീരത്ത് വസിച്ചിരുന്ന സിന്ധി ജനങ്ങളും ഇവിടെ വസിച്ചിരുന്നു. ക്ലാസിക്കൽ കാലത്ത് ഈ പ്രദേശം ബോസ്ഫറൻ കിങ്ഡത്തിന്റെ ഭാഗമായി. അക്കാലത്ത് സർമാത്തിയൻസ്, ഗ്രീക്കുകാർ, അനറ്റോലിയൻ എന്നിവർ കരിങ്കടലിന്റെ തീരത്തുള്ള പോന്റുസ് പ്രവിശ്യയിൽ നിന്ന് കുടിയേറി. ജൂത കുടിയേറ്റവുമുണ്ടായി. നാലാം നൂറ്റാണ്ടിൽ തമൻ ഉപദ്വീപ് ഹൂണൻമാരുടെ നിയന്ത്രണത്തിലായി,വോൾഗ നദിയുടെ കിഴക്കുഭാഗത്ത് അധിവസിച്ചിരുന്ന നാടോടി ജനതയാണ് ഹൂണന്മാർ. ഇതിന് ശേഷം തമൻ ഉപദ്വീപിന്റെ ആസ്ഥാനം ഗ്രേറ്റ് ബൾഗേറിയയായിരുന്നു. ഏഴാം നുറ്റാണ്ടിന്റെ മധ്യത്തിൽ തുർക്കി ജനതയായ കസാർസുകളുടെ കസാറിയ കിംഗ്ഡത്തിന് കീഴിലായി. ഏകദേശം 969ൽ കസർ ഭരണം തകർന്നതോടെ ഡേവിഡ് എന്ന പേരുള്ള ഒരു ഭരണാധികാരിക്ക് കീഴിൽ കസർ യഹൂദ തുടർച്ചയി ഭരണകൂടം രൂപീകൃതമായി. 980കളിൽ അവസാനത്തിൽ യൂറോപ്യൻ ഗോത്ര ഭരണാധികാരികളായ കീവൻ റൂസിന്റെ അധീനതയിലായി. ഏകദേശം 1100 റഷ്യൻ രാജഭരണ പ്രവിശ്യയായ ത്മുതരകൻ ഭരണവും അവസാനിച്ചു. 1239 ദ്വീപ് മംഗോളിയർ പിടിച്ചെടുത്തു. 1419ൽ ഇറ്റലിയിലെ ജെനോവ പ്രവിശ്യയുടെയും 1419ൽ ക്രീമിയയിലെ ഗസാറിയയുടെ ഭാഗമായി.